Komitas Quartet

02/10/2026

🎶 Կոմիտասի անվան ազգային քառյակը Վեդիում՝ համերգով և վարպետության դասով

02/10/2026

Կոմիտաս քառյակ․ մարզային համերգ

🎶 Հոկտեմբերի 15-ին` ժամը 15:00-ին, Իջևանի միջնակարգ երաժշտական դպրոցում տեղի կունենա
Կոմիտասի անվան ազգային քառյակի համերգը։

Ծրագրում՝
- Ալեքսանդր Բորոդին. Կվարտետ 2, 1-2-րդ մասեր
- Վոլֆգանգ Ամադեուս Մոցարտ. Կվարտետ 17, 3-4-րդ մասեր
- Կոմիտաս-Ասլամազյան. Հայկական ժողովրդական մանրանվագներ

🎟️ Մուտքն ազատ է:

30/09/2026

26/09/2026

Սեպտեմբերի 26-ը հայ մեծ երգահան, երգիչ, երաժշտական էթնոլոգ, երաժշտագետ, վարդապետ և ուսուցիչ, բանահավաք, խմբավար, մանկավարժ, հայկական ազգային կոմպոզիտորական դպրոցի հիմնադիր
Կ Ո Մ Ի Տ Ա Ս Ի
ծննդյան օրն է:

26/09/2026

ՀՀ կրթության, գիտության, մշակույթի և սպորտի նախարարությունը խոր ցավով տեղեկացնում է, որ 68 տարեկանում կյանքից հեռացել է վաստակավոր կոլեկտիվ «Կոմիտասի» անվան ազգային լարային քառյակի տնօրեն, մշակութային գործիչ Սամվել Մեսրոպյանը։

2013–2021 թվականներին Սամվել Մեսրոպյանը ղեկավարել է վաստակավոր կոլեկտիվ «Կոմիտասի» անվան ազգային լարային քառյակը, 2021–2026 թվականներին եղել է Կամերային երաժշտության ազգային կենտրոնի «Կոմիտասի» անվան ազգային քառյակ մասնաճյուղի ղեկավարը, իսկ 2023–2026 թվականներին՝ Առնո Բաբաջյանի անվան մշակութային հիմնադրամի համահիմնադիր և տնօրեն։

2019 թվականին ՀՀ նախագահի կողմից պարգևատրվել է Երախտագիտության մեդալով։

ԿԳՄՍ նախարարությունը խորապես վշտակցում է Սամվել Մեսրոպյանի ընտանիքին, հարազատներին, ընկերներին և գործընկերներին։

Ավելին՝ https://escs.gov.am/articles/news/365

24/09/2026

Խորը վշտով տեղեկացնում ենք, որ սեպտեմբերի 24-ին անժամանակ կյանքից հեռացել է Կոմիտասի անվան ազգային քառյակի տնօրեն ՍԱՄՎԵԼ ԱՆՈՒՇԱՎԱՆԻ ՄԵՍՐՈՊՅԱՆԸ:

Սամվել Մեսրոպյանի ներդրումն ու նվիրումը անուրանալի են Կոմիտասի անվ. ազգային քառյակի գործունեության, կայացման և զարգացման գործում։ Իր մասնագիտական բարձր որակներով, պատասխանատվությամբ և մարդկային ջերմությամբ նա դարձել էր մեր երաժշտական ընտանիքի անբաժանելի մասը։

Քառյակը իր խորին ցավակցությունն ու զորակցությունն է հայտնում Սամվել Մեսրոպյանի ընտանիքին, հարազատներին, մտերիմներին և գործընկերներին։
Կիսում ենք նրանց վիշտը և մաղթում ուժ ու համբերություն՝ այս ծանր ու անդառնալի կորստի առիթով։
Քո բարի անունն ու հիշատակը հավերժ կմնա մեր սրտերում։

Հոգեհանգիստը տեղի կունենա «Զոլեր» սգո սրահում
(Հասցե՝ Գրիգոր Հասրաթյան փող., 25/3 )

25 սեպտեմբեր, 2026թ.
Ժամը՝ 17:00- 20:00

Հուղարկավորությունը՝ նույն վայրից
26 սեպտեմբեր, 2026, ժամը՝ 12:00

18/09/2026

Համերգ և վարպետության դաս Վեդիում․ Կոմիտասի անվան ազգային քառյակ

🎼 Սեպտեմբերի 22-ին՝ ժամը 16:30-ին, Վեդի համայնքի երաժշտական դպրոցում տեղի կունենա Կոմիտասի անվան ազգային քառյակի համերգը։

🎶Ծրագրում՝
- Ալեքսանդր Բորոդին. Կվարտետ 2, 1 -2-րդ մասեր
- Վոլֆգանգ Ամադեուս Մոցարտ. Կվարտետ 17, 3-4-րդ մասեր
- Կոմիտաս-Ասլամազյան. հայկական ժողովրդական մանրանվագներ

Մուտքն ազատ է։

Նույն օրը՝ համերգից առաջ, ժամը 15:30-ին, Կոմիտասի անվան ազգային քառյակի երաժիշտները աշակերտների համար կանցկացնեն վարպետության դաս՝ փոխանցելով կատարողական արվեստի և տեխնիկական հմտությունների իրենց փորձը։

16/09/2026

Այսօր Կոմիտասի անվան ազգային քառյակի ղեկավար Սամվել Մեսրոպյանի ծննդյան օրն է:
Քառյակը սրտանց և ջերմորեն շնորհավորում է հոբելյարին՝ մաղթելով քաջառողջություն, ուժ և ամուր կամք: