Cafesjian Center for the Arts (Cascade complex)

06/10/2026

2026 թվականի սեպտեմբերի 12-ին Գաֆէսճեան արվեստի կենտրոնում տեղի ունեցավ «Վերականգնման արվեստը Հայաստանում» մասնագիտական ֆորում՝ նվիրված Գրիգոր Խանջյանի ծննդյան 100-ամյակին։

Ֆորումը մեկ հարկի տակ համախմբեց վերականգնողներին, արվեստի բուհերի և մասնագիտական կրթական հաստատությունների ուսանողնեին, թանգարանային և մշակութային ոլորտի մասնագետներին, ինչպես նաև վերականգնման թեմայով հետաքրքրվող անձանց՝ խոսելու Հայաստանում արվեստի գործերի վերականգնման արդի փորձի, խնդիրների և հեռանկարների մասին։

Ֆորումի նպատակն էր ստեղծել մասնագիտական քննարկումների և փորձի փոխանակման հարթակ, ինչպես նաև հանրության համար առավել տեսանելի դարձնել վերականգնողների կարևոր և հաճախ անտեսանելի աշխատանքը։

«Վերականգնման արվեստը Հայաստանում» մասնագիտական ֆորումն իրականացվեց Գաֆէսճեան արվեստի կենտրոնի և Հայաստանի վերականգնողների ասոցիացիայի համագործակցությամբ։

🎥 Առաջարկում ենք դիտել ֆորումի տեսանյութը և վերադառնալ այդ օրվա կարևոր թեմաներին և քննարկումներին։

03/10/2026

Սեպտեմբերի 30-ին Գաֆէսճեան արվեստի կենտրոնի «Ցուցասրահ Մեկ»-ում կայացավ Գագիկ Ղազանչյանի «անԾանոթ քաղաք» ցուցադրության հանդիսավոր բացումը։

Ցուցադրության վերնագիրն արտացոլում է արվեստագետ Գագիկ Ղազանչյանի վերջին շրջանի ստեղծագործությունների ոգին և ուրբանիստական միջավայրերի հետ նրա գեղարվեստական փոխհարաբերությունը՝ ճանաչելիի ու անճանաչելիի միջակայքում։

03/10/2026

#գրիգորխանջյան100

1908 թվականի հոկտեմբերի 3-ին (սեպտեմբերի 20-ին) է ծնվել հայոց պատմության ամենասիրված հոգևոր առաջնորդներից մեկը՝ Ամենայն Հայոց Կաթողիկոս Վազգեն Առաջինը։
Գրիգոր Խանջյանն իր եռամաս որմնանկարի առաջին՝ «Հայոց այբուբեն» հատվածում, հայոց պատմությունը կերտած կերպարների շարքում պատկերել է նաև Վազգեն Ա-ին։
Վեհափառի պատվերով Գրիգոր Խանջյանը 1978 թվականին սկսեց աշխատել Հայրապետի նստավայրի ընդունարան-աշխատասենյակի համար նախատեսված գոբելենների շարքի էսքիզների վրա։ Տարիներ անց այս էսքիզները հիմք դարձան նրա մոնումենտալ եռամաս որմնանկարի համար, որն այսօր Գաֆէսճեան արվեստի կենտրոնի նշանային ստեղծագործություններից մեկն է։

26/09/2026

Ամփոփում ենք «Վաղարշակ Արամյան ․․․ և մետաֆիզիկա» ցուցադրության հիման վրա ստեղծված «Երկրորդ հայացք. տեսանելիից դեպի անտեսանելին» կրթական ծրագիրը։

Մեր վերջին հանդիպման մասնակիցները «Այբ» դպրոցի աշակերտներն էին։

26/09/2026

#գրիգորխանջյան100

Սեպտեմբերի 26-ը Կոմիտասի ծննդյան օրն է։

Կոմիտասը մեզ համար պարզապես մեծ երաժիշտ չէ․ Կոմիտասը հավաքեց, պահպանեց ու նոր կյանք տվեց հայկական ժողովրդական երգին։ Նա մեր մշակութային հիշողության և ազգային ինքնության ամենակարևոր անուններից մեկն է։

Այս օրը ևս մեկ առիթ է վերադառնալու նրա ժառանգությանը և կրկին լսելու այն, ինչ այնքան խորապես մերն է։

23/09/2026

#ԳՈՐԾԿԱ
Գաֆէսճեան արվեստի կենտրոնի Թանգարանի խանութին անհրաժեշտ է վաճառող-խորհրդատու։ Ցանկացողները կարող են իրենց ինքնակենսագրականները (CV) ուղարկել [email protected] էլեկտրոնային հասցեին։

Դիմումի վերջնաժամկետ` 02.10.2026

Աշխատանքային նկարագիր` Այցելուներին տրամադրել համապատասխան տեղեկատվություն թանգարանի ընթացիկ ցուցադրությունների, հատուկ միջոցառումների, թանգարանի խանութի վաճառանմուշների և անդամակցության փաթեթների վերաբերյալ, ինչպես նաև իրականացնել նշված ապրանքների և ծառայությունների վաճառքը:

