Project 8848 Production

02/08/2026

ब्रड पीकमा फेला परेका आरोहीको शव जापानी क्याम्पबाट हेलिकोप्टरबाट ल्याउने प्रयास

ब्रड पीकमा परिचालित स्थल उद्धार टोली करिब ५,७०० मिटरको उचाइमा प्रसिद्ध पर्वतारोही निर्मल पुर्जा (निम्स दाइ)रहेको स्थानमा पुगेको छ ।

पाकिस्तानको अल्पाइन क्लबका अनुसार उद्धार टोलीले सोही स्थानमा थप तीन वटा शव पनि फेला पारेको छ, तर तिनको पहिचान अझै पुष्टि हुन बाँकी छ।

काठमाडौंबाट पाकिस्तान प्रशासित गिलगिट–बाल्टिस्तानको स्कर्दु पुगेका वरिष्ठ नेपाली पर्वतारोही मिङ्मा डेभिड शेर्पाले सामाजिक सञ्जालमार्फत अत्यन्त कठिन परिस्थितिमा शव उद्धार अभियान सञ्चालन भइरहेको र सम्पूर्ण टोलीको सुरक्षालाई सर्वोच्च प्राथमिकता दिइएको बताएका छन्।

उनले लेखेका छन्, ‘स्थल टोलीबाट प्राप्त जानकारीअनुसार हाल रहेको स्थानबाट शवलाई क्याम्प–१ सम्म ल्याउने योजना छ। त्यसपछि भोलि जापानी क्याम्पसम्म ल्याइनेछ। यदि मौसम र हिमालको अवस्था अनुकूल रह्यो भने जापानी क्याम्पबाट हेलिकोप्टर प्रयोग गर्ने सम्भावना छ। यस अभियानको मुख्य उद्देश्य दिवंगत साथीहरूको शव सुरक्षित रूपमा उद्धार गरी सम्मानपूर्वक आफ्ना परिवारसम्म पुर्याउनु हो। उद्धार अभियानमा संलग्न सम्पूर्ण टोलीको सुरक्षा हाम्रो सबैभन्दा ठूलो प्राथमिकता हो। प्रत्येक निर्णय टोलीको सुरक्षालाई केन्द्रमा राखेर गरिएको छ।’

उद्धार अभियानको पहिलो चरणमा उद्धारकर्मीहरूले माथिल्लो भागबाट अत्यन्तै भीरालो र प्राविधिक रूपमा कठिन भूभाग हुँदै शवलाई बोकेर क्याम्प–१ सम्म ल्याउनेछन्।

हालको अवस्थामा जोखिमपूर्ण भू–भाग र थप हिमपहिरो आउने सम्भावनाका कारण उच्च उचाइबाट हेलिकोप्टरमार्फत प्रत्यक्ष उद्धार गर्ने विकल्प अस्वीकार गरिएको छ। उद्धार टोलीका अनुसार मौसम अनुकूल रहेमा सोमबारसम्म शवलाई जापानी क्याम्पमा पु¥याइनेछ।

यदि मौसम स्थिर रह्यो र पुनः हिमपहिरो नआयो भने पाकिस्तानी सेनाको उड्डयन शाखाका हेलिकोप्टरहरू जापानी क्याम्पमा तयारी अवस्थामा रहनेछन्। ती हेलिकोप्टरमार्फत दिवंगत पर्वतारोहीहरूका शव र उद्धार टोलीलाई सुरक्षित रूपमा तल उपत्यकातर्फ ल्याइने योजना छ।

नेपाली मूलका विश्वप्रसिद्ध पर्वतारोही निर्मल पुर्जा ‘निम्स दाइ’ को ब्रड पीकमा आएको हिमपहिरोमा परी दुःखद निधन भएको निम्सदाइ फाउन्डेसनले शनिबार पुष्टि गरेको थियो।

