Citime dhe Poezi

11/06/2026

I dashur mik, ti që m’urren!
Ti që betohesh për besë e nde !
E s’ke nevojë t’hapësh fjalorin!
Të gjesh për mua, helm edhe vrer!

I dashur mik, që gjuhën qet!
E pjes’ më bën në tavolina!
Më bën të poshtër, mbase t’përdalë!
E s’më jep kohë të them dy fjalë!

I dashur mik, që s’më sheh dot!
Tek ec pa drojë n’tëndin qytet!
Sepse dhe fati se ka dash!
Me ty t’jem lind në maternitet!

I dashur mik, që më përbuz!
M’ul e më ngre si t’jem alien!
Nuk fluturoj, por notin e di!
Në det, lumë edhe liqen!

I dashur mik, që don me m’fy!
E pret nga unë të qaj me kujë!
E me ma pa ngjyrën e lotit!
Meqë jam rrit me tjetër ujë!

I dashur mik, që më sulmon!
E shumë t’paqena ngre në hava!
Me armë mesjete e sociale!
Po don dhe shpirtin me ma vra!

I dashur mik, që do me m’tall!
E s’ma kursen t’ëmblën shpoti!
Që m’bën të ndihem emigrant!
Ndonëse shqip unë, shqip edhe ti!

I dashur mik, që s’di mëshirën!
Ndonëse ti falesh n’kishë a xhami!
Vallë edhe zotin do ta anatemoje?
Po t’kish ardh vizitë në shtëpi?!

𝗡𝗴𝗮 𝗣𝗮𝗻𝗱𝗶 𝗟𝗮𝗰̧𝗼

08/06/2026

Ne vazhdojmë qe t’i shpallim luftë njerëzve të këqinj, në vend qe t’i shpallim luftë asaj që i bën me te vertete ata të këqinj.

web

07/06/2026

GËNJESHTRAT

O popull, ç’të bëjnë!
Të japin lodra të luash,
Të mbajnë me përralla.
Të flesh në shtrat sa të duash,
Pa zhurma e andralla.
Të quajnë të vogël,
Dhe thonë se ende s’di shumë.
Të japin në duar një lodër,
Dhe thonë:
Pusho, mos bëj zhurmë!
Refren i përhershëm në kohët,
O popull, ç’të bëjnë!
Të thonë:
“Gërvish e fito” në letra!”
Dhe ti gërvisht me thonjtë e paprerë.
Nën mëngët e vjetra,
Dhe fati s’të vjen asnjëherë.
Të marrën përdore me lekë,
T’i shohësh Miss-at,
Kur zhveshur kërcejnë,
Me brekë e pa brekë,
Në Skenë.
O popull, ç’të bëjnë!
Të japin lodra në duar
Me Tomin dhe Xherrin,
Të bëhesh fëmijë i duruar,
Mos njohësh telashin dhe sherrin.

Dritëro Agolli

07/06/2026

Jemi mësuar me kaq shumë gjëra e gënjeshtra në jetë, sa edhe kur gjejmë një ditë dicka të vërtetë, fillojmë dhe kërkojmë lart e poshtë ndonjë gabim te sajën.

Stefan Cvajg

06/06/2026

Në çdo kohë ka patur dhe do të ketë gjithmonë njerëz të gatshëm të flasin dhe të shkruajnë mbi çështje për të cilat nuk dinë asgjë.

Faik Konica

31/05/2026

"Sa e çuditshme është qenia njerëzore!
Bën sherr me të gjallët dhe u dhuron lule të vdekurve.
Kalon vite të tëra pa folur me një të gjallë dhe, kur ai vdes, shkon për t'i bërë homazhe.
S'gjen ca minuta që ta vizitojë të gjallin, por, ama, qëndron një ditë të tërë në vigjiljen e të vdekurit në shtëpinë funerale.
Nuk telefonon, nuk përqafon, nuk shfaq pikën e interesit për një të gjallë, por dëshpërohet paskajshmërisht kur përballet me të vdekurin.
E çuditshme! Duket, pothuajse, sikur gjëja më e çmuar është vdekja, jo jeta."

Autor i Panjohur
(Përshtati në shqip: Rielna Paja)

22/02/2026

Udhëtimi i fundit.

Edhe unë do të iki.
Do të mbeten zogjtë këngëtarë,
Do të mbetet kopshti im,
Me pemën e gjelbër,
Dhe me pusin e bardhë.

Mbrëmjeve qielli do të jetë i kaltër, i qetë,
Do kumbojnë siç kumbojnë sonte,
Kambanat në kambanore.

Do të vdesin ata që më duan,
Viset do të rilinden për vit.
Anës së kopshtit me lule e gëlqere,
Do të endet shpirti im nostalgjik.

Edhe unë do të iki.
Fare vetëm, pa vatër,
Pa pemën e gjelbër,
Pa pusin e bardhë,
Pa qiellin e kaltër, të qetë...

Do të mbeten zogjtë këngëtarë.

Juan Ramon Jimenez

14/02/2026

06/02/2026

QYMYR I VJETËR

Syrin pse ma fsheh?
Qerpikun ngrije lart.
Kaq e mirë më je,
E unë kaq pa fat.

Bluza qepur ngushtë,
Çuditem si të nxe.
E ajo mos plastë,
Do plas unë për be.

Gjerdan një pëllëmbë,
E belit lirë të rri.
Ta ngroh dorën lërmë,
Diçka pak përmbi.

Fustani hapit shkrirë,
Dallgë mbi pulpë lëshuar.
Për fatin tënd të mirë,
Jam unë i duruar.

Lërmë të plakem mua,
Ashtu si më ka hije.
Mos nguc se nëse luaj,
S’bëj lodra djalërie.

Në qymyr të vjetër
Kujdes, mos vër dorë.
Një shkëndi e hedhur,
Shkrin hekur moj e gjorë.

Fatmir S. Baçi

12/01/2026

Ne ndjejmë keqardhje për të tjerët vetëm për ato të keqija të cilat ne vetë i kemi përjetuar.

web