Arkivi Qendror Shteteror i Filmit

12/06/2026

27 vite më pas: Kujtesa e një eksodi, dëshmi e një mbijetese nga shqiptarët e Kosovës 🇦🇱🇽🇰

Kjo video e rrallë arkivore, e marrë në marsin e vitit 1999 nga kameramani Bashkim Asllani dhe regjisori Besnik Bisha për B&G Film Pro, dokumenton mbërritjen në Shqipëri të refugjatëve shqiptarë nga Kosova, të dëbuar me dhunë nga shtëpitë e tyre gjatë fushatës së spastrimit etnik dhe krimeve të kryera nga regjimi serb në Kosovë.
Nga marsi deri në qershor 1999, rreth 800.000 shqiptarë të Kosovës u detyruan të largoheshin nga vendlindja e tyre. Shqipëria hapi kufijtë dhe zemrën për qindra mijëra motra e vëllezër që kërkonin strehë, siguri dhe shpresë në ditët më të errëta të historisë së tyre. Në kulmin e krizës, mbi 440.000 refugjatë kosovarë u strehuan në Shqipëri.

Pamjet që shihni si dokumentim i një ngjarjeje historike janë edhe fytyrat e lodhura të njerëzve që lanë pas shtëpitë, kujtimet dhe jetën e tyre të përditshme; janë lotët e fëmijëve, ankthi i prindërve dhe dinjiteti i një populli që, përballë tragjedisë, nuk reshti së besuari te liria.

Sot, 27 vite më vonë, këto imazhe mbeten një dëshmi e gjallë e vuajtjeve të mijëra familjeve shqiptare të Kosovës, por edhe e solidaritetit të jashtëzakonshëm njerëzor që bashkoi shqiptarët në të dy anët e kufirit.

📽️ Nga fondet arkivore të AQSHF-së
🎥 Xhiruar në vitin 1999 nga Bashkim Asllani
🎬 Regjia: Besnik Bisha
📍 Kukës, mars 1999



©️

10/06/2026

Kujtojmë sot 148 vite më pas themelimin e Lidhjes Shqiptare të Prizrenit, ngjarja më e rëndësishme e shekullit XIX në historinë e shqiptarëve, njohur ndryshe edhe si çasti që shënoi fillimin e organizimit politik kombëtar për mbrojtjen e trojeve dhe të identitetit shqiptar.

Skenari: Kujtim Gjonaj
Regjia: Vitori Çeli
Kompozitore: Nina Andoni
Operatorë: Diana Diamanti, Faruk Basha, Jovan Kondakci
Montazhiere: Elpiniqi Coja
Zëri: Asim Raxhimi

©️

04/06/2026

Sonte

Sonte, ju ftojmë të na bashkoheni për një shfaqje speciale të filmit “Kryeqyteti Ynë” (1976) si pjesë e ALMA 2026, Konferencës së parë Ndërkombëtare të DoCoMoMo Shqipëri.

I prodhuar gjatë periudhës socialiste të Shqipërisë, filmi ofron një portret të rrallë kinematografik të Tiranës, duke dokumentuar transformimin urban të kryeqytetit, arkitekturën monumentale dhe jetën e përditshme përmes lenteve të kinematografisë shtetërore të viteve 1970. Shfaqja do të nisë me një prezantim të shkurtër nga Elian Tanini (AQSHF) dhe Gjergji Islami (DoCoMoMo Albania), e ndjekur nga një diskutim që reflekton mbi kujtesën, trashëgiminë moderniste dhe përfaqësimin e qytetit në film.

……

Tonight, join us for a special screening of “Kryeqyteti Ynë” (1976) as part of ALMA 2026, the first International Conference of DoCoMoMo Albania.

Produced during Albania’s socialist period, the film offers a rare cinematic portrait of Tirana, documenting the capital’s urban transformation, monumental architecture, and everyday life through the lens of 1970s state filmmaking. The screening will start with a short introduction by Elian Tanini (AQSHF) and Gjergji Islami (DoCoMoMo Albania), followed by a discussion reflecting on memory, modernist heritage, and the representation of the city in film.

