23/11/2024
Նոյեմբերի 29-ին կլրանա երաժշտագետ, բանահավաք, խմբավար Պետրոս Ալահայտոյանի ծննդյան 90 ամյակը:
Անչափելի է կոմիտասի սկզբունքները կրող այս բացառիկ մարդու միանձնյա առաքելության մասշտաբները...
ՀՀ ԳԱԱ Արվեստի ինստիտուտը տնօրեն Анна АсатрянԱննա Ասատրյանի նախաձեռնությամբ յուրատիպ ֆորմատով կնշի երևելի հայի հոբելյանը ՀՀ ԳԱԱ նախագահության նիստերի դահլիճում:
✅Միջոցառման պաշտոնական մասում տեղի կունենա Պետրոս Ալահայտոյանի հայրենիք տեղափոխված բացառիկ արխիվի շուրջ միջինստիտուցիոնալ հուշագրի ստորագրման արարողություն, որը թույլ կտա արխիվի ուսումնասիրման համար այլ գիտակարգերից նեղ մասնագետներին ևս ուսումնասիրել ու հետազոտել նյութը:
✅Միջոցառմանը կհնչեն նաև Ալահայտոյանի անգին հավաքածուից նմուշներ` Լուսինե Օրդուխանյանի և Աբել Աբելյանի կատարմամբ:
✅ՀՀ ԳԱԱ Արվեստի ինստիտուտի ժողովրդական երաժշտության բաժնի գիտաշխատողներ, արվ. թեկնածուներ Մարիաննա Տիգրանյանը և Անի Սարգսի Հակոբյանը հանդես կգան արխիվի վերաբերյալ զեկույցներով:
‼️Համեցե՜ք. նոյեմբերի 29, ժամը 11ին:
Մուտքն ազատ է:
‼️Սփյուռքում գտնվող նրա հարազատների ու այլ հետաքրքրված անձանց համար կա միջոցառմանը օնլայն միանալու հնարավորություն` հղումը կտեղադրենք մեկնաբանություն բաժնում🎶🇦🇲
