Albanian Digital Connection

13/08/2026

"Mos shko rrotull me gojën plot me shkrime të shenjta dhe zemrën plot me urrejtje."
James Talarico

13/08/2026

12/08/2026

Kur ndjenjat e mia nuk përputhen me besimin tim.

Sa shpesh e lejojmë atë që ndiejmë të përcaktojë atë që besojmë?

Kur ndihemi të braktisur, mendojmë se Perëndia është larg.
Kur lutemi dhe nuk shohim përgjigje, mendojmë se Ai nuk po vepron.
Kur kalojmë një periudhë të vështirë, mund të mendojmë se gjithçka po shkon keq.
Por ndjenja ime nuk është gjithmonë e barabartë me realitetin.

Fjala e Perëndisë është më e sigurt se ndjenjat e mia.

Unë mund të ndihem vetëm, por Perëndia thotë se Ai nuk më lë dhe nuk më braktis.
Unë mund të mos e kuptoj atë që po ndodh, por kjo nuk do të thotë se Perëndia nuk është duke vepruar.
Unë mund të mos e shoh rrugën përpara, por Perëndia e sheh.

Besimi nuk do të thotë të mohoj atë që ndiej. Do të thotë të mos lejoj që ndjenjat e mia të kenë fjalën e fundit.

© Vasi Bora. Shkroi për Albanian Digital Connection.

11/08/2026

Lexoni lajmet me kujdes.

Mjaftojnë lajmet e javës së fundit për të vëzhguar mjaftueshëm.

Makina të shtrenjta - me siguri, ata që i kanë, kanë shumë para - e megjithatë përfundojnë në aksidente.

Personi me armë djali i dikujt.

Shoferi me makinë të shtrenjtë, djali i dikujt tjetër.

Bomba e hedhur nga disa që kanë para, dikujt tjetër që dukshëm ka një stil jetese që kërkon shumë para.

Unë nuk jam hetues. Kështu që asnjë prej këtyre ngjarjeve, nuk e kam hetuar. As e kam mundësinë t'i hetoj.

Por, vëzhgimi që kam, është, se këta njerëz kanë shumë para.

Dhe e vërteta e dukshme është se paratë nuk i mbrojnë dot nga telashet.

Madje, të krijohet përshtypja, se paratë janë rrënja e problemit.

Nga këndvështrimi biblik, lakmia për para, është rrënja e problemit.

Sepse lakmia për para, mes të tjerash, të jep dëshirën për të mos u ngopur kurrë me të mira materiale. Gjithmonë kërkon më shumë!

Përse disa nuk fitojnë mjaftueshëm sa për të jetuar mirë e pastaj të ndalojnë?

Sepse lakmia për të fituar më shumë, të shtyn të shkosh më thellë e më larg.

Përtej lakmisë për para, një problem tjetër që vëzhgoj, është mungesa e maturisë, së kulturës shqiptarë për t'u marrë me çështjen e parave.

Unë kam miq shumë të mirë në perëndim, të cilët janë milionerë. E megjithatë, fëmijët i rrisin me një përgjegjshmëri, për t'u pasur model.

Kur dëgjoj fëmijë të llastuar me shumë para, që veç krijojnë probleme vetes e familjeve të tyre, mendoj, se disa prej nesh, nuk e kemi maturinë e duhur për ta shqyrtuar paranë siç duhet.

Bëhemi të zotëruar prej parave, në vend të zotërimit të parave.

Dhe ky sistem të menduari, qoftë lakmia për para e qoftë mungesa e maturisë rreth të mirave materiale, do të vazhdojnë të sjellin pasoja të rënda, për disa që rastësisht gjenden aty, por më shumë, për familjet që kanë ndërtuar jetën e tyre mbi këtë sistem të menduari.

Le të përpiqemi të heqim dorë nga lakmia për para dhe të rritemi për të kuptuar vlerën e vërtetë të burimeve materiale.

Lakmia për para, do të largohet, vetëm kur ta zëvendësojmë me një "lakmi" tjetër, me një dashuri tjetër, më të fortë e më me vlerë, që është dashuria për Zotin. Për të vërtetën e përjetshme.

© Afrim Karoshi. Shkroi për Albanian Digital Connection.

11/08/2026

E di se Zoti është gjithmonë me mua. Nuk do të trembem.

10/08/2026

Marrëdhënia që kemi me veten është themeli mbi të cilin ndërtojmë çdo marrëdhënie tjetër.

Çdo gjë që besojmë për veten, mënyra si e shohim veten, si flasim me veten, si e vlerësojmë veten dhe sa i besojmë vetes, në një mënyrë apo tjetër, reflektohet në marrëdhëniet tona.

Nëse nuk i beson vetes, do ta kesh të vështirë t’u besosh të tjerëve.

Nëse vazhdimisht e vë në dyshim vlerën tënde, do të kërkosh tek të tjerët prova se je i vlefshëm.

Nëse nuk di të dëgjosh veten, do ta kesh të vështirë të kuptosh edhe atë që ndodh në marrëdhëniet e tua.

Nëse je vazhdimisht në konflikt me veten, edhe afërsia me të tjerët mund të bëhet e ngatërruar.

Prandaj, të punosh mbi marrëdhënien me veten nuk është të izolohesh nga të tjerët. Është të kuptosh se çfarë sjell brenda çdo marrëdhënieje.

Sepse ne nuk hyjmë në marrëdhënie bosh. Hyjmë me bindjet tona, frikërat tona, pasiguritë tona, pritshmëritë tona dhe mënyrën se si kemi mësuar ta shohim veten.

Dhe shpesh, ajo që përjetojmë me të tjerët na tregon diçka edhe për atë që po ndodh brenda nesh.

Ndoshta kjo është arsyeja pse marrëdhënia me veten duhet të jetë e para.

Jo sepse të tjerët nuk kanë rëndësi, por sepse mënyra se si lidhemi me të tjerët fillon nga mënyra se si lidhemi me veten.

Para se të kërkosh të kuptosh marrëdhënien tënde me botën, ndoshta ia vlen të ndalosh dhe të pyesësh:

Si po sillem me veten?
A i besoj vetes?
A e dëgjoj veten?
A e pranoj veten?
A e njoh veten time?

Sepse marrëdhënia me veten është filtri.

Dhe sa më i shëndetshëm të jetë ky filtër, aq më qartë mund t’i shohim edhe marrëdhëniet që kemi me të tjerët.

© Vasi Bora. Shkroi për Albanian Digital Connection.

10/08/2026

"Ç'dobi do të kishte njeriu po të fitonte mbarë botën, por të humbte e të rrënonte veten? "~ Jezusi ~
Bibla, Ungjilli i Lukës 9:25

Të ndjekësh Jezusin do të thotë të jesh një udhëheqës që eshte i përulur, që nuk e ka mendjen te pasuria, që nuk përdor forcën, që mbështet vazhdimisht të pambrojturit dhe që kurrë nuk e shfrytëzon pushtetin për përfitime personale.