Նոր Կյանքի մշակույթի տուն

12/10/2026

📢 ՀԱՅՏԱՐԱՐՈՒԹՅՈՒՆ

📌Վեդի համայնքի փոքր և միջին բիզնեսի ներկայացուցիչների ուշադրությանը

🤩Սիրելի՛ վեդեցիներ և գործարարներ,

🎉Վեդի քաղաքի տոնի շրջանակում Վեդու համայնքապետարանը հրավիրում է համայնքի բոլոր բնակավայրերի փոքր և միջին բիզնեսի ներկայացուցիչներին մասնակցելու տոնական տոնավաճառ-ցուցահանդեսին։

✅Ձեր արտադրանքը ներկայացնելու և համայնքի բնակիչներին ու հյուրերին այն ճանաչելի դարձնելու համար կտրամադրվեն անվճար տաղավարներ։

📌 Մասնակցության համար խնդրում ենք մինչև 20.10.2026 թ. դիմել Վեդու համայնքապետարանի ԿՄՍԵ և Ա բաժին։

📞 Հեռախոս՝ 060-88-11-11

Սիրով սպասում ենք ձեր մասնակցությանը՝ միասին ստեղծելու տոնական, աշխույժ և համայնքային արտադրանքը ներկայացնող միջավայր։

06/10/2026

🎨🎨

05/10/2026

Սիրելի՛ ուսուցիչ,
Շնորհավորում ենք Ձեզ Ուսուցչի օրվա առթիվ։
Ուսուցչի աշխատանքը լոկ մասնագիտություն չէ․ դա առաքելություն է, որը պահանջում է անսահման համբերություն, նվիրում և սեր։ Ինչպես ասել է մեծն Վիլյամ Սարոյանը.

«Ուսուցիչը նա է, ով իր աշակերտի մեջ վառում է ճշմարտության, բարության և գեղեցիկի կրակը»։

Դուք ոչ միայն գիտելիք եք փոխանցում, այլև ձևավորում եք մարդկային հոգիներ, սովորեցնում եք մտածել, երազել և հավատալ սեփական ուժերին։ Ձեր ամեն մի խոսքն ու խրատը լուսավորում են սաների ճանապարհը։

03/10/2026

03/10/2026

Պարատոն Վեդիում❤️💙🧡

Այսօր Վեդի քաղաքում տիրում էր ասորական ռիթմերի ու մշակույթի վառ մթնոլորտ։ 🎭✨
Տեղի ունեցավ ասորական ազգային պարերի ուսուցման հատուկ դասընթաց, որի ընթացքում մեր սաները ոչ միայն սովորեցին նոր քայլեր ու շարժումներ, այլև հաղորդակից դարձան այս հարուստ ու հնագույն մշակույթի ոգուն։ 💃🕺
Շնորհակալություն բոլոր մասնակիցներին ջերմ էներգիայի և ակտիվության համար։

03/10/2026

Ասորական պարերի ուսուցում

03/10/2026

01/10/2026

💃 «Պարատոն»՝ Վեդիում

Վեդի համայնքը սիրով հրավիրում է հոկտեմբերի 3-ին միանալու «Պարատոն» մշակութային միջոցառմանը, որը կմիավորի հայկական ավանդական պարային խմբերին և Հայաստանում ապրող ազգային փոքրամասնությունների ներկայացուցիչներին։

Օրվա ընթացքում մասնակիցները հնարավորություն կունենան սովորելու հայկական և ազգային փոքրամասնությունների ավանդական պարեր, ծանոթանալու դրանց պատմությանն ու մշակութային նշանակությանը, ինչպես նաև շփվելու և փոխանակելու իրենց մշակութային ժառանգությունը։

Մեզ սպասվում են՝
• հայկական և ազգային փոքրամասնությունների ավանդական պարեր
• պարային աշխատարաններ
• մշակութային ներկայացումներ
• նոր ծանոթություններ և մշակութային փոխանակում

📅 Հոկտեմբերի 3
🕛 12:00–16:30
📍 Վեդու համայնքապետարանի հարակից փողոց
🎟 Մասնակցությունն անվճար է։

Մասնակցելու համար խնդրում ենք նախապես գրանցվել՝
https://forms.gle/RFYP8dNituhZMAoX9

Սիրով սպասում ենք բոլորին՝ միասին պարելու, բացահայտելու և մեր մշակութային բազմազանությունը տոնելու։ 🇦🇲

«Պարատոն» մշակութային միջոցառումն իրականացվում է Հայաստանում Նիդերլանդների դեսպանատան աջակցությամբ՝ «Այռայզ միջազգային իրավական կենտրոն» ՀԿ-ի «Ապագա Առաջնորդներ դպրոց 2.0» ծրագրի շրջանակում՝ Վեդու համայնքապետարանի, «Ծովակ» ավանդական երգի-պարի համույթի և գործընկեր կազմակերպությունների համագործակցությամբ։

21/09/2026

Անկախ պետականությունը մեր ժողովրդի ամենամեծ ձեռքբերումներից է։ Շնորհավորելով բոլորիս Սեպտեմբերի 21-ի առթիվ՝ մաղթում եմ, որ մեր երկրում միշտ տիրի խաղաղություն, իսկ յուրաքանչյուր հայի սրտում՝ հպարտություն իր հայրենիքի համար։