Citime dhe Poezi

22/02/2026

Udhëtimi i fundit.

Edhe unë do të iki.
Do të mbeten zogjtë këngëtarë,
Do të mbetet kopshti im,
Me pemën e gjelbër,
Dhe me pusin e bardhë.

Mbrëmjeve qielli do të jetë i kaltër, i qetë,
Do kumbojnë siç kumbojnë sonte,
Kambanat në kambanore.

Do të vdesin ata që më duan,
Viset do të rilinden për vit.
Anës së kopshtit me lule e gëlqere,
Do të endet shpirti im nostalgjik.

Edhe unë do të iki.
Fare vetëm, pa vatër,
Pa pemën e gjelbër,
Pa pusin e bardhë,
Pa qiellin e kaltër, të qetë...

Do të mbeten zogjtë këngëtarë.

Juan Ramon Jimenez

14/02/2026

06/02/2026

QYMYR I VJETËR

Syrin pse ma fsheh?
Qerpikun ngrije lart.
Kaq e mirë më je,
E unë kaq pa fat.

Bluza qepur ngushtë,
Çuditem si të nxe.
E ajo mos plastë,
Do plas unë për be.

Gjerdan një pëllëmbë,
E belit lirë të rri.
Ta ngroh dorën lërmë,
Diçka pak përmbi.

Fustani hapit shkrirë,
Dallgë mbi pulpë lëshuar.
Për fatin tënd të mirë,
Jam unë i duruar.

Lërmë të plakem mua,
Ashtu si më ka hije.
Mos nguc se nëse luaj,
S’bëj lodra djalërie.

Në qymyr të vjetër
Kujdes, mos vër dorë.
Një shkëndi e hedhur,
Shkrin hekur moj e gjorë.

Fatmir S. Baçi

12/01/2026

Ne ndjejmë keqardhje për të tjerët vetëm për ato të keqija të cilat ne vetë i kemi përjetuar.

web

28/12/2025

Më falni dicka që më kënaq,
Si puthja e nënës në ballë.
Më gëzoni një herë,
Si gëzohet gjethi i njomë ne puhi.
Më shikoni si hëna nëpër rrema,
E kam me ju falë gjithçka.

Mortjen do të puth ndër buzët e ngrime,
E në zgavrat e syrit të saj,
Do të derdh lot.
Avitu njeri!
Nga palci i urrejtjes dëshiroj me dalë,
Si bima prej farës, në pranverë...

Martin Camaj

20/12/2025

Puthme fort, e dashur puthme,
Te me dhembe, me terbim!
Gjaku im me pervelon,
Kurse shpirti akull ngrin.

Kup' e derdhur, e permbysur,
Mes gezimit nuk na shkon.
E kupton moj mike e ngrysur,
Veç nje jete njeriu rron.

Shiko rrotull qete-qete,
Hapesiren qull te lagur.
Hena si nje korb i verdhe,
Sillet rrotull prej se largu.

Puthme, po te them, me puth!
Fundi psallmin tim ma tha.
Hen' e verdhe si kukudh,
Vdekjen time po nuhat.

Afshi im fle i venitur!
Vdekja erdh', mire se vjen!
Buz' me buze te puthitur,
Fundi im, mbase me gjen.

Neper endrra qe nuk prishen,
Pa lektisje e pa drojtje,
Nen kuroren e nje vishnje,
Te me thuash:"Jam e jotja".

Qe me shkumben e nje kupe,
Mos na ikë drit' e shtrenjte:
Me kendo o mike, puthme!
S'kemi tjeter, veç nje jete.

Sergei Esenin

02/12/2025

Kënga e natës

Që nga jastëku i butë i qëndisur,
Dëgjomë pak kur ëndërronj.
Kur loz vjolinë e zhuritur,
Fli! Tjetër gjë, mor xhan, ç’kërkon?

Kur loz vjolinë i zhuritur,
Tabori i yjeve ma bekon.
Çdo ndjenjë lart nga qielli zbritur,
Fli! Tjetër gjë, mor xhan, ç’kërkon?

