Teatri Kombetar i Operas, Baletit dhe Ansamblit Popullor

Teatri Kombetar i Operas, Baletit dhe Ansamblit Popullor National Theater of Opera and Ballet of Albania
(233)

Zëri që sfidoi kohën- Lukë KaçajNë 100-vjetorin e lindjes së Lukë Kaçajt, kujtojmë një nga figurat më të mëdha të artit ...
13/06/2026

Zëri që sfidoi kohën- Lukë Kaçaj

Në 100-vjetorin e lindjes së Lukë Kaçajt, kujtojmë një nga figurat më të mëdha të artit lirik shqiptar, artistin që me zërin e tij të jashtëzakonshëm la gjurmë të pashlyeshme në historinë e operës shqiptare.

I njohur si “Shaljapini shqiptar”, Lukë Kaçaj nuk ishte vetëm një bas-bariton me përmasa të rralla artistike, por edhe një njeri që përballoi me dinjitet sprova të mëdha jetësore. Talentit të tij të jashtëzakonshëm iu desh të përballej me periudha të vështira, por as koha dhe as sfidat nuk mundën të zbehin trashëgiminë që ai i la kulturës shqiptare.

Më 19 qershor, në orën 20:00, Teatri Kombëtar i Operës, Baletit dhe Ansamblit Popullor i kushton një mbrëmje të veçantë këtij artisti të madh, përmes kujtimeve, muzikës dhe homazhit për një zë që vazhdon të jehojë përtej kohës.

Një mbrëmje për të nderuar artistin. Një mbrëmje për të kujtuar njeriun. Një mbrëmje për zërin që sfidoi kohën.

🎟️ Biletat mund t’i gjeni pranë biletarisë së TKOBAP-së, nga e hëna në të diel, sipas orarit:
• 10:00–14:00 dhe 16:00–20:00
• Ditën e shfaqjes: 10:00–14:00 dhe 16:00–18:30

Ju mirëpresim!

✨U përmbyll me sukses edicioni i IX-të i konkursit “Eja Këndo me Ne”, një nga projektet më të dashura të Teatrit Kombëta...
12/06/2026

✨U përmbyll me sukses edicioni i IX-të i konkursit “Eja Këndo me Ne”, një nga projektet më të dashura të Teatrit Kombëtar të Operës, Baletit dhe Ansamblit Popullor, i organizuar në bashkëpunim me Ministrinë e Arsimit, Ministrinë e Turizmit, Kulturës dhe Sportit, si dhe Zyrën Vendore Arsimore Tiranë.

Mbi 64 shkolla 9-vjeçare të Tiranës iu bashkuan kësaj aventure disa mujore, duke sjellë në skenë talentin, pasionin dhe dashurinë për muzikën e brezit të ri.

🎶Përgjatë këtij rrugëtimi, më shumë se 2000 nxënës patën mundësinë të zhvillojnë aftësitë e tyre artistike, të përjetojnë emocionin e interpretimit në skenë dhe të krijojnë kujtime të paharrueshme.

Këto kujtime u finalizuan mbrëmë me përmbylljen e konkursit nëpërmjet 20 shkollave finaliste ku secila triumfoi me eksperiencën e saj në skenë.

Nën drejtimin e maestro Dritan Lumshi dhe koncertmaestër Igli Rapaj, emocione të bukura përjetuam mes tingujve të Zërave të Bardhë.🤍

12/06/2026

Eja këndo me ne!✨

✨U përmbyll me sukses edicioni i IX-të i konkursit “Eja Këndo me Ne”, një nga projektet më të dashura të Teatrit Kombëtar të Operës, Baletit dhe Ansamblit Popullor, i organizuar në bashkëpunim me Ministrinë e Arsimit, Ministrinë e Turizmit, Kulturës dhe Sportit, si dhe Zyrën Vendore Arsimore Tiranë.

Mbi 64 shkolla 9-vjeçare të Tiranës iu bashkuan kësaj aventure disa mujore, duke sjellë në skenë talentin, pasionin dhe dashurinë për muzikën e brezit të ri.

🎶Përgjatë këtij rrugëtimi, më shumë se 2000 nxënës patën mundësinë të zhvillojnë aftësitë e tyre artistike, të përjetojnë emocionin e interpretimit në skenë dhe të krijojnë kujtime të paharrueshme.

