Արա Սարգսյանի և Հակոբ Կոջոյանի տուն-թանգարան

  • Home
  • Armenia
  • Yerevan
  • Արա Սարգսյանի և Հակոբ Կոջոյանի տուն-թանգարան

Արա Սարգսյանի և Հակոբ Կոջոյանի տուն-թանգարան Contact information, map and directions, contact form, opening hours, services, ratings, photos, videos and announcements from Արա Սարգսյանի և Հակոբ Կոջոյանի տուն-թանգարան, 70 Pushkin Street, Yerevan.

🏛️ Հայաստանի ազգային պատկերասրահի մասնաճյուղ | Branch of The National Gallery of Armenia

🖌️1934 թվականից մինչ թանգարանի ստեղծումը Արա Սարգսյանը և Հակոբ Կոջոյանը բնակվել ու ստեղծագործել են այստեղ Արա Սարգսյանի և Հակոբ Կոջոյանի տուն-թանգարանը հիմնվել է Երևանում 1973 թվականին ՀԽՍՀ Մինիստրների Խորհրդի 1970 թվականի մայիսի 25-ի որոշման համաձայն և հանդիսանում է Հայաստանի ազգային պատկերասրահի մասնաճյուղը։

1934 թվականից մինչ թանգարանի ստեղծումը Արա Սարգսյանը և Հակոբ Կոջոյանը բնակվել ու ստեղծագործել են այստեղ։

Տուն-թանգարանի հավաքածուն կազմում են ինչպես թանգարանի պատկանելիության, այնպես էլ արվեստագետների ընտանիքների սեփականությունը հանդիսացող ստեղծագործությունները։

🇦🇲 Այսօր ՀՀ պետական խորհրդանիշների օրն է։ Հայաստանի Հանրապետության պետական խորհրդանիշներից մեկի՝ Հայաստանի առաջին հանրապ...
23/08/2026

🇦🇲 Այսօր ՀՀ պետական խորհրդանիշների օրն է։

Հայաստանի Հանրապետության պետական խորհրդանիշներից մեկի՝ Հայաստանի առաջին հանրապետության զինանշանի համահեղինակը գրաֆիկայի անզուգական վարպետ Հակոբ Կոջոյանն է։

1920 թվականին հաստատված Հայաստանի առաջին հանրապետության զինանշանը ստեղծվել է ճարտարապետ Ալեքսանդր Թամանյանի և նկարիչ Հակոբ Կոջոյանի համատեղ աշխատանքով՝ դառնալով մեր ազգային ինքնության ու պետականության վավերագիրը։

🛡️ Զինանշանի խորհրդաբանությունը

▪️ Կենտրոնում պատկերված Արարատ լեռը Նոյյան տապանով հայության հավերժության խորհրդանիշն է։
▪️Վահանի չորս մասերը ներկայացնում են պատմական Հայաստանի անկախ արքայատոհմերը՝ Արտաշեսյան, Արշակունի, Բագրատունի և Ռուբինյան։

▪️ Արծիվն ու առյուծը մարմնավորում են իմաստություն, հպարտություն, համբերություն և ազնվություն։

▪️ Վահանի ներքևում կա 5 խորհրդանշական տարր. զարդված շղթա (ազատություն), թուր (ուժ), ցորենի հասկ (աշխատասիրություն), ճյուղ (մշակութային ժառանգություն) և եռագույն ժապավեն։

Զինանշանի հիմնական գույներն են ոսկեգույնն ու արծաթագույնը։ Վահանի դաշտերը կրում են պատմական թագավորությունների ավանդական կարմիր ու կապույտ գույները, իսկ կենտրոնում պատկերված Արարատ լեռը նարնջագույն է՝ ամբողջացնելով Հայաստանի Հանրապետության եռագույնի ներդաշնակությունը։

#ՀակոբԿոջոյան #ԱլեքսանդրԹամանյան #ՀՀԶինանշան #ՊետականԽորհրդանիշներիՕր

▪️ Արա Սարգսյանը Վիեննայում ուսանելու տարիներին՝ 1924 թվականին, որպես դիպլոմային աշխատանք ներկայացրեց իր «Լուռ վիշտը» քա...
22/08/2026

▪️ Արա Սարգսյանը Վիեննայում ուսանելու տարիներին՝ 1924 թվականին, որպես դիպլոմային աշխատանք ներկայացրեց իր «Լուռ վիշտը» քանդակը։

