MAA - Muzeu Arkeologjik Apoloni

19/08/2025

Koka e Augustit ?
Materiali Mermer
Vendgjetja Apoloni.
Përmasat: lartësia 26 cm,
gjerësia 21 cm, thellësia 15 cm.
Si sot, në 19 gusht të vitit 14 m. Kr
përkujtohet dita e vdekjes së perandorit të parë të perandorisë romake,
Oktavian Augusti.

Apolonia ka patur një lidhje të veçantë me këtë personalitet, pasi ai studioi në të mes viteve 45-44 p. Kr, së bashku me mikun e tij Marcus Agripa.
Nga koka e statujës është gjetur vetëm pjesa e përparme, është e dëmtuar te Hunda , e cila nuk ruhet plotësisht, ndoshta gjatë rrëzimit të statujës ose nga ndonjë dëmtim i qëllimshëm në antikitet.
Dëmtime ka edhe në buzën e sipërme, faqen e majtë, si dhe vetulla e majtë. Koka është e sheshtë në anën e prapme, ndoshta ka qenë e montuar në ndonjë statujë të gatshme, pasi është i njohur fakti që në antikitet trupi i statujave prodhohej në një pjesë të mirë të rasteve veçmas dhe koka bëhej më vonë me mermer më të cilësor.
Shumë arkeologë mendojnë se kemi të bëjmë me fytyrën e Oktavian Augustit, pasi kemi një ngjashmëri të dukshme me paraqitjen e tij, me shumë koka statujash në muze të ndryshëm të europës.
Daton në gjysmën e parë të Shek. I m. Kr.
Ekspozuar në MAA.

13/08/2025

13/08/2025

12/07/2025

Gaius Iulius Caesar
I njohur në shqip si Jul Cezari ( ose Jul Qesari). I lindur më 12 korrik 100 p.Kr. në Romë dhe vdiq me 15 mars te 44 p. Kr.) Ishte ushtarak dhe burre shteti i Republikës romake, u vra nga kundërshtarët e tij në politikë në sallën e Senatit, në Idet e Marsit.
Ai ka shkruajtur librin “Mbi luftën Civile” , ku përshkruan dhe pjesë të Ilirisë.
Mes tyre ai përmend edhe qytete si Apolonia, Durrësi, Bylisi ( Bulis). Emra Lumenjsh si: Aoos( Vjosa), Apsus(Semani), Genus (Shkumbin). Emra fisesh etj.
Gjatë luftës civile romake, niset në 4 janar të vitit 48 p. Kr nga Brindisi me 7 legjione ( rreth 40 mijë trupa), dhe zbarkon në Paleste ( Palasë), ngjit Akrokeraunet ( qafën e Llogarasë) zbret , dhe merr Orikumin në 6 janar të 48 p . Kr.
Në 7 janar të 48 p. Kr , merr pa rezistencë qytetin e Apolonisë, e cila do të transformohet në një bazë të sigurtë për të. Kjo do të ishte edhe fatsjellëse për qytetin e diellit.