Këto kujtime u finalizuan mbrëmë me përmbylljen e konkursit nëpërmjet 20 shkollave finaliste ku secila triumfoi me eksperiencën e saj në skenë.

Nën drejtimin e maestro Dritan Lumshi dhe koncertmaestër Igli Rapaj, emocione të bukura përjetuam mes tingujve të Zërave të Bardhë.🤍

🎶 EJA KËNDO ME NE – Edicioni i IX-të 🎶Zërat e rinj rikthehen sërish në skenën e Teatrit Kombëtar të Operës, Baletit dhe ...
10/06/2026

🎶 EJA KËNDO ME NE – Edicioni i IX-të 🎶

Zërat e rinj rikthehen sërish në skenën e Teatrit Kombëtar të Operës, Baletit dhe Ansamblit Popullor!

Në këtë edicion të nëntë të konkursit “Eja Këndo me Ne”, 50 shkolla nëntëvjeçare të Tiranës bëhen pjesë e një feste të madhe muzikore, ku talenti, pasioni dhe gëzimi i këngës bashkojnë fëmijët në një përvojë të paharrueshme artistike.

Nën drejtimin e dirigjentit Dritan Lumshi dhe me koncertmaestër Igli Rapaj, kjo mbrëmje do të sjellë në skenë energjinë, emocionet dhe entuziazmin e brezit më të ri.

11 Qershor 2026
Ora 18:00

Tchaikovsky & RavelRomantizmi i Tchaikovsky-t, eleganca e Ravel-it dhe energjia plot ritëm e Milhaud-it bashkohen në një...
09/06/2026

Tchaikovsky & Ravel

Romantizmi i Tchaikovsky-t, eleganca e Ravel-it dhe energjia plot ritëm e Milhaud-it bashkohen në një mbrëmje simfonike në skenën e Teatrit Kombëtar të Operës, Baletit dhe Ansamblit Popullor.

Me solistet Laura Lozi në violinë dhe Rejsi Prosi në piano, Orkestra Simfonike e TKOBAP-së nën dirigjimin e Beatrice Venezi, sjell një program me kryevepra të repertorit orkestral, ku virtuoziteti dhe finesa muzikore ndërthuren në një udhëtim përmes tre botëve të ndryshme artistike.

23 qershor
Ora 20:00

Tonin Harapi (1926–1992)“Nderi i Kombit”Sot kujtojmë, në 100-vjetorin e lindjes, kompozitorin e shquar shqiptar Tonin Ha...
09/06/2026

Tonin Harapi (1926–1992)
“Nderi i Kombit”

Sot kujtojmë, në 100-vjetorin e lindjes, kompozitorin e shquar shqiptar Tonin Harapi, një nga personalitetet më të rëndësishme të muzikës sonë kombëtare.

I lindur më 9 qershor 1926 në Shkodër, ai u rrit në një mjedis me tradita të pasura muzikore, pranë figurave të shquara si Palokë Kurti, Frano Ndoja, Martin Gjoka, Mikel Koliqi, Zef Shestani dhe Prenk Jakova, të cilët ishin edhe mësuesit e tij të parë të muzikës.

Pas Luftës së Dytë Botërore, Tonin Harapi vazhdoi formimin e tij artistik si autodidakt, përpara se të studionte në Liceun Artistik në Tiranë dhe më pas në Konservatorin “Çajkovski” të Moskës. Për shumë vite ai dha një kontribut të çmuar si pedagog i kompozicionit në Konservatorin e Tiranës.

Krijimtaria e tij përfshin pothuajse të gjitha zhanret muzikore: opera, operetë, muzikë simfonike, korale e skenike, romanca, këngë për fëmijë, si dhe përpunime të muzikës popullore. Me veprën e tij, ai la një gjurmë të pashlyeshme në historinë e muzikës shqiptare.

Pas vdekjes, iu akordua titulli “Artist i Popullit”, ndërsa më 4 maj 2016 u nderua me dekoratën e lartë “Nderi i Kombit”. Që prej vitit 2019, salla e re e koncerteve në Liceun Artistik “Jordan Misja” mban emrin e tij.

Në këtë përvjetor të rëndësishëm, shprehim mirënjohjen dhe respektin tonë për jetën, veprën dhe trashëgiminë e një artisti që i dha muzikës shqiptare një dimension të veçantë dhe të qëndrueshëm në kohë.

VOX BAROQUE – Edicioni XIII“Amor, Fe y Locura”(Dashuri, Besim dhe Çmenduri)Në kuadër të edicionit të 13-të të festivalit...
09/06/2026

VOX BAROQUE – Edicioni XIII
“Amor, Fe y Locura”
(Dashuri, Besim dhe Çmenduri)

Në kuadër të edicionit të 13-të të festivalit Vox Baroque, publiku do të ketë mundësinë të përjetojë një program të veçantë kushtuar muzikës baroke spanjolle, ku dashuria, besimi dhe çmenduria shpalosen përmes muzikës, kërcimit dhe interpretimit skenik.

Me pjesëmarrjen e:
Susanna Crespo Held – mezzo-soprano
Amaya Fernández Pozuelo – klaviçembal
Maru Rivas – kërcimtare
Cecilia Vecchio – regjisore

Një program që sjell para publikut pasurinë e repertorit barok spanjoll dhe ndërthurjen e tij me gjuhën e lëvizjes dhe teatrit, në një përvojë artistike që rikthen atmosferën dhe emocionet e një prej periudhave më të rëndësishme të historisë së muzikës.

25 Qershor | Ora 20:00
Holli Koncertor i Teatrit Kombëtar të Operës, Baletit dhe Ansamblit Popullor, Tiranë

RADIAN ✨Jo gjithçka që na lidh është e dukshme.Një krijim i ri koreografik nga Edi Blloshmi, me muzikë origjinale nga Ro...
09/06/2026

RADIAN ✨
Jo gjithçka që na lidh është e dukshme.

Një krijim i ri koreografik nga Edi Blloshmi, me muzikë origjinale nga Robert Bisha, vjen si premierë botërore në skenën e TKOBAP-së.

I frymëzuar nga jehonat e Mesdheut, RADIAN eksploron hapësirën ku lëvizja bëhet rezonancë dhe tingulli merr formë fizike. Trupi, muzika dhe hapësira ndërthuren në një dialog të pandërprerë, duke krijuar një përvojë artistike ku e njohura dhe e panjohura takohen brenda të njëjtës rrahje zemre.✨

Universi vizual i veprës merr formë përmes kostumografisë së Edlira Qyshkës dhe konceptit të ndriçimit nga Eni Tafaj, me Alisa Gjonin si asistente koreografe.🎶

Mos mungoni me 29 & 30 qershor 2026.
Ora 20:00.

🎟️ Biletat mund t’i gjeni pranë biletarisë së TKOBAP-së, nga e hëna në të diel, sipas orarit:
• 10:00–14:00 dhe 16:00–20:00
• Ditën e shfaqjes: 10:00–14:00 dhe 16:00–18:30

Ju mirëpresim!

09/06/2026

Mirënjohje për çdo emocion, që sollët në skenë dhe për çdo moment, që e bëri publikun të ëndërrojë ndër nota.✨

Kori i TKOBAP-së këndon shqip në Itali mes koreve të njohura evropiane. ✨Në kuadër të edicionit të 36-të të Festivalit t...
06/06/2026

Kori i TKOBAP-së këndon shqip në Itali mes koreve të njohura evropiane. ✨

Në kuadër të edicionit të 36-të të Festivalit të Kantos në Savigliano, Itali, Kori i Teatrit Kombëtar të Operës, Baletit dhe Ansamblit Popullor, solli për publikun italian perlat e muzikës shqiptare, duke përfaqësuar me dinjitet kulturën dhe traditën tonë muzikore.

Në këtë festival, ku morën pjesë kore të njohura nga Roma, Milano dhe Torino, artistët e TKOBAP-së u pritën me entuziazëm nga publiku, duke përcjellë përmes tingujve të gjuhës shqipe identitetin dhe pasurinë e muzikës sonë kombëtare.

Mbrëmja u përmbyll me interpretimin e përbashkët të “Va, pensiero”, duke krijuar një moment të veçantë bashkimi artistik mes pjesëmarrësve, ndërsa Kori i TKOBAP-së do të rikthehet sërish në skenë sonte dhe nesër.

Address

Sheshi Skenderbej
Tirana
1000

Telephone

+355696354599

Website

Alerts

Be the first to know and let us send you an email when Teatri Kombetar i Operas, Baletit dhe Ansamblit Popullor posts news and promotions. Your email address will not be used for any other purpose, and you can unsubscribe at any time.

Shortcuts

Share

Category