19/04/2026
https://ikstudio.az/news/4 (Ətraflı oxu)
Azərbaycan musiqi sənətinin dəyərli incilərindən biri olan və Türkiyədə "Ellerini Çekip Benden" adı ilə də geniş tanınan "Nədən Oldu" əsərinin müəlliflik hüquqları qardaş ölkədə tam şəkildə bərpa olunub. İllərdir Türkiyə Musiqi Əsəri Sahibləri İctimai Birliyinin (MESAM) bazasında "anonim" (müəllifi məlum olmayan) kimi qeydiyyatda olan bu mahnı artıq rəsmən öz əsl sahiblərinin adına rəsmiləşdirilib.
Bu mühüm nailiyyət "IK Studio" və Türkiyənin "Ahenk Müzik" şirkətinin ortaq və məqsədyönlü fəaliyyəti nəticəsində baş tutub. Həyata keçirilən birgə işlər və təqdim edilən təkzibedilməz arxiv sənədləri, məlumatlar və səs qeydləri sayəsində MESAM-ın Texniki Bilim Krulu tərəfindən yekun qərar qəbul edilib. Qərara əsasən, əsərin musiqisinin Azərbaycanın görkəmli bəstəkarı Şəfiqə Axundovaya, sözlərinin isə qüdrətli şairimiz Bəxtiyar Vahabzadəyə aid olduğu rəsmən öz təsdiqini tapıb.
Azərbaycan milli musiqi irsinin və dahi sənətkarlarımızın hüquqlarının beynəlxalq müstəvidə qorunması istiqamətində atılan bu addım mədəniyyətimiz üçün böyük əhəmiyyət daşıyır.
Rəsmi sənədə açıqlama bölməsində (və ya qalereyada) baxa bilərsiniz.
