Qendra Kulturore Artistike Anamorava

23/06/2026

Junioret e Qendrës Kulturore “Anamorava” shkëlqyen në Tiranë

Junioret e Qendrës Kulturore “Anamorava” morën pjesë në Festivalin “Talentet e Rinj”, të organizuar në Tiranë nga Shoqata Jehona Shqiptare. Në këtë festival morën pjesë përfaqësues nga 15 vende të ndryshme.

Nën udhëheqjen dhe përgatitjen profesionale të znj. Mimoza Shabani-Bejta, grupi i juniorëve të QK “Anamorava” arriti një sukses të jashtëzakonshëm duke fituar:

* Vendin e Tretë në konkurrencën e përgjithshme;
* Çmimin për Veshjen më të Bukur;
* Çmimin për Vallën më të Mirë Autoktone.

Ky rezultat është dëshmi e përkushtimit, punës së palodhshme dhe cilësisë artistike që kultivon QK “Anamorava” me gjeneratat e reja.

Qendra Kulturore “Anamorava” po dëshmon vazhdimisht se në çdo paraqitje është përfaqësuese dinjitoze e kulturës sonë, duke sjellë çmime, vlera dhe promovim të traditës kombëtare.

Me këtë rast, kërkojmë nga Komuna e Vitisë dhe institucionet përgjegjëse mbështetje më konkrete për talentet e reja, të cilët me sukseset e tyre po e prezantojnë komunën dhe kulturën tonë në arenën kombëtare dhe ndërkombëtare. Investimi në rininë dhe kulturën është investim në identitetin dhe të ardhmen tonë.

22/05/2026

20/05/2026

Edhe Shala sot na la… Adem Selmani.
Pata nderin të rrugëtoj me ju në skena e podiume, në festivale kombëtare e ndërkombëtare, gjithmonë me kujtimet më të mira, kur shpërthente gazi, hareja dhe vallet e bukura të Karadakut e Anamoravës. Anamorava ishte buqetë skene!
Jam krenare që ju kisha në formacion, bashkë me akv. Kemajl Azizin, dhe që vazhduam edhe me QK “Anamorava”.
Pusho i qetë, Adem Selmani Shala!

20/05/2026

Qendra Kulturore “Anamorava” dëshmoi edhe njëherë se është një ansambël i organizuar, i cili në gjirin e vet bart një

03/05/2026

Urime ditëlindjen për valltaren e talentuar, fituesen e shumë trofeve në festivale kombëtare e ndërkombëtare të Qendrës Kulturore ‘Anamorava’, znj. Albana Ademi!

26/04/2026

25/04/2026

Më 25 prill 2026, në Gjenevë, u mbajt një ngjarje e rëndësishme kulturore e organizuar nga Shoqata “Smira” në Diasporë, nën udhëheqjen e drejtorit z. Ramadan Rrahamani dhe këshillit organizativ. Ky aktivitet ishte i dedikuar për komunitetin e Smirës, por njëkohësisht mblodhi pjesëmarrës edhe nga Belgjika, Franca dhe Gjermania, duke dëshmuar për një organizim gjithëpërfshirës dhe të një niveli të lartë.

Në këtë ngjarje ishte i pranishëm edhe kryetari i OVL-së, dega në Viti, si dhe përfaqësues të tjerë të jetës shoqërore e kulturore. Gjithashtu, mori pjesë edhe z. Arianit Hetemi, në cilësinë e drejtorit të Qendrës Kulturore “Anamorava”.

Në kuadër të programit artistik, Qendra Kulturore “Anamorava” prezantoi vallet tradicionale të Karadakut, të interpretuara nga solistët Bardhyl Osmani dhe Arlind Hasani. Performanca e tyre u karakterizua nga nivel i lartë artistik dhe autenticitet, duke u pritur me entuziazëm të madh nga publiku i pranishëm.

Ky organizim konfirmoi edhe një herë kapacitetin dhe traditën e komunitetit të Smirës në realizimin e aktiviteteve madhore në diasporë, duke shërbyer si model për organizimet e tjera të ngjashme.

Ngjarje të tilla forcojnë lidhjet ndërmjet bashkëatdhetarëve dhe kontribuojnë në ruajtjen dhe promovimin e identitetit kulturor shqiptar në arenën ndërkombëtare.