https://www.facebook.com/105597012179752/

Dr.mussawer omarzai, 02, Jalalabad (2026)

25/08/2026

Heart
Failure

د دې ناروغۍ نوم د زړه ناکامي یا د زړه کمزورتیا

*تعریف (Definition)*
د زړه ناکامي هغه وخت رامنځته کېږي چې د زړه عضله کمه شي او ونشي کولای چې بدن ته په کافي اندازه وینه او اکسیجن پمپ کړي. په دې حالت کې زړه کار کوي، خو د بدن اړتیاوې پوره نه شي کولای.

*مثال (Example)*
*د یو مثال په توګه:* د زړه حالت د یوې اوبو پمپ (موتور) په څیر دی چې د کور ټانک ته اوبه رسوي. که د پمپ موټور کمزوری شي، اوبه د کور لوړو پوړونو ته نه رسېږي. په همدې ډول، که زړه (پمپ) کمزوری شي، بدن او مغز ته تازه وینه او اکسیجن په سمه توګه نه رسېږي، چې په پایله کې بدن سمدلاسه ستړی کېږي.

*علتونه (Causes)*
*د وینې لوړ فشار:* زړه باید د لوړ فشار پر وړاندې د وینې پمپ کولو لپاره ډېر کار وکړي، چې وروسته ستړی او کمسوری کېږي.
*د زړه حمله (Heart Attack):* د زړه د رګونو بندېدل د زړه عضلې ته زیان رسوي.
*د زړه د والو ستونزې:* که د زړه والوونه خراب شي، وینه په سمه لار نه بهېږي.
*د زړه د عضلې ناروغۍ (Cardiomyopathy):* د عضلې التهاب یا غیر معمولي لویه کېدل.
*د شکر ناروغي (Diabetes):* د اوږدې مودې لپاره د شکر لوړوالی پر رګونو او زړه منفي اغېزه کوي.

*اعراض او علایم (Symptoms & Signs):*
*د ساه لنډۍ (Shortness of Breath):* د لږ کار کولو پر مهال یا د خوب په وخت کې د ساه سختېدل.
*سختې ستړیا:* ناروغ تل د بې ځواکۍ او ستړیا احساس کوي.
*پړسوب (Swelling):* په پښو، بوندونو او ګېډه کې د اوبو راټولېدو له امله پړسوب پیدا کېږي.
*چټک یا بې نظمه زړه درز:* زړه په چټکۍ یا په نا منظم ډول تپي.
*دوامداره ټوخی:* په ځانګړي ډول د شپې لخوا ټوخی چې بلغم یا سپین فوم ولري.

*تشخیص (Diagnosis)*
*د ډاکټر معاینه:* د ناروغ د نښو او تاریخچې اورېدل.
*ایکوکارډیوګرام (Echocardiogram):* د الټراساؤنډ له لارې د زړه د فعالیت او د وینې پمپ کولو اندازې کتل.
*ای سي جي (ECG):* د زړه برقي فعالیت او نظم معاینه کول.
*د وینې معاینات:* د زړه د ځانګړو پروتینونو او د پښتورګو د کاري فعالیت معلومول.
*د سینې ایکس رې (Chest X-ray):* په سینه کې د اوبو شتون او د زړه لویوالی کتل.

*تداوي (Treatment)*
*درمل (Medicines):* د وینې فشار ټیټولو درمل، او د بدن څخه د اضافي اوبو ایستلو درمل (Diuretics).
*د ژوند طرز بدلول:* په خوراک کې د مالګې (نمک) او غوړو کمول.
*جراحي یا وسایل:* په ځینو سختو حالتونو کې د زړه د تالار تنظیمولو وسایل (Pacemakers) لګول کېږي.

