12/05/2026
🎨✍️ «ԲԱԺԱՆՎԱԾ ԺԱՄԱՆԱԿ, ՄԻԱՎՈՐՎԱԾ ՀԻՇՈՂՈՒԹՅՈՒՆ»
Ակսել Բակունց – Մարիամ Ասլամազյան
📍 Մարիամ և Երանուհի Ասլամազյան քույրերի պատկերասրահ, ք. Գյումրի
🗓 16 մայիսի, 2026 թ.
🕕 Ժամը՝ 18:00
«Թանգարանների գիշեր» համաեվրոպական միջոցառման շրջանակում, որի այս տարվա կարգախոսն է՝ «Թանգարանները միավորում են մասնատված աշխարհը»,
Գյումրիի Մարիամ և Երանուհի Ասլամազյան քույրերի պատկերասրահի հրավերով, «Ակսել Բակունց» գիտամշակութային հիմնադրամի, Ակսել Բակունցի տուն-թանգարանի և պատկերասրահի համագործակցությամբ Գյումրիում տեղի կունենա հատուկ ՝ նվիրված Ակսել Բակունցի և Մարիամ Ասլամազյանի ստեղծագործական ու մարդկային կապերին։
Միջոցառման ընթացքում առաջին անգամ մեկ ամբողջական պատմության մեջ կներկայացվեն Բակունցի տուն-թանգարանում պահպանվող բացառիկ նյութեր՝
▪️ Մարիամ Ասլամազյանի ինքնագիր նամակներն ու բացիկները Բակունցների ընտանիքին,
▪️ Գրիշա և Վահան Բակունցների հուշագրական վկայությունները,
▪️ 1935 թվականի Գորիսի հիշողություններին վերաբերող փաստաթղթեր,
▪️ «Ակսել Բակունցը մոր հետ» հայտնի կտավի ստեղծման պատմությանը վերաբերող նյութեր,
▪️ Բակունցների ընտանիքի և Մարիամ Ասլամազյանի երկարամյա կապը լուսաբանող արխիվային փաստաթղթեր։
🎥 Երեկոյի ընթացքում կցուցադրվի նաև «Ակսել Բակունցը մոր հետ» հայտնի կտավի 2D անիմացիան, որը ստեղծվել է ժամանակակից թվային տեխնոլոգիաների կիրառմամբ։
🎙Բանախոս՝ Թեհմինա Մարության,
բանասիրական գիտությունների թեկնածու, դոցենտ,
«Ակսել Բակունց» գիտամշակութային հիմնադրամի տնօրեն
📖 Բանախոսության թեման՝
«Բաժանված ժամանակ, միավորված հիշողություն․ Ակսել Բակունց – Մարիամ Ասլամազյան»
Բանախոսության ընթացքում կներկայացվեն մինչ այժմ գրեթե անհայտ կամ քիչ ուսումնասիրված փաստեր՝ կապված Մարիամ Ասլամազյանի և Ակսել Բակունցի ծանոթության, 1935 թվականի գորիսյան օրերի, Բակունցների տանը անցկացրած հիշարժան ժամանակի, հետագա նամակագրության, ինչպես նաև Բակունցի հիշատակի պահպանման գործում Մարիամ Ասլամազյանի ունեցած յուրահատուկ դերակատարության հետ։
✨ Երեկոն մի յուրահատուկ փորձ կլինի՝ բացահայտելու, թե ինչպես են հիշողությունը, արվեստը և մարդկային կապերը հաղթահարում ժամանակի սահմանները՝ վերածվելով մշակութային կենդանի ժառանգության։
