Այո, իհարկե, հատապտուղների փառատոն, այն էլ Շիրակի մարզում։ «Կանաչ արահետ» ՀԿ-ն, երկար տարիներ փորձում է դեմ գնալ կարծրատիպերին և տեղական իշխանությունների և մի շարք տեղական և միջազգային կազմակերպությունների աջակցությամբ ազդարարել նոր և ավելի հեռանկարային ոլորտի՝ հատապտուղների հետ կապված ոլորտի կայացումը և արձանագրել հաղթանակը։ Առաջին մասսայական այգիները հիմնվեցին 2018 թ-ին Հայկավանում, Գերմանական «Հույսի նշան » կազմակերպության հետ համատեղ՝ հիմք դնելով հատապտուղների ինտենսիվ մշակությանը։
2024-ի հուլիսի 27-ին ժամը 12:00-19:00-ն ազդարարում ենք առաջին հատապտուղների փառատոնի մեկնարկը Հայկավանում՝ գեղատեսիլ, նոր տեխնոլոգիաներով զինված Ուսուցման կանաչ կենտրոնում։
«Կանաչ արահետ » ՀԿ-ի, Ուսուցման կանաչ կետրոնների և տեղական, միջազգային մի շարք կազմաերպությունների և տեղական իշխանությունների աջակցությամբ փառատոնին կմասնակցեն հատապտուղների արտադրող խմբերը, անհատ ֆերմերներ, վերամշակողներ, ովքեր կներկայացնեն թարմ հատապտուղներ, հատապտուղներից պատրաստված հատապտղային լավաշներ, մուրաբաներ, հյութեր, չրեր, անուշեղեն, խմորեղեն և այլն:
Փառատոնը կուղեկցվի ավանդական երգ ու պարով, հյուրասիորւթյամբ և Շիրակցիներին վայել ջերմ ընդունելությամբ։ Այցելուների համար կկազմակերպվեն տարատեսակ մրցույթներ և խաղարկություններ, կտրվեն մրցանակներ տարբեր անվանակարգերում: Կլինեն նաև փոքրիկների համար կազմակերպված այլ ժամանցային ծրագրեր։
Փառատոնի նպատակն է աջակցել հատապտուղների արժեշղթայի կայուն զարգացմանը տարածաշրջանում և սատարել տեղական արտադրողին՝ նպաստելով Հայաստանում գյուղական համայնքների տնտեսական հզորացմանը։
Մասնակիցները հնարավորություն կունենան այդ պահին, ինչպես նաև հետագայում անմիջապես գյուղացուց գնել հատապտուղներ և այլ՝ թարմ և վերամշակված գյուղմթերք:
Կորպորատիվ համագործակցության և փառատոնին աջակցելու համար խնդրում ենք գրել [email protected] , [email protected] , [email protected]
էլ.հասցեներին և զանգահարել հեռախոսահամարներին +37493 455-115 ,+374 99 56 63 73
ՈՒՇԱԴՐՈՒԹՅՈՒՆ ԶԼՄ-երի ներկայացուցիչներին. «Կանաչ արահետ» ՀԿ-ն կհոգա լրատվամիջոցների ներկայացուցիչների տեղափոխման հարցերը: Խնդրում ենք մինչև հուլիսի 20–ը ներառյալ հաստատել Ձեր մասնակցությունը` զանգահարելով +37493 455-115 , +374 99 56 63 73 հեռախոսահամարներին
