Orkestra Simfonike RTSH

29/07/2026

14/07/2026

🎼✨ Mbrëmjen e djeshme, Orkestra Simfonike e RTSH-së, në bashkëpunim me solistët, Korin dhe Orkestrën Simfonike të TKOBAP, kurorëzuan me sukses interpretimin e Simfonisë Nr. 9 të Ludwig van Beethoven.

Nën drejtimin e dirigjentit Facundo Agudin, publiku përjetoi emocionet e kësaj kryevepre monumentale, e cila shënoi përmbylljen e një rrugëtimi të jashtëzakonshëm artistik.
Gjatë sezonit koncertor 2025–2026, Orkestra Simfonike e RTSH-së realizoi interpretimin e plotë të ciklit të nëntë simfonive të Beethovenit, një arritje e rëndësishme artistike dhe kulturore.

Në këtë mbrëmje të veçantë interpretuan:
✨ Eva Golemi – soprano
✨ Vikena Kamenica – mezzo-soprano
✨ Amadi Lagha – tenor
✨ Artur Vera – bariton

Një falënderim i veçantë për artistët, Korin e TKOBAP dhe dirigjentin e tij Dritan Lumshi, muzikantët, stafin organizativ dhe publikun që na shoqëroi gjatë gjithë këtij cikli unik Beethoven, duke e kthyer këtë projekt në një moment të rëndësishëm të jetës koncertore shqiptare.

📸Armand Sallabanda

13/07/2026

🎼 Dirigjenti Facundo Agudin ju fton nesër në Teatrin Kombëtar të Operas, Baletit dhe Ansamblit Popullor për një mbrëmje historike që kurorëzon ciklin e plotë të nëntë simfonive të Ludwig van Beethoven, realizuar gjatë gjithë sezonit artistik nga Orkestra Simfonike e RTSH-së.

Pas interpretimit të tetë simfonive, udhëtimi muzikor kulmon me kryeveprën monumentale të Beethovenit, Simfoninë Nr. 9, me finalen e saj të pavdekshme “Ode to Joy”.

Në bashkëpunim me TKOBAP, në skenë do të ngjiten solistët:
✨ Eva Golemi – soprano
✨ Vikena Kamenica – mezzo-soprano
✨ Amadi Lagha – tenor
✨ Artur Vera – bariton

Dirigjent Kori: Dritan Lumshi

📅 14 Korrik 2026
🕗 Ora 20:00
📍 TKOBAP

Ju mirëpresim të bëheni pjesë e këtij momenti të veçantë për jetën muzikore shqiptare.

🎟️ Biletat mund t’i tërhiqni pranë biletarisë së TKOBAP.

11/07/2026

✨Në historinë e muzikës shqiptare, emri i Aleksandër Peçit zë një vend të veçantë si një nga personalitetet që ka formësuar identitetin muzikor të Shqipërisë gjatë gjysmëshekullit të fundit.

🎶Në 75-vjetorin e lindjes së tij, Orkestra Simfonike e RTSH-së uron një krijues të jashtëzakonshëm, veprat e të cilit kanë qenë pjesë e pandarë e jetës artistike të institucionit tonë dhe e fondit më të vyer të muzikës shqiptare.

🎼Me një krijimtari të pasur që përfshin simfoni, koncerte, opera, balete, muzikë dhome, muzikë filmi dhe eksperimente novatore në muzikën bashkëkohore, Aleksandër Peçi ka dëshmuar se arti shqiptar mund të flasë me një gjuhë universale, duke ruajtur njëkohësisht rrënjët e tij kombëtare.

RTSH ka pasur privilegjin të jetë ndër dëshmitarët dhe promotorët më të rëndësishëm të kësaj krijimtarie, duke sjellë për publikun shqiptar interpretimet e shumë prej veprave të tij përmes Orkestrës Simfonike, ansambleve dhe platformave artistike të Radio Televizionit Shqiptar.

