31/12/2025
✨ 2025-ը AV թատրոնի համար դարձավ ճանապարհների, պրեմիերաների ու մեծ աճի տարի
Այս տարի առաջին անգամ մեկնեցինք Հայաստանի սահմաններից դուրս հյուրախաղերի՝ սկսելով Բրյուսելից, շարունակելով Բուլղարիայում, ապա՝ Ռումինիայում, Վիեննայում,
հետո՝ Ռուսաստանում (Մայկոպում և Կրասնոդարում) և տարին փակելով կրկին Բրյուսելում ու Մեխելենում։
Տարվա ընթացքում սա արդեն մեր 4-րդ միջազգային հյուրախաղն էր։
Միևնույն ժամանակ շարունակվեցին նաև Հայաստանյան հյուրախաղերը՝ տարբեր համայնքներում, որտեղ ներկայացումները միտված են նաև համայնքային մշակութային կյանքի զարգացմանն ու նոր շունչ հաղորդելուն։
🎭 2025-ը նաև պրեմիերաների տարի էր.
• «Օսկար և վարդագույն տիկինը»
• Թումանյանի «Բախտի ետևից»՝ գրված հատուկ AV թատրոնի համար,
որը մեծ հաջողություններ գրանցեց թե՛ Հայաստանում, թե՛ արտերկրում
• «Երազ իմ երկիրը»՝ վերաբեմադրված նոր կազմով,
• և տարվա վերջին՝ «Էլֆերի Ամանորը»՝ ևս մեկ ներկայացում, գրված AV թատրոնի համար
✨ Հատուկ կերպով նշեցինք նաև Թատրոնի միջազգային օրը՝
այլ ֆորմատով, կենդանի երաժշտությամբ, կինեմատոգրաֆիկ լուծումներով, որի հիշողությունները դեռ երկար կմնան մեզ հետ։
Այս տարվա ընթացքում մեր հանդիսատեսը բազմապատկվեց,
մեր ճանապարհը՝ երկարեց, իսկ վստահությունը մեր նկատմամբ՝ ավելի ամրացավ։
AV թատրոնը արժանացավ նաև «Լավագույն այլընտրանքային թատրոն» կոչմանը,
որը մեծ պատասխանատվություն է մեզ համար։
🤍 Շնորհակալ ենք մեր ամբողջ դերասանական խմբին և բոլոր այն դերասաններին,
ովքեր այս տարի համագործակցեցին մեզ հետ։
Շնորհակալ ենք բոլոր գործընկերներին, որոնց աջակցությամբ մեր նախագծերը դարձան իրականություն
և շարունակելու են զարգանալ։
Այս պատմությունը չի ավարտվում։
Շուտով մեր սիրելի հանդիսատեսին սպասում են նոր հանդիպումներ ու նոր անակնկալներ։
🎭 AV Թատրոն
Հայ մշակույթի կամուրջը սփյուռքում