*مخنیوی (Prevention)*
د وینې لوړ فشار او د شکر ناروغي په کلکه کنټرولول.
روغ او متوازن خوراک خوړل (سبزيجات او میوې زیاتول، مالګه او غوړي کمول).
د سګرټو او نورو نشه یي توکو نه کارول.
په منظم ډول سپک ورزش کول (لکه ګرځېدل).
*لیکوال : ډاکټر مصور عمرزی *

23/08/2026

🦠 H. pylori ولې بیا بیا مثبت راځي؟

ډېر کسان وايي: «د معدې میکروب مې څو ځله درملنه وکړه، خو بیا هم ټیسټ مثبت راځي!»
خو ایا رښتیا هم هر مثبت ټیسټ د دې معنا لري چې میکروب لا هم فعال دی؟ 🤔

H. pylori (Helicobacter pylori) د معدې یو مشهور بکتریا دی چې د معدې التهاب، زخم او د معدې سوځښت رامنځته کولی شي.

لومړی مهم ټکی: د تشخیص لپاره د ټیسټ ډول ډېر مهم دی. د وینې Antibody/IgG ټیسټ له درملنې وروسته هم د اوږدې مودې لپاره مثبت پاتې کېدای شي؛ نو یوازې په دې ټیسټ د فعال میکروب د پاتې کېدو پرېکړه نه کېږي.

د فعال انتان د معلومولو لپاره د درملنې له بشپړېدو وروسته عموماً Urea Breath Test یا Stool Antigen Test مناسب انتخابونه دي.

که درملنه شوې وي، د له منځه تلو د تایید ټیسټ باید د مناسب وخت وروسته ترسره شي؛ د ټیسټ له مخې د درملو او PPI وخت‌بندي هم مهمه ده، ځکه ځینې درمل کولی شي نتیجه کاذبه منفي وښيي.

⚠️ نو که H. pylori مو بیا مثبت شوی وي، سمدستي مه وایاست چې «درملنه ناکامه شوه». لومړی باید معلومه شي چې کوم ټیسټ مو کړی او په مناسب وخت کې ترسره شوی که نه.

سم تشخیص = سمه درملنه

خپل سر له ځانه انټي‌بیوتیک مه تکراروئ؛ ځکه د درملو پر وړاندې مقاومت د H. pylori د درملنې یوه مهمه ستونزه ده.

ډاکټر مصور عمرزی
د داخله ناروغیو معالج ډاکټر

#معده .mussawer omarzai@

05/08/2023

د مثانې التهاب يا
( Cystitis )
په دې ناروغۍ کې په مثانه کې درد او التهاب رامنځته کيږي چې سوى هم ورسره وي :
لاملونه يا
( Causes )
په مثانه کې د تيږي شتون ،
په مثاني د ضربي خوړل ،
د متيازو بندښت ،
سوزاک ،
د بندونو درد ،
د شکرې ناروغۍ ،
په ښځو کې د رحم التهاب ،
د بلاربښت مخه نيوونکې درمل استعمالول ،
او داسي نور ;
نښې يا
( Symptoms )
د بدن ستړيا ، د متيازو رنګ بدل وي او بد بوى کوي ، په مثانه کې سخت درد موجود وي ، تبه او کانګې موجود وي ، کله يې متيازي بنديږې او کله بيا بيا تشناب ته روان وي ، که ناروغي دوامداره شوه نو ډير او ژر ژر متيازو ته ځي او ځوه هم په کې ليدل کيږي :
لابراتوارې معاينه يا
( Lab/ Test )
په متيازو کې وينه او ځوه موجوده وي
په ايکسره او الټرساونډ کې دمثانې التهاب ترسترګو کيږي :
درملنه يا
( Treatment )
Tab Norfloxacin 400 mg 1 × 2
د 5 ورځو لپاره
Inj Ceftrixon 500 mg 1 × 1 iv
يو انجکشن په ورځ کې د 5 ورځو لپاره
Tab Ponstan 500 mg 1 × 2
Syp Citralka 2 × 3
دوه کاشوغي سهر غرمه او ماښام په يو ګيلاس اوبو کې څکل ،،،

03/08/2023

او درملنه

سکبیس د پوستکي یؤ دول ځانګړې ساري ناروغي ده چې د sarcopty scabie پرازیټ څخه رامنځ ته کېږي. دا ناروغي امکان لري چې هر شخص ته انتقال شي مګر هغه خلک ور باندې دېر اخته کېږي چې په مشترک دول یو اطاق کې ژوند کوي لکه په بندیخانو کې، عسکري قطعاتو کې، لیلو کې او داسی نور ...
هر کله چی دا میکروب یو کس ته ورسیږی نو شخص ته شدید خارښت پیدا کیږی او ټول بدن یی خارښت پیدا کوی.