Աշխատանքային գործառույթներ`
• Այցելուներին տրամադրել տեղեկատվություն թանգարանի խանութի վաճառանմուշների, թանգարանի ընթացիկ ցուցադրությունների և հատուկ միջոցառումների վերաբերյալ:
• Զրուցել հաճախորդների հետ նրանց հետաքրքրող վաճառանմուշների վերաբերյալ, ինչպես նաև նշել խանութում առկա բոլոր նոր, հետաքրքիր և յուրօրինակ վաճառանմուշները` դրանով իսկ նպաստելով վաճառքի ծավալի աճին:
• Մուտքագրել վաճառքները հաշվառման համակարգչային ծրագրով (POS) և գրանցել կանխիկ, անկանխիկ վճարումները:
• Մուտքագրել վաճառքի հետ կապված ողջ տեղեկատվությունը համակարգչային հաշվառման ծրագիր` ներառելով տոմսերի և ապրանքանմուշների հասույթի գումարը:
• Անհրաժեշտության դեպքում իրականացնել թանգարանային շրջայցներ:
• Կատարել գործառույթից բխող թանգարանի խանութի և այցելուների կենտրոնի տնօրեն այլ հանձնարարություններ:

Որակավորում`
• հաճախորդների հետ շփման գերազանց հմտություններ,
• հայերեն, անգլերեն և ռուսերեն լեզուների գերազանց իմացություն,
• համակարգչային հմտություններ:

18/09/2026

Նոր համալրում և Անկախության օրվան ընդառաջ նախատոնական զեղչեր Թանգարանի խանութում 🇦🇲

Ուրախությամբ տեղեկացնում ենք, որ Գաֆէսճեան արվեստի կենտրոնի (ԳԱԿ) Թանգարանի խանութը համալրվել է գերմանական թեյնիկների նոր, ինքնատիպ և գունագեղ տեսականիով:

Նշենք նաև, որ սեպտեմբերի 18-20-ը` ՀՀ Անկախության տոնին ընդառաջ, ԳԱԿ-ը հայտարարում է 10% զեղչ Թանգարանի խանութում առկա ամբողջ տեսականու համար՝ բացառությամբ հայկական ապրանքատեսակների

Հիշեցնում ենք, որ ԳԱԿ անդամները ստանում են հատուկ 20% զեղչ, իսկ հայկական ապրանքատեսականու համար՝ 10% զեղչ:

Անդամակցե՛ք Գաֆէսճեան արվեստի կենտրոնին և օգտվեք առաջարկվող բազում առավելություններից` https://cmf.am/hy/membership/public-membership։

Սիրով սպասում ենք ձեզ:

We are happy to introduce a new colorful selection of playful design teapots from Germany at the Museum Store of the Cafesjian Center for the Arts (CCA).

In addition, on September 18-20, ahead of the Independence Day of the Republic of Armenia, CCA announces a 10% discount on all items available at the Museum Store, except for local crafts.

Please note that CCA members receive a special member-only 20% discount and 10% discount on local crafts.

Become a member and enjoy many privileges of your membership։ https://cmf.am/en/membership/public-membership


We are looking forward to your visit.

17/09/2026

#գրիգորխանջյան100
Այսօր հայկական ազգային ճարտարապետության դպրոցի 20-րդ դարի ամենավառ ներկայացուցիչներից մեկի՝ Ռաֆայել Իսրայելյանի ծննդյան օրն է։

Նրա ստեղծած ճարտարապետությունը միավորում է ազգային ավանդույթը, պատմական հիշողությունն ու ժամանակակից մտածողությունը։ Իսրայելյանի կառույցները վաղուց դարձել են ոչ միայն ճարտարապետական ժառանգության, այլև մեր ինքնության կարևոր մասը։

15/09/2026

«Երկրորդ հայացք. տեսանելիից դեպի անտեսանելին» կրթական ծրագիրը հիմնված է «Վաղարշակ Արամյան ․․․ և մետաֆիզիկա» ցուցադրության վրա:
Ծրագրի նպատակն է բացահայտել Վաղարշակ Արամյանի արվեստը և նպաստել նրա ստեղծագործությունների խորքային ընկալմանը՝ ուսումնասիրելով, թե ինչպես է պատկերային լեզուն դառնում մարդու ներաշխարհի արտահայտման միջոց։
«Երկրորդ հայացք»-ը ոչ թե պարզապես դիտելու մեթոդ է, այլ մարդու ընկալման մասին փորձառություն։ Ծրագիրը հիմնված է այն գաղափարի վրա, որ արվեստը հնարավորություն է տալիս տեսնել ոչ միայն արտաքին կերպարը, այլև այն, ինչը թաքնված է տեսանելիի սահմաններից անդին։

«Երկրորդ հայացք. տեսանելիից դեպի անտեսանելին» կրթական ծրագիրը հիմնվ...