Արվեստաբան Վահան Հարությունյանն իր «Արա Սարգսյան» գրքում այսպես է բնութագրում կոթողը․ ««Լուռ վիշտում» տիրականը ստատիկան է. այստեղ ամեն ինչ քարացել է վշտի մեջ, սառել, և այդ քարացման մեջ այնքան լռություն կա, կամ, ավելի ճիշտ, այդ քարացած լռության օգնությամբ քանդակագործը կարողացել է կերպավորել խոր վիշտը: Այս կոմպոզիցիայի գաղափարական-գեղարվեստական կերպարը հենվում է մեկ մարմնում երկու հակադիր գործոնների՝ ուժի և անուժության, միասնական գոյակցության վրա, և դա իրենով պայմանավորել է քանդակի արտահայտչությունն ու ներգործության ուժը»։

📸 Լուսանկարում՝ Արա Սարգսյանն իր դիպլոմային աշխատանքի՝ «Լուռ վիշտը» քանդակի ֆոնին (Վիեննա, 1924)

#ԱրաՍարգսյան #ԱրաՍարգսյանևՀակոբԿոջոյանՏունԹանգարան

🖌️ Հակոբ Կոջոյանի վաղ շրջանի ստեղծագործություններից գրեթե ոչինչ չի պահպանվել։ Բացառություն է կազմում ընդամենը մի քանի գո...
19/08/2026

🖌️ Հակոբ Կոջոյանի վաղ շրջանի ստեղծագործություններից գրեթե ոչինչ չի պահպանվել։ Բացառություն է կազմում ընդամենը մի քանի գործ, որոնց թվում է 1907 թվականին վրձնած այս «Ինքնադիմանկարը»։

Կոջոյանի արվեստում դիմանկարի ժանրն ընդհանրապես հազվադեպ է հանդիպում․ վարպետը շատ քիչ է անդրադարձել դրան։ Այս վաղ շրջանի աշխատանքները, թեև ավելի շատ էտյուդային փորձեր են և դեռևս ամբողջական պատկերացում չեն տալիս նրա հետագա հասուն ոճի մասին, այնուամենայնիվ, բացառիկ արժեք ունեն որպես նկարչի ձևավորման առաջին քայլերի վավերագրեր։

Կոջոյանի հետևողական ու ամբողջական ուղին արվեստում ակներև դարձավ միայն 1918 թվականից, երբ նա վերջնականապես տեղափոխվեց Հայաստան։

🖼 Հակոբ Կոջոյան, Ինքնադիմանկար, 1907

#ՀակոբԿոջոյան #Ինքնադիմանկար #ԱրաՍարգսյանևՀակոբԿոջոյանՏունԹանգարան

🔹 «-Տղաներ, եկեք ձեզ ծանոթացնեմ արտասահմանից նոր վերադարձած մի գեղեցիկ երիտասարդ քանդակագործի հետ,- ասաց գեղարվեստական տ...
12/08/2026

🔹 «-Տղաներ, եկեք ձեզ ծանոթացնեմ արտասահմանից նոր վերադարձած մի գեղեցիկ երիտասարդ քանդակագործի հետ,- ասաց գեղարվեստական տեխնիկումի դիրեկտոր Վահրամ Գայֆեճյանը մեր կուրսի ուսանողներին 1925 թ․ ապրիլ ամսին։

Ներս մտավ իրապես գեղեցիկ, սպիտակամորթ, նուրբ դիմագծերով՝ բարետես և բարեհամբույր, քսաներեքամյա երիտասարդ Արա Սարգսյանը։ Մենք՝ պատանի ուսանողներս, իսկույն շրջապատեցինք նրան, ծանոթացանք, սկսվեց անկաշկանդ զրույց մեր միջև։ Համակրեցինք նրան, մտերմացանք, բարեկամացանք, որը և տևեց մինչև իր կյանքի վերջը։

Պոլսեցի էր․ սովորել էր Վիեննայի գեղարվեստի ակադեմիայի քանդակագործական բաժնում, ավարտելուց հետո շրջել Ֆրանսիայում, երկար ուսումնասիրելով Փարիզի թանգարաններում գտնվող արվեստի գլուխգործոցները, այնուհետև մեկնել հայրենիք՝ իր ուժերը ներդնելու վերածնունդ ապրող իր ժողովրդի արվեստի զարգացման մեծ գործին։ Ուսումնատենչ էր, բանիմաց, ձեռներեց, իսկույն նշանակվեց տեխնիկումի քանդակագործական բաժնի դասատու։ Սովորողների հետ վարվում էր շատ ընկերական, ծանոթանում էր նրանց կյանքի, հոգսերի հետ, ուշի-ուշով հետևում նրանց ուսման ընթացքին, ետ մնացողներին օգնում, ոգևորում էր՝ ուժ տալիս։ Այս մտերմիկ վարվեցողության շնորհիվ կարճ ժամանակամիջոցում սիրելի դարձավ բոլորին, հարգանք վայելեց»։