Çdo ndjenjë lart nga qielli zbritur
Më ngre përpjat’ e më shpëton
Nga zhurm’ e dheut e mërzitur
Fli! Tjatër gjë, mor xhan, ç’kërkon?

Nga zhurmë e dheut e mërzitur,
Më shqit edhe më lumëron.
Më fal mëngjesin e alladitur,
Fli! Tjetër gjë, mor xhan, ç’kërkon?

Më fal mëngjesin e alladitur,
Për gjumë n’ëndërr më dëgjon.
Ah, nga jastëku i butë i qëndisur,
Fli! Tjetër gjë, mor xhan, ç’kërkon?

Johan V. Gëte

04/09/2025

Per dashurinë

Njëri do flori dhe tjetri do pushtet,
Thesare jep e grada ky dovlet.
Sa kam një kupë verë e një sorkadhe,
I lumtur jam dhe mbret përmbi çdo mbret.

Nuk blihet dashuria me flori,
Pse me pahir nuk p***a dashuri.
Gjaku me gjak, ylli me yll kur piqet,
Shkrihen dy veta më një Perëndi.

Nëpër harem sulltani mjekërosh,
Zogë më zogë hidhet si kokosh.
Vetëm një zë Hajami mban përqafe,
Po shpirtin si Sulltani s’e ka bosh.

U plaka, mikja ime, moj meshollë;
Gjunjët më lanë dhe m’u qep një kollë.
E di që nuk të ngroh, jo, diell’ i dimrit,
Po ç’t’i bëj zemrës sime si mënjollë.

U plaka, shokë: humba pasurinë.
U plaka, shokë: humba mbretërinë.
Ku ka thesar e mbret në këtë botë,
Si koha e artë, të ritë, për njerinë?

Pashë në ëndërr miken te një gurrë,
Dhe mbi lëndinë aty bëhem për burrë.
Në gjumë: s’qenkam plakur! – unë thoshnja.
Kështu njeriu të mos zgjohet kurrë.

Të ishnja mbret, e falnja mbretërinë,
Të ishnja kamës, e falnja pasurinë.
Për një çikë shëndet.
Po jam Hajami, dhe s’kam se ç’fal,
s’fal dot as diturinë.

Omar Khajam "Rubajatet e fundit"

Shqiperoi Sejfulla Maleshova (Lame Kodra)

08/08/2025

ME DUKET

Me duket,se kam rene me ty ne dashuri,
Ma thone syte qe vec ty te ndjekin!
Ma thone fjalet qe ty te peshperit,
Ma thone hapat qe drejt teje ecin!

Me duket se kam rene ne dashuri me ty,
Edhe pse e di qe nuk me do aq shume!
Ditet do t'i ndajme me dysh ne te dy,
Ti ke mengjeset ,mbremjet i kam une!

Nuk i dihet jemi ne loje apo lufte,
Une plaget i kam marre qe ne fillim!
Me te tjeret mund te perdor cdo lloj formule,
Me tenden gjithmon bej gabim!

Me duket se kam rene me ty ne dashuri,
Por me asnje qe ke njohur ti, une s'ngjaj!
Une prej teje mund edhe te mundem,
Po p***eri ditet me ty dua t'i ndaj!

Skender Rusi.

25/07/2025

Lumturia ime

Ju dua , te vegjel dhe ju te medhenj!
Sikur te me derdhen te ligjte perrenj.
U thyej dhe qafen , i coj mu ne djall, me goten perpara, me kengen me mall!

Shpesh vuaj dhe dhembet kercas domosdo,
po jeta eshte lufte dhe une jam hero.
Ndaj jam i shkujdesur, pa pare ne xhep,
as mbreti te drejtat s’mi merr e s’mi jep.

Me shtyp zgjedhe e skamjes nga viti ne vit,
por mbremjes me miqte une vitin e ndrrit.
Kur mbrrijme qellimin dhe gazi na djeg,
p***e t’i kujtojme ca ferra ne shteg?

C’te merrem me fatin, me kalin germuq?
Pa hiqmu nga syte, i poshtri thuthuq!
Kur brenga dhe gazi trokasin ne xham, u them: “Mire se vini, nje sofer e kam!

Robert Berns