Մեղրիի Մարզամշակութային կենտրոն

09/04/2026

✨️Այսօր իր ծննդյան օրն է նշում Մեղրիի մարզամշակութային կենտրոն ՀՈԱԿ-ի «Արփի» պարային համույթի տաղանդավոր պարուսույց Մարիանա Գասպարյանը 💐
Սիրելի՛ Մարիանա,
Ձեր աշխատանքը լցված է սիրով, նվիրումով և ստեղծագործական անսպառ էներգիայով։ Դուք Ձեր սաների մեջ արթնացնում եք հայկական պարի հանդեպ սեր ու հպարտություն՝ նրանց փոխանցելով մեր մշակույթի գեղեցկությունն ու ոգին:🌼
Թող Ձեր ճանապարհը միշտ լինի լուսավոր և լի նորանոր ձեռքբերումներով։ Թող բեմը մշտապես լինի Ձեր ներշնչանքի աղբյուրը, իսկ յուրաքանչյուր ելույթ՝ մեծ հաջողությունների և ջերմ ծափահարությունների արժանի։
Մաղթում ենք Ձեզ հաջողություններով լի ստեղծագործական ուղի։ Թող Ձեր քայլերը միշտ լինեն վստահ, իսկ բեմը՝ լի ծափահարություններով ու հիացմունքով ✨✨️✨️

06/04/2026

🎨 Նկարչության խմբակի ստեղծագործական աշխարհում…
✨️✨️✨️
🖼Մեր տաղանդավոր սաները ներկայացնում են իրենց հերթական գեղեցիկ և գունեղ աշխատանքները ։ Այս անգամ նրանք ծանոթացել են հայկական զարդանախշերի յուրահատուկ աշխարհին՝ բացահայտելով դրանց խորհուրդն ու գեղեցկությունը։
🖌Սաները մեծ սիրով և ոգևորությամբ իրենց ձեռքով պատրաստված ձվիկների վրա պատկերել են հայկական զարդանախշեր՝ միավորելով ավանդույթն ու ստեղծագործական երևակայությունը։ Յուրաքանչյուր աշխատանք արտացոլում է փոքրիկների երևակայությունը, գույների զգացողությունն ու ազգային մշակույթի նկատմամբ սերը🧡

06/04/2026

🌸 Այսօր ՀՈԱԿ-ի «Արփի» պարային համույթի գեղարվեստական ղեկավար Ելենա Քառյանի ծննդյան օրն է 🌸
🎉 Սրտանց շնորհավորում ենք Ձեզ՝ մաղթելով առողջություն, անսահման երջանկություն և ստեղծագործական նորանոր ձեռքբերումներ 🎉
Ձեր նվիրված աշխատանքը, սերն ու ջերմությունը ոգեշնչում են սերունդներին, փոխանցում ազգային մշակույթի գեղեցկությունն ու ուժը։ Դուք օրինակ եք բոլորի համար՝ որպես ուժեղ, նպատակասլաց և արվեստին ամբողջությամբ նվիրված անհատ ✨
Թող Ձեր կյանքը միշտ լցված լինի ուրախությամբ, հաջողություններով և վերելքներով
, իսկ Ձեր յուրաքանչյուր բեմադրություն շարունակի հիացնել բոլորիս 💫
Սիրով և բարձր գնահատանքով՝
Մեղրիի մարզամշակութային կենտրոն🩵

05/04/2026

🌾 ՍՈՒՐԲ ԶԱՏԻԿ՝ ՀԻՍՈՒՍ ՔՐԻՍՏՈՍԻ ՀԱՐՈՒԹՅԱՆ ՏՈՆ 🤍

Քրիստոս հարյավ ի մեռելոց։
Օրհնեալ է Հարությունը Քրիստոսի 🙏
🌿 Այսօր՝ ապրիլի 5-ին, Հայ Առաքելական Սուրբ Եկեղեցին նշեց Սուրբ Զատիկը՝ մեր Տեր Հիսուս Քրիստոսի հրաշափառ Հարության տոնը։
🔹️Մեղրի քաղաքի Սուրբ Աստվածածին եկեղեցում մատուցվեց Սուրբ Պատարագ, և տոնական օրը համախմբեց բոլոր ներկաներին՝ մասնակից դարձնելով աղոթքին և օրվա խորհրդին։

🌿Այս պայծառ ու հոգևոր լույսով լի օրը Մեղրիում շարունակվեց տոնական ջերմ ու միասնական մթնոլորտում։