Sot, ndërsa festojmë 75-vjetorin e Maestro Aleksandër Peçit, festojmë njëkohësisht edhe një pjesë të historisë së muzikës shqiptare që vazhdon të jetojë në skenë, në arkivat e RTSH-së dhe në kujtesën e publikut.

🎂 Gëzuar ditëlindjen, Maestro!
Mirënjohje për artin, vizionin dhe trashëgiminë që i keni dhuruar kulturës shqiptare. Ju urojmë shëndet, frymëzim dhe shumë vite të tjera krijimtarie në shërbim të muzikës. 🎼🇦🇱

09/07/2026

🌍🎶 Muzika që bashkon botën.

✨️Orkestra Simfonike e RTSH-së, në bashkëpunim me TKOBAP, sjell koncertin përmbyllës të sezonit artistik 2025–2026.

Në program vjen një nga kryeveprat më monumentale të historisë së muzikës: Simfonia Nr. 9 e Ludwig van Beethoven, një himn universal për paqen, vëllazërinë njerëzore dhe shpresën, që kulmon me mesazhin e pavdekshëm të "Ode to Joy".

🎼 Dirigjent: Facundo Agudin
🎶 Dirigjent kori: Dritan Lumshi
Solistë:
• Eva Golemi – Soprano
• Vikena Kamenica – Mezzo Soprano
• Amadi Lagha – Tenor
• Artur Vera– Bariton

📅 14 Korrik 2026
🕗 Ora 20:00
📍 TKOBAP

🎟️ Biletat mund t’i gjeni pranë biletarisë së TKOBAP-së.

07/07/2026

🎼✨ BEETHOVEN TIRANA 2025–2026 ✨🎼

Më 14 korrik, me interpretimin e Simfonisë Nr. 9, Orkestra Simfonike e RTSH-së, nën drejtimin e dirigjentit Facundo Agudin, përmbyll për herë të parë në Shqipëri ciklin e plotë të nëntë simfonive të Ludwig van Beethoven.

✨️Përgjatë këtij sezoni, çdo muaj publiku shqiptar pati mundësinë të përjetojë në skenë simfonitë e kompozitorit që ndryshoi historinë e muzikës.

🎼Interpretimi i plotë i ciklit të simfonive të Beethoven-it konsiderohet një nga sfidat dhe arritjet më të rëndësishme për çdo orkestër simfonike në botë. Nga Simfonia Nr. 1 deri te Simfonia Nr. 9, OSRTSH ka dëshmuar një rritje të vazhdueshme artistike, profesionale dhe interpretative, duke u paraqitur me dinjitet të lartë muzikor dhe estetik në çdo koncert.
Ky rrugëtim ka qenë gjithashtu pasqyrë e vizionit artistik të dirigjentit Facundo Agudin, i cili gjatë këtij sezoni ka sjellë një frymë të re angazhimi profesional, ka ndërtuar projekte ambicioze dhe cikle artistike afatgjata, duke kontribuar në forcimin e identitetit dhe profilit europian të Orkestrës Simfonike të RTSH-së.

🎶 Kulmi i këtij udhëtimi vjen me Simfoninë Nr. 9 "Ode to Joy", një vepër monumentale që mbetet simbol i vëllazërisë, paqes dhe unitetit njerëzor.

📅 14 Korrik 2026
📍 TKOBAP
🕗 20:00

✨️ Orkestra Simfonike e RTSH-së në bashkëpunim me Teatrin Kombëtar të Operas, Baletit dhe Ansamblit Popullor

🎼 Dirigjent: Facundo Agudin

🎶 Dirigjent kori: Dritan Lumshi

Solistë:
• Eva Golemi – Soprano
• Vikena Kamenica – Mezzo Soprano
• Amadi Lagha – Tenor
• Artur Vera – Bariton

🙏Ju mirëpresim në mbrëmjen që kurorëzon një projekt artistik historik për jetën muzikore shqiptare.