Pyetje & Përgjigje me | Q&A with:
Gjergji Islami (DoCoMoMo Albania)
Lejla Hadzic (DoCoMoMo Albania)
Uta Pottgießer (DoCoMoMo International)

Filmi do të shfaqet në shqip, me titra në gjuhën angleze | The film will be shown in Albanian, with English subtitles.

🗓 E enjte, 4 Qershor | Thursday, June 4th
🕔 20:00
📍Vila 31 x Art Explora
╰┈➤ Hyrja | Entrance: “Ismail Qemali”

Kinema | Cinema📌

03/06/2026

Me Dashuri nga Kinema Drita 🎥 në Arkivi Qendror Shteteror i Filmit
Eduart Grishaj shkruan: Pak ditë më parë u zhvillua me sukses premiera e filmit të shkurtër “Fëmijët”, një projekt që solli emocione, reflektim dhe një mesazh të veçantë për publikun.

Falënderojmë të gjithë të pranishmit për pjesëmarrjen dhe mbështetjen e tyre, si dhe çdo person që kontribuoi në realizimin e këtij filmi. Kjo premierë shënoi një moment të rëndësishëm për ekipin tonë dhe një hap të vlefshëm në rrugëtimin artistik të këtij projekti. 🎬

Faleminderit 👏🙏 🤗

01/06/2026

🎭 “1 Qershori n’Shesh” është një ditë festive ku historia, filmi, arti dhe vallja shqiptare dalin në shesh për fëmijët dhe familjet.

📍 Paradite | Ora 10:00 – 12:00
📌 Përballe Teatrit Kombëtar të Kukullave

Fëmijët do të angazhohen në aktivitete kreative dhe edukative përmes programit “Argetohemi me historinë”, duke eksploruar trashëgiminë dhe historinë shqiptare në mënyrë interaktive. Aktiviteti do të moderohet nga Muzeu Historik Kombëtar.

🌙 Pasdite | Ora 18:00 – 21:00
📌 Përballe Teatrit Kombëtar të Kukullave

Sheshi transformohet në një hapësirë arti dhe kulture me:
💬 Shfaqje të veprave nga koleksioni i Galerisë Kombëtare të Arteve për fëmijët
🎬 Shfaqjen e filmit “Mimoza Llastica” nga Arkivi Qendror Shtetëror i Filmit
💃 Mësime të valleve shqiptare për fëmijë dhe familje nga Teatri Kombëtar i Operas dhe Baletit

🤝 Partnerë në organizim:
Muzeu Historik Kombëtar, Arkivi Qendror Shtetëror i Filmit, Teatri Kombëtar i Operas dhe Baletit dhe Galeria Kombëtare e Arteve.

🙏 Me mbështetjen e Ministrisë së Turizmit, Kulturës dhe Sportit.


Arkivi Qendror Shteteror i Filmit Ministria e Turizmit, Kulturës dhe Sportit

31/05/2026

Kemi kënaqësinë të njoftojmë premierën e filmit dokumentar “Robert Ndrenika”, një realizim i Media Vision me regji nga Iva Garo dhe Namik Ajazi, kushtuar jetës dhe veprës së artistit të mirënjohur Robert Ndrenika.

📅 31 Maj 2026
🕖 Ora 19:00

📍 Kinema Millennium, Tiranë

Nëpërmjet intervistave dhe materialeve arkivore të arkivit tonë, ky dokumentar sjell kujtime, reflektime dhe momente të rëndësishme nga rrugëtimi artistik dhe njerëzor i një prej figurave të dashura të artit shqiptar.

Ky dokumentar u mbështet tërësisht mbi materialet filmike të Arkivit Qendror Shtetëror të Filmit dhe nga Ministria e Turizmit, Kulturës dhe Sportit.

30/05/2026

Jemi krenarë të prezantojmë Restaurim e parë të Filmit në Shqipëri, pikërisht Filmin e parë prodhim tërësisht shqiptar "Fëmijët e saj" i vitit 1957.
Regjia dhe skenari: Hysen Hakani
Me Aktorët e mëdhenj: Marie Logoreci, Marika Kallamata, Naim Frashëri, Xhemal Berisha, Loro Kovaçi, Vangjeli Pikuli, Esma Agolli, Pjetër Gjoka, Bejtulla Kurtheshi
Muzika: Tish Daija
Kamera dhe drejtor fotografie: Sokrat Musha
Montazhi: Vitori Çeli

- Ky film u restaurua tërësisht në studiot e Arkivit Qendror Shtetëror të Filmit nga mjeshtri dhe specialisti audiovizual Erand Meça dhe Hajrie Dedei.