Մշակութային ծրագրի շրջանակում իրենց գեղեցիկ ելույթներով հանդես եկան «Մեղրիի մարզամշակութային կենտրոն» ՀՈԱԿ-ի «Արփի» պարային համույթը, երգի խմբակի սաները, Հենրիկ Իգիթյանի անվան Գեղագիտության ազգային կենտրոնի Մեղրիի մասնաճյուղի պարի խմբի սաները, ինչպես նաև «Արևիք» արվեստի դպրոցի պարի, դհոլի և քանոնի շնորհաշատ սաները։ 🎶

🔹️Տոնի առիթով ընթերցվեց Մեղրի համայնքի ղեկավար Խաչատուր Անդրեասյանի շնորհավորական ուղերձը, իսկ ներկաներին իր օրհնության խոսքն ուղղեց նաև հոգևոր հովիվ տեր Ռաֆայել քահանա Խաչիկյանը։

🌸Միջոցառման ընթացքում համայնքի փոքրիկները մասնակցեցին զատկական ավանդական և ժամանակակից խաղերին, լցնելով օրը ծիծաղով ու անմոռանալի տպավորություններով։
🌿 Թող Սուրբ Հարության լույսը լցնի յուրաքանչյուր տուն, պարգևելով սեր, խաղաղություն և նոր հույսեր։
✨ Շնորհավոր Սուրբ Զատիկ
🔸️ Օրվա լուսանկարները՝ ստորև

03/04/2026

Սիրելի՛ հայրենակիցներ, սիրով հրավիրում ենք ՄԵՂՐԻԻ ՍՈՒՐԲ ԱՍՏՎԱԾԱԾԻՆ եկեղեցի մասնակցելու ՃՐԱԳԱԼՈՒՅՑԻ և ՍՈՒՐԲ ՀԱՐՈՒԹՅԱՆ պատարագներին հետևյալ ժամակարգությամբ

🔸ԱՎԱԳ ՇԱԲԱԹ (ապրիլի 4)

Ճրագալույցի Սուրբ Պատարագ - ժամը 17։30

🔸ՍՈՒՐԲ ՀԱՐՈՒԹՅԱՆ ՏՈՆ (ապրիլի 5)

Զատկական Սուրբ Պատարագ - ժամը 10:30

Տեր Ռաֆայել քահանա Խաչիկյան

Տեղեկացնում ենք նաև,որ ապրիլի 5-ին Սուրբ Պատարագից հետո տեղի կունենա տոնական միջոցառում, որը համեմված կլինի օրվան հատուկ խաղերով,քաղցրեղենով ինչպես նաև երգ ու պարով…
Սիրով սպասում ենք❤️
Խնդրում ենք տարածել❤️

01/04/2026

Խոսենք մշակույթի լեզվով և լինենք մեր բարեկամ երկրի կողքին…
Մասնակցեք,տարածեք և թողեք թող խոսեն վրձինները…

Երբ բառերը լռում են, գույներն են խոսում։
Թող երեխաների վրձինները պատմեն խաղաղության մասին՝ ընդդեմ պատերազմի։
ԻԻՀ Գլխավոր Հյուպատոսարանը կազմակերպում է՝
Նկարչական մրցույթ – ցուցահանդես
« Մեր վրձինների գույները ընդդեմ պատերազմի » վերնագրով
նվիրված Իրանի Մինաբ քաղաքի աշակերտների և առհասարակ պատերազմների հետևանքով անմեղ զոհված բոլոր երեխաների պայծառ հիշատակին։
🎨 Տարիք՝ մինչև 14 տարեկան
📄 Նկարները՝ A3 ձևաչափով, ցանկացած տեխնիկայով
⏰ Վերջնաժամկետ՝ ապրիլի 20 – ը
📧 Ուղարկել՝ ԻԻՀ գլխավոր հյուպատոսարան - Կապան ( Շահումյան 32/4/1 , 2/1 )
կամ [email protected] – ին
💛 Թող ձեր ստեղծագործությունը դառնա խաղաղության, հարգանքի և սիրո ուղերձ։
Մրցույթի մանրամասները՝
Պաստառի չափսը՝ A3 ֆորմատ
Վերջնաժամկետ՝ 2026 թվի ապրիլի 20
Առաջին և երկրորդ մրցանակիրներին նվիրվելու են գումարային և նկարչական պարագաներ

01/04/2026

Սիրելի՛ հայրենակիցներ, սիրով հրավիրում ենք ձեզ ՄԵՂՐԻԻ ՍՈՒՐԲ ԱՍՏՎԱԾԱԾԻՆ եկեղեցի` մասնակցելու ԱՎԱԳ ՀԻՆԳՇԱԲԹԻԻ և ԱՎԱԳ ՈՒՐԲԱԹԻ արարողություններին հետևյալ ժամակարգությամբ.