✍️ ՀԽՍՀ վաստակավոր նկարիչ Էդուարդ Սարգսյանը՝ երիտասարդ Արա Սարգսյանի մասին

✨ Շնորհավոր Երիտասարդության միջազգային օրը։

📷 Լուսանկարում՝ երիտասարդ Արա Սարգսյանը

#ԱրաՍարգսյան #երիտասարդությանօր

🏗️ Օգոստոսի 9-ին Հայաստանում նշվում է Շինարարների օրը։ Այս առթիվ ներկայացնում ենք նշանավոր քանդակագործ, ԽՍՀՄ ժողովրդական...
09/08/2026

🏗️ Օգոստոսի 9-ին Հայաստանում նշվում է Շինարարների օրը։ Այս առթիվ ներկայացնում ենք նշանավոր քանդակագործ, ԽՍՀՄ ժողովրդական նկարիչ Արա Սարգսյանի «Պանելային շինարարություն» աշխատանքը։

Քանդակն արտացոլում է 20-րդ դարի կեսերի արդյունաբերական վերելքն ու քաղաքաշինական լայնամասշտաբ փոփոխությունները։ Ալյումինից կերտված հարթաքանդակում Սարգսյանը վարպետորեն փոխանցել է ժամանակաշրջանի ռիթմը, շինարարական աշխույժ գործընթացն ու նոր քաղաքային միջավայրի ձևավորման շունչը։

🖼️ Արա Սարգսյան, Պանելային շինարարություն, 1961, ալյումին

#ՇինարարներիՕր #ԱրաՍարգսյան #շինարարություն

«…Աղաջանյանի ու Առաքելյանի կողքին ստեղծագործում էր Կոջոյանը, որն իր ամբողջ էությամբ ու խառնվածքով կոմպոզիտոր էր, զարմանա...
05/08/2026

«…Աղաջանյանի ու Առաքելյանի կողքին ստեղծագործում էր Կոջոյանը, որն իր ամբողջ էությամբ ու խառնվածքով կոմպոզիտոր էր, զարմանալի երևակայության տեր մարդ, որի ստորագրությունն անգամ անհնար է անջատել իր ստեղծած կոմպոզիցիայից»:

✍️ Հատված Էդուարդ Իսաբեկյանի հոդվածից

📷 Լուսանկարում՝ –, Էդուարդ Իսաբեկյան, Հռիփսիմե Սիմոնյան, Հակոբ Կոջոյան, Գաբրիել Գյուրջյան, –, Սիլվա Մնացականյան և այլոք

#ՀակոբԿոջոյան #ԷդուարդԻսաբեկյան

✨ Անկեղծ ընկերությունը ջերմացնում է մեր աշխարհն ու արվեստին հաղորդում անկրկնելի նրբերանգներ։Այսօր՝ Ընկերության միջազգայի...
30/07/2026

✨ Անկեղծ ընկերությունը ջերմացնում է մեր աշխարհն ու արվեստին հաղորդում անկրկնելի նրբերանգներ։

Այսօր՝ Ընկերության միջազգային օրվա առթիվ, ներկայացնում ենք Արա Սարգսյանի «Ընկերուհիներ» նրբագեղ գծանկարը, որն արտացոլում է մտերմության, վստահության և մարդկային ջերմության՝ հոգիները միավորող կապը։

Շնորհավոր Ընկերության օրը։ Նվիրե՛ք ջերմություն ու արվեստ ձեր մտերիմներին։

#ԱրաՍարգսյան #ՀակոբԿոջոյան #ընկերուհիներ #ԸնկերությանՕր

📷 Լուսանկարում՝ Արա Սարգսյանը, Եվգենյա Մկրտչյանը, Արփենիկ Նալբանդյանը, Մարիամ Ասլամազյանը, Ռուբեն Զարյանը, Նելլի Խաչատրյ...
28/07/2026

📷 Լուսանկարում՝ Արա Սարգսյանը, Եվգենյա Մկրտչյանը, Արփենիկ Նալբանդյանը, Մարիամ Ասլամազյանը, Ռուբեն Զարյանը, Նելլի Խաչատրյանը և Տաթևիկ Զարյանը Սև ծովի ափին, 1951։ Լուսանկարը՝ Արփենիկ Նալբանդյանի արխիվից։