Së shpejti premiera e filmit të restauruar te Kinema Drita në Arkivin Qendror Shtetëror të Filmit

Arkivi Qendror Shteteror i Filmit
Blendi Gonxhja
Lira P**a
Ministria e Turizmit, Kulturës dhe Sportit
Eljan Tanini

27/05/2026

Lajm i mirë! 27 vite më pas, sot më 27 maj 2026, nisi xhirimet arkivale.

Një hap i rëndësishëm që i jep Arkivit një mundësi më shumë për të dokumentuar jetën shqiptare dhe për të ruajtur kujtesën kolektive të kohës sonë.
Xhirimi i fundit arkival në AQSHF datonte në vitin 1999.
Xhirimi i sotëm dokumenton faljen e Bajramit në qendër të Tiranës si çast i rëndësishëm i jetës shpirtërore dhe sociale të vendit.

Po çfarë janë xhirimet arkivale?

🎥 Xhirimet arkivale janë pamje filmike ose video të ruajtura nga e kaluara, të cilat përdoren në dokumentarë, lajme, filma apo emisione për të sjellë dëshmi autentike të ngjarjeve, njerëzve dhe periudhave historike. Ato dokumentojnë realitetin e një kohe të caktuar dhe mbeten një pasuri e çmuar për brezat që do të vijnë.

🎬 Pse janë të rëndësishme për një arkivë filmi xhirimet arkivale?

Sepse ruajnë kujtesën historike, kulturore dhe artistike të një shoqërie. Përmes tyre dokumentohen ngjarje, mënyra jetese, tradita dhe zhvillimi i kinemasë ndër vite. Xhirimet arkivale shërbejnë gjithashtu si burim i vyer për studiues, regjisorë, gazetarë dhe për këdo që dëshiron të kuptojë dhe të rikthejë në vëmendje historinë tonë.

Çdo javë, nga një punë e mirë për kujtesën filmike shqiptare dhe për Arkivin Qendror Shtetëror të Filmit.

Urime për këtë punë të bukur regjisorit të ri D Haruni.

27/05/2026

Gëzuar Kurban Bajramin me këtë video nga Xhamia e Plumbit në Shkodër, viti 1963 🕌

©️

fans Ministria e Turizmit, Kulturës dhe Sportit Blendi Gonxhja Komuniteti Mysliman i Shqipërisë

23/05/2026

Birçe Hasko, emri që i dha jetë dhjetëra karaktereve dhe la gjurmë të pashlyeshme në historinë e artit shqiptar. I lindur në Dukat të Vlorës në vitin 1942, ai e nisi rrugëtimin e tij si mësues, për t'u shndërruar shumë shpejt në një nga aktorët më të dashur të ekranit.
Me mbi 30 role në kinematografi, që nga debutimi i tij tek "Kur zbardhi një ditë", te "Radiostacioni", "Shkëlqim i Përkohshëm", e deri tek i paharrueshmi Milo në komedinë teatrale "Shi në plazh", Hasko ka bërë të qeshë dhe të mendohet çdo shqiptar.
​Por kontributi i tij nuk ndalet vetëm në skenë. Si një pedagog i palodhur, ai mban titullin "Profesor", duke edukuar dhe formuar breza të tërë aktorësh në Akademinë e Arteve për dekada me radhë.
I vlerësuar me titujt "Artist i Merituar" dhe "Mjeshtër i Madh", Birçe Hasko mbetet sot një thesar i vërtetë kombëtar, një jetë e tërë e dedikuar me pasion të jashtëzakonshëm ndaj artit dhe publikut shqiptar.
I përjetshëm kujtimi i tij.
Birçe Hasko 1942-2026

Credits ©️



https://www.instagram.com/reel/DYrf5bSOgjO/?igsh=MTY4OXdtdXFpajk0eQ==