❗️ԱՎԱԳ ՀԻՆԳՇԱԲԹԻ (ապրիլի 2)

Առավոտյան ժամերգություն և Կարգ ապաշխարողաց - ժամը 8:30-ին

Սուրբ Պատարագ - ժամը 10:30

Ոտնլվայի կարգ - ժամը 16:00

Խավարման կարգ - ժամը 18:30

❗️ԱՎԱԳ ՈՒՐԲԱԹ (ապրիլի 3)

Խաչելության կարգ - ժամը 12։00

Երեկոյան ժամերգություն և Թաղման կարգ - ժամը 17:30

Մեղրի համայնքի հոգևոր հովիվ Տեր Ռաֆայել քահանա Խաչիկյան

Խնդրում ենք տարածել…

29/03/2026

🗓Այսօր` մարտի 29_ին, Հայաստանյայց Առաքելական Սուրբ Եկեղեցին տոնում է ԾԱՂԿԱԶԱՐԴԻ (Մեր Տեր Հիսուս Քրիստոսի հաղթական մուտքը Երուսաղեմ) տոնը։ Մեղրի քաղաքի Սուրբ Աստվածածին եկեղեցում մատուցվեց Սուրբ Պատարագ, որից հետո կատարվեց մանուկների օրհնության կարգ:

✅Տոնական օրը համախմբել էր բազմաթիվ բնակիչների, ովքեր եկել էին մասնակցելու աղոթքին և ստանալու օրվա խորհուրդը։
👉Այնուհետև եկեղեցու բակում շարունակվեց տոնական մթնոլորտը:
Մշակութային ծրագրի շրջանակում ելույթ ունեցան «Մեղրիի մարզամշակութային կենտրոն» ՀՈԱԿ-ի «Արփի» պարային համույթի, Հենրիկ Իգիթյանի անվան Գեղագիտության ազգային կենտրոնի Մեղրիի մասնաճյուղի, «Արևիք» արվեստի դպրոցի պարի խմբերի շնորհաշատ սաները։

☑️Ընթերցվեց նաև Մեղրի համայնքի ղեկավար Խաչատուր Անդրեասյանի շնորհավորանքի ուղերձը։ Իր խոսքը ներկաներին հղեց նաև N զորամասի գնդերեց Տոնո սարկավագը՝ ընդգծելով տոնի հոգևոր նշանակությունը։

28/03/2026

🌏Ֆրանկոֆոնիան միավորում է աշխարհով մեկ ֆրանսերեն խոսող մարդկանց՝ անկախ նրանց բնակության վայրից, մշակույթից և ավանդույթներից։

🗓Մարտի 27-ին` Ագարակի մշակույթի կենտրոնում կայացավ Ֆրանկոֆոնիային նվիրված միջոցառում՝ «Երգի լեզվով կամուրջներ կապած հայը՝ Ազնավուրը» խորագրով։ Միջոցառման ընթացքում ելույթ ունեցան «Մեղրիի մարզամշակութային կենտրոն» ՀՈԱԿ-ի երգի խմբակի, «Արփի պարային համույթի» շնորհալի սաները, ջութակահար Արթուր Հովակիմյանը:
Միջոցառումը ուղեկցվեց թեմատիկ տեսահոլովակով, որը լրացրեց օրվա խորհուրդը և ստեղծեց ֆրանս-հայկական մթնոլորտ։

✅Օրվա ավարտին տեղի ունեցավ հանդիսատեսի կողմից սպասված «Մսյո Ազնավուր» ֆիլմի ցուցադրությունը՝ հայերեն թարգմանությամբ։

📍Ֆրանկոֆոնիան ոչ միայն լեզվական, այլև մշակութային և արժեքային միություն է, որը նպաստում է ժողովուրդների միջև համագործակցությանը և փոխըմբռնմանը։

28/03/2026

Սիրելի՛ հայրենակիցներ, վաղը` մարտի 29_ին, Հայաստանյայց Առաքելական Սուրբ Եկեղեցին տոնելու է ԾԱՂԿԱԶԱՐԴԻ (Մեր Տեր Հիսուս Քրիստոսի հաղթական մուտքը Երուսաղեմ) տոնը։ Սիրով հրավիրում ենք ձեզ ՄԵՂՐԻԻ ՍՈՒՐԲ ԱՍՏՎԱԾԱԾԻՆ եկեղեցի մասնակցելու Սուրբ Պատարագին, որի ավարտին կկատարվի Մանուկների օրհնության կարգ։ Սկիզբը 10։30_ին։
Տեր Ռաֆայել քահանա Խաչիկյան

Ինչպես նաև տեղի կունենա տոնական միջոցառում, որը համեմված կլինի օրվան հատուկ երգ ու պարով…
Սիրով սպասում ենք❤️
Խնդրում ենք տարածել❤️