24/05/2026
🎭 Klubi i Publikut u mblodh sërish në Teatrin Kombëtar për një bashkëbisedim të veçantë mbi premierën e “Otello”, në një atmosferë plot reflektim, emocion dhe dialog mes artistëve dhe publikut.
Në panel ishin regjisori Qëndrim Rijani, drejtori i Teatrit Kombëtar Indrit Çobani, si dhe aktorët e “Otello”,
Arben Derhemi, Lulzim Zeqja, Linda Jarani dhe Donald Shehu.
Gjatë diskutimit u fol mbi mënyrën bashkëkohore se si është sjellë kjo tragjedi, sfidat emocionale të personazheve dhe temat që e bëjnë “Otello”-n ende kaq aktual sot. Publiku pati mundësinë të ndajë pyetje, përshtypje dhe diskutime me ekipin realizues të shfaqjes, në një mbrëmje ku teatri u kthye në një hapësirë të gjallë komunikimi dhe ndjesish.