फाउन्डेसनले आफ्नो आधिकारिक फेसबुक वक्तव्यमा सोही हिमपहिरोमा परेका अन्य अभियान सदस्यहरूको पनि निधन भएको पुष्टि गरेको छ।

वक्तव्यमा भनिएको छ,‘हामी अत्यन्त दुःख र गहिरो पीडाका साथ पुष्टि गर्छौं कि निर्मल ‘निम्सदाइ’ पुर्जा ब्रड पीकमा आएको हिमपहिरोमा परी दुःखद रूपमा निधन भएको छ। साथै, अभियानका अन्य सदस्यहरू पनि यस दुर्घटनाबाट बाँच्न नसकेको पुष्टि भएको छ।’

आधिकारिक विवरण तथा डन पत्रिकाका अनुसार दुर्घटना बिहीबार दिउँसो करिब ६,६०० मिटरको उचाइमा भएको थियो।

८,०४७ मिटर अग्लो ब्रड पीक आरोहण गरिरहेको १० सदस्यीय टोलीसँग बिहीबार बिहान सम्पर्क विच्छेद भएको थियो। त्यसै दिन साँझ ठूलो हिमपहिरो गएको खबर सार्वजनिक भएको थियो।

यता, नेपाल सरकारले ‘ब्रोड पीक’ आरोहणका क्रममा १४ साउनमा क्याम्प–२ बाट क्याम्प–३ जाने क्रममा गएको हिम पहिरोमा परी आरोहीहरूको निधन भएकोप्रति दुःख व्यक्त गरेको छ ।

परराष्ट्र मन्त्रालयले विज्ञप्तिमार्फत उक्त दुर्घटनामा प्रख्यात आरोही निर्मल पुर्जा ‘निम्स दाइ’सहित नेपाली आरोहीहरू पुरबहादुर गुरुङ ‘युक्ता’, किली पेम्बा शेर्पा ‘किलु’, निमा शेर्पा, नवाङ थिन्डु शेर्पा, ग्यालु शेर्पा तथा उनीरूसँगै ब्रोड पिक चढ्ने अन्तर्राष्ट्रिय आरोहण दलका सदस्यहरूको दुःखद निधनबाट पर्वतारोहण क्षेत्रलाई अपूरणीय क्षति पुगेको जनाएको छ ।

मन्त्रालयले उच्च हिमाली क्षेत्रमा कठिन खोज कार्य सञ्चालनमा संलग्न पाकिस्तानी तथा नेपाली पर्वतारोही टोलीको साहसिक कार्यको सराहना गरेको छ । दुर्घटनामा निधन भएका नेपाली आरोहीहरूमध्ये पुरबहादुर गुरुङ र ग्यालु शेर्पाको शव फेला परिसकेको छ भने बाँकी शव खोजी कार्य निरन्तर जारी रहेको मन्त्रालयले जनाएको छ ।

साथै, नेपाली आरोहीहरूको शव स्वदेश फिर्ता ल्याउन इस्लामाबादस्थित नेपाली दूतावासबाट आवश्यक सहजीकरण भइरहेको जनाएको छ ।

02/08/2026

You all will be forever remain in our hearts, Gone far too soon.
Rest in peace.
Deep condolences for grieving families! May all departed souls rest in eternal peace! ☮️ 😢🕉️🕊️

02/08/2026

🚨BREAKING: The ground rescue team has reached the location of renowned Nepali mountaineer Nirmal Purja "Nims Dai" at approximately 5,700 metres on Broad Peak.

According to the Alpine Club of Pakistan, rescuers also sighted three additional bodies at the same location, though their identities have not yet been confirmed. The rescue team is now working to bring the bodies down to the Japanese Camp.

10/06/2026

Guess the place ??

07/06/2026

India kab aisa banega

06/06/2026

आखिर को हुन् उनी र कहाँ जाँदैछिन्? 🤔

Worlds amazing flight !✈️

06/06/2026

Uber in Nepal

Worlds scariest airport စာတို

31/05/2026

Biggest joke in the history of Nepali politics.

30/05/2026