نښې نښانې یې:
۱ـ کله چی دا میکروب پوستکی ته داخل شی نو شخص ته شدید خارش پیدا کیږی او دا خارش د شپی لخوا زیات وی د ورځی لخوا کم.
۲ـ په پوستکی باندی وړی وړی سری دانی را خیژی چی کله دیر وگرول شی نو وینه کوی.
۳ـ اکثره خارش د وجود په نازکو اوتنکی ځایونو کی وی هم په ښځو کی او هم په نارینه وو کی.
۴ـ په ماشومانو کی د پښو په تلو کی د لاسونو په ورغویو کی او په تناسولی برخو کی دیر لیدل کیږی.

د مخنیوي لارې یې:
۱ـ که چیری مو په کورنی کی کوم شخص ته خارش و نو کوشش وکری چی اطاق یی جدا کری او د سکبیس تداوی ورته شروع کری.

۲ـ کوشش وکری چی خپل لباسونه سرچپه اوتو کړی د ورځی یی لمر ته اچوی او د شپی لخوا یی ازادی هوا ته اچوی.

۳ـ کوشش وکری خپله کمپله، روجایی او توشک لمر ته واچوی.

۴ـ که په کور کی مو هر څومره وگړی په خارش اخته وی نو د تولو په یوه ورځ تداوی شروع کری.

درملنه یې:
اول باید د خارش ضد لاندی دواگانی توصیه شی ترڅو یی خارش ارام شی.
Tab cetrizin
Tab Lorotidin
Tab fexofenadin
. پورتنی دواگانی موقتی خارش اراموی او حقیقی تداوی یی په لاندی دول ده:
Provate -cream
۱پورتنی ملهمونه باید د هر شخص د پاره دری دانی استعمال شی.

د استعمال طریقه یې:
اول باید ځان په صابون ښه ومینځی.
یو دانه ټول ملهم له مری ښکته په تول بدن ولگوی بله شپه بل ملهم ولگوی او په دریمه شپه بل ملهم ولگوی.
دا ملهم باید دری دانی د یو شخص د پاره استفاده شی
په بله ورځ بیا دوباره خپل ځان ومینځی او پاکی جامی واغوندی.
که پورتنی طریقه په درسته توگه ونه کری شاید دا مرض تاسو سره تر دیر وخت پوری پاتی شی.
په‌یاد ولری که په کورنی کی مو نور کسان هم په دی ناروغی اخته وی باید هغوی هم یه یوه ورځ تداوی شی خصوصا" شځه او خاوند ځکه چی دا مرض له یو نه بل ته بیا انتقال کوی.
دثواب لپاره دا پوسټ درسره شير کړي مننه

09/10/2022

*⭕️ روانی ناروغی نښي !*

1 - د دائمی خواشینۍ احساس .
2 - د یو معقول سبب نه پرته دایمی ناخوښي .
3 - مکرره بی خوبي .
4 - متناوب خفګان په کمزوري کونکي ډول .
5 - خلکو په وړاندی د دایمی کرکې او بې مینې توب احساس .
6 - د ژوندی نا آرامی او په دایمی ډول د اولادونو نه زغمل .
7 - تل په غُصه او وروسته پیښمانه کیدل .
8 - بی ځایه دایمی ویره .
9 - همیشه خپل ځان په حقه او نور نا حقه ګڼل .
10 - د بی شمیره بدني دردونو او شکایتوتو احساس چې کوم سبب هم ورته نه پیدا کیږی او منفی فکرونه .

🩺 که کوم شخصی په خپل ځان کې د پورته نښو نه 5 ــ 6 نښی ولری نو په روانی نارغیړ اخته دی . چې کیدای شی( depression ) یعنی ژورخفګان او یا کیدای شی( anxiety ) یا تشویش وی .

*📢 یادونی وړ ده :* هغه کسان چې دغه نښي په ځان کي وینی نو زر تر زره د روانی ناروغیو متخصص یا د عصابو ډاکټر سره ووینی چې تر څو ددی ناروغیو مخه ونیول شي .

Address

02
Jalalabad
0000

Telephone

+93782270975

Website

facebook.com

Alerts

Be the first to know and let us send you an email when Dr.mussawer omarzai posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Dr.mussawer omarzai:

Dr.mussawer omarzai