Հայաստանի Կենդանական Աշխարհ

01/08/2026

🐎 Հայաստանը հնագույն ժամանակներից հայտնի է եղել իր ձիաբուծությամբ։ Հայկական ձիերը գնահատվել են իրենց դիմացկունությամբ, արագությամբ և մարտական հատկանիշներով։

📷 Ձիաբուծարան՝ Գեղարքունիքի մարզի Մարտունի քաղաքում։

01/08/2026

🦌 Հայկական լեռնաշխարհի կենդանական աշխարհը հարուստ ու բազմազան է։ Այստեղ հանդիպում են հայկական մուֆլոնը, եղջերուն, վարազը, աղվեսը, գայլը, արջը, բորենին և բազմաթիվ այլ կենդանիներ։

📷 Հայաստանի բնության պետական թանգարանի և Կենդանաբանական թանգարանի (բորենին) ցուցանմուշները։

11/03/2026

Յոհան Ֆրիդրիխ Նաուման (գերմ.՝ Johann Friedrich Naumann, 1780-1857), գերմանացի բնագետ, թռչնաբան, նկարիչ, որը համարվում է գերմանական գիտական թռչնաբանության հիմնադիրներից մեկը։ Նա մեծ ներդրում ունեցավ Եվրոպայի թռչունների ուսումնասիրության, նկարագրման և դասակարգման գործում։

Յոհանի հայրը՝ Յոհան Անդրեաս Նումանը, նույնպես հայտնի բնագետ և թռչնաբան էր, որի հետաքրքրությունները մեծ ազդեցություն ունեցան որդու վրա։ Երիտասարդ տարիքից Նումանը զբաղվել է թռչունների դիտարկմամբ, որսով և նրանց արտաքին տեսքի մանրակրկիտ նկարագրությամբ։

Չնայած նա համալսարանական համակարգված կրթություն չէր ստացել, իր ինքնուս աշխատանքի շնորհիվ դարձավ Եվրոպայի ամենահայտնի թռչնաբաններից մեկը։ Նա նաև զբաղվել է նկարազարդմամբ՝ անձամբ պատկերելով բազմաթիվ թռչունների տեսակներ։

Նաումանի գլխավոր աշխատությունը բազմահատոր «Գերմանիայի թռչունների բնական պատմություն» (գերմ․՝ Naturgeschichte der Vögel Deutschlands) աշխատությունն է, որը հրատարակվել է 1820-1844 թվականներին։ Այդ աշխատությունը համարվում է 19-րդ դարի եվրոպական թռչնաբանության կարևորագույն աշխատություններից մեկը։

Աշխատության մեջ նա ներկայացրել է Գերմանիայում և հարակից շրջաններում հանդիպող բազմաթիվ թռչունների տեսակներ։ Աշխատությունը առանձնանում է բարձրորակ նկարազարդումներով, որոնց մի մասը հեղինակել էր հենց Նումանը։

14/03/2025

🐟 Սևանի սիգը կլիմայավարժեցված ձկնատեսակ է, որը ներմուծվել է Սևանա լիճ 20-րդ դարի սկզբին։ Այն առանձնանում է յուրահատուկ համով և սննդարար արժեքով՝ դառնալով հայկական խոհանոցի գնահատված բաղադրիչներից մեկը։

🐟 Սևանա լճի մաքուր ջրերն ու հարուստ կենսաբազմազանությունը, ինչպես նաև «Սևան ազգային պարկի» և Շրջակա միջավայրի նախարարության Էկոպարեկային ծառայությանը հետևողական աշխատանքը, նպաստում են սիգի առանձնահատուկ որակներին՝ դարձնելով այն հայկական խոհանոցի անբաժանելի մասը։

🐟 Սևանի սիգի պահպանությունը յուրաքանչյուրիս պարտքն է և կարևոր որպեսզի գալիք սերունդները նույնպես վայելեն այս բնության պարգևը։

©️ National park ''Sevan''

25/07/2024

Մնեմոզինա կամ սև ապոլոն (լատին․՝ Parnassius mnemosyne), առագաստաթիթեռների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։

Տարածված է Եվրոպայում, Կովկասում, Փոքր և Միջին Ասիայում, Իրանում, Աֆղանստանում և Արևմտյան Սիբիրում։ Հայաստանում հանդիպում է նաև Շիրակի (Աշոցք գյուղի շրջակայք), Գեղարքունիքի (Սևանի լեռնանցք), Տավուշի (Դիլիջան քաղաքի շրջակայք), Կոտայքի (Արզական, Գեղադիր, Գողթ և Հանքավան գյուղերի շրջակայք), Վայոց ձորի (Ջերմուկ քաղաքի, Գնիշիկ գյուղի շրջակայք), Սյունիքի (Լիճք, Շվանիձոր գյուղերի շրջակայք, Կալեր և Վանք լքված գյուղեր) մարզերում, «Խոսրովի անտառ» պետական արգելոցում, Արագած և Արայի լեռներում։ Ապրում են լեռնատափաստանային գոտու մարգագետիններում և անտառային բացատներում։

Պահպանվում է «Խոսրովի անտառ» պետական արգելոցում, ‹‹Դիլիջան›› և «Արևիկ» ազգային պարկերում, ինչպես նաև մի շարք անտառային արգելավայրերում։

18/06/2023

Սովորական տատրակ (լատ.՝ Streptopella turtur), աղավնազգիների ընտանիքի, տատրակների ցեղի թռչուն։ Բնադրող-չվող է, քիչ տարածված։ 🕊

25/11/2022

22/06/2022

Հունիսի 22-ը նշվում է որպես Ուղտերի համաշխարհային օր: 🐫Այս կենդանիները գտնվում են պաշտպանության տակ: ✅Երկար ժամանակ ուղտերը մարդկանց համար միակ փոխադրամիջոցն են եղել անապատային վայրերում։ Նրանց միջոցով նաև բեռներ են տեղափոխել հեռու տարածությունների վրա։🏔 Կան նաև վայրի ուղտեր, որոնց ընտելացնելն անհնար է: Նրանք տարածված են Չինաստանի և Մոնղոլիայի հեռավոր և դժվար հասանելի վայրերում։ 🌏
Երևանի կենդանաբանական այգում այժմ կա երկսապատավոր ուղտ, որը բնակվում է թուրքմենական կուլանների հետ: Այս երկու կենդանատեսակներն էլ միևնույն միջավայրում՝ կիսաանապատներում են բնակվում, այդ պատճառով հեշտությամբ ապրում են միասին:
Ուղտը ծնվել է մեր կենդանաբանական այգում՝ Սահարա և Ֆլորա անունով ուղտերի սերունդն է: 11 տարեկան է: Ուտում է չորացած խոտ, որոշակի քանակությամբ համակցված կեր և բանջարեղեն:🍃🌱🐫