#ԱրաՍարգսյան

✍️ Քչերին է հայտնի, որ մեծանուն քանդակագործ Արա Սարգսյանի ստեղծագործական ներաշխարհը չէր սահմանափակվում միայն կավով, քարո...
24/07/2026

✍️ Քչերին է հայտնի, որ մեծանուն քանդակագործ Արա Սարգսյանի ստեղծագործական ներաշխարհը չէր սահմանափակվում միայն կավով, քարով կամ կտավով։

Երբեմն, մի կողմ դնելով քանդակագործական գործիքները, Սարգսյանը ձեռքն էր վերցնում գրիչն ու թուղթը՝ իր խոհերն ու զգացմունքները վերածելով բանաստեղծական տողերի։

📜 Արա Սարգսյանը հեղինակ է մոտ 40 բանաստեղծության և 3 պիեսի։ Այս ինքնատիպ գրական գործերը դեռևս պահպանվում են թղթի վրա՝ սպասելով իրենց տպագրությանն ու լայն հանրության հետ հանդիպմանը։ Վարպետի ընտանիքը լիահույս է, որ մոտ ապագայում դրանք լույս կտեսնեն և ընթերցողին կբացահայտեն Արա Սարգսյան արվեստագետի նոր, անհայտ ու քնարական կողմը։

📍 Այցելե՛ք Արա Սարգսյանի և Հակոբ Կոջոյանի տուն-թանգարան՝ բացահայտելու երկու մեծ վարպետի կյանքը, կենցաղն ու անսպառ ստեղծագործական աշխարհը։

#ԱրաՍարգսյան #ՀակոբԿոջոյան

✨ Այսօր հայ գրող, արձակագիր, բանաստեղծ և դրամատուրգ Վահան Թոթովենցի հիշատակի օրն է։ Թոթովենցը նաև դասախոսել է ԵՊՀ-ում, դ...
18/07/2026

✨ Այսօր հայ գրող, արձակագիր, բանաստեղծ և դրամատուրգ Վահան Թոթովենցի հիշատակի օրն է։

Թոթովենցը նաև դասախոսել է ԵՊՀ-ում, դասավանդել է անգլերեն և արտասահմանյան գրականություն։ Մայր բուհում նա աշխատել է 1924-1932 թթ., մինչև 1928 թ. եղել է համալսարանի գիտնական քարտուղարը: Հենց ԵՊՀ-ի պատվերով էլ Արա Սարգսյանը ստեղծել է գրողի դիմաքանդակը։

✍️ Ներկայացնում ենք Արա Սարգսյանի կնոջ հուշերից մի հատված, որտեղ խոսվում է քանդակագործի և գրողի ընտանիքների մտերմության մասին. «... Ամենից ջերմ կապերով կապված էինք Վահան Թոթովենցի ընտանիքին: Ես շատ մտերմացա և սիրեցի Վահանին, Լուսիկին և անուշիկ Լևիկին:
Վահա՜ն... Վահանին հիշում եմ ցավով, կսկիծով...
Նա բարձրահասակ էր, կապույտ, թախծոտ աչքերով, ուղիղ, առատ մազերը ետ սանրած: Շատ անմիջական էր, բարի, բռնկվող, թավ ձայնով: Հապա նրա ծիծաղը...
Երբ Վահանը, Է. Չոփուռյանը և Արան միասին էին լինում Սունդուկյանի թատրոնում, նրանց բարձր ծիծաղից դերասաններն արդեն կռահում էին, որ նրանք դահլիճում են և դիտում են ներկայացումը»:

📷 Արա Սարգսյան, Թոթովենց, 1926, բրոնզ

#ծննդյանօր #ՎահանԹոթովենց #ԱրաՍարգսյան

Address

70 Pushkin Street
Yerevan
0002

Opening Hours

Tuesday 11:00 - 17:40
Wednesday 11:00 - 17:40
Thursday 11:00 - 17:40
Friday 11:00 - 17:40
Saturday 11:00 - 17:40
Sunday 11:00 - 17:40

Telephone

+37410561160

Website

Alerts

Be the first to know and let us send you an email when Արա Սարգսյանի և Հակոբ Կոջոյանի տուն-թանգարան posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Արա Սարգսյանի և Հակոբ Կոջոյանի տուն-թանգարան:

Shortcuts

Share