INCAS Sharjah

14/08/2026

INCAS Sharjah INCAS Sharjah Incas Sharjah
INCAS UAE

13/08/2026

ഷാജി ജോൺ

"നേരോടെ...നിർഭയം... സുതാര്യം... സത്യസന്ധത..."

മുകളിലെ വാക്കുകൾ ഇദ്ദേഹത്തെ കുറിച്ച് ആലങ്കാരികമല്ല; മറിച്ച് കഴിഞ്ഞ വർഷങ്ങളായി ഇന്ത്യൻ അസോസിയേഷൻ മെമ്പർമാർ അനുഭവിച്ചതും, നേരിട്ടതുമായ യഥാർത്ഥ്യമാണ്.

കഴിഞ്ഞ 25 വർഷമായി ഇന്ത്യൻ അസോസിയേഷനുമായി ചേർന്ന് പ്രവർത്തിച്ച് വരുന്നു. 2014 -2016ൽ ഓഡിറ്ററായും, 2018-2020, 2020-2021 ൽ ജോ.ട്രഷററായും, 2023 മുതലുള്ള ഇപ്പോഴത്തെ കമ്മിറ്റിയിൽ ട്രഷററായും വലിയ ഭൂരിപക്ഷത്തിൽ വിജയിച്ചു.

കോവിഡ് കാലത്ത് രൂക്ഷമായ സാമ്പത്തിക പ്രതിസന്ധി നേരിട്ടപ്പോഴും, ബഹുരാഷ്ട കുത്തക കമ്പനികൾ വരെ ജീവനക്കാരെ പിരിച്ചു വിടുകയും, തസ്തികകൾ റദ്ധാക്കുകയും ചെയ്ത സാഹചര്യത്തിൽ അസോസിയേഷൻ്റേയും അനുബന്ധ സ്ഥാപനങ്ങളിലേയും ഒരു സ്റ്റാഫിനെ പോലും പിരിച്ചുവിടാതെ , ദീർഘകാല അവധിക്ക് നാട്ടിൽ പോയവർക്കും പോലും ചെറിയ അലവൻസ് നൽകി അവരെ ചേർത്ത് നിർത്താൻ ഇദ്ദേഹത്തിൻ്റെ സാമ്പത്തിക മേഖലയിലുള്ള അനുഭവ ജ്ഞാനവും പരിചയത്താലും സാധിച്ചു.കഴിഞ്ഞ രണ്ട് വർഷക്കാലം പാലിച്ച കൃത്യമായ സാമ്പത്തിക അച്ചടക്കത്തിൻ്റെ ഫലമായി, മെമ്പർമാരുടെ വാളണ്ടിയർ അലവൻസും , മറ്റ് ആനുകൂല്യങ്ങളും മുടങ്ങാതെ നൽകുവാനും, IAS / അനുബന്ധ സ്ഥാപനങ്ങളുടെ കരുതൽ ധനമായ ഫിക്സഡ് ഡിപ്പോസിറ്റ് ഉയർത്തുവാനും സാധിച്ചു എന്നുള്ളതും ഇദ്ദേഹത്തിൻ്റെ പ്രവർത്തന മികവാണ്.

സമൂഹിക, സംസ്‌കാരിക, ജീവ കാര്യണ്യ പ്രവർത്തനങ്ങളിൽ സജീവ സാനിധ്യമാണ്. NRI ഫ്രണ്ട്‌സ് ഫോറം, ഷാർജ മാർത്തോമ ഇടവകയിൽ ഓഡിറ്ററായും , യുവജനസംഖ്യം സെക്രട്ടറി, സഭയുടെ ഭദ്രാസന അസംബ്ളി മെമ്പർ മുതലായ നേത്യത്വപരമായ പദവികൾ വഹിച്ചിട്ടുണ്ട്.

ഫിനാൻസിൽ മാസ്റ്റർ ബിരുദവും, MBA ബിരുദധാരിയുമാണ്. പരമ്പരാഗത കോൺഗ്രസ് കുടുംബത്തിൽ ജനിച്ചു വളർന്ന ഷാജി ജോൺ ആലപ്പുഴ ജില്ലയിൽ മാവേലിക്കര സ്വദേശിയാണ്.
Secular Democratic Front IN
Indian Association Sharjah
Nrifriends Sharjah

13/08/2026

ആർക്കും പ്രത്യേകിച്ച് പരിചയപ്പെടുത്തി കൊടുക്കേണ്ട ആവശ്യമില്ലാത്ത വ്യക്തിത്വം… അഡ്വ. വൈ. എ. റഹീം.

1976-ൽ യു.എ.ഇയുടെ മണ്ണിലെത്തിയ അദ്ദേഹം അജ്‌മാനിൽ തന്റെ പ്രവാസ ജീവിതത്തിന് തുടക്കം കുറിച്ചു. പിന്നീട് ഷാർജയിലേക്ക് പ്രവർത്തനമേഖല മാറ്റി 16 വർഷത്തോളം ഷാർജ എയർപോർട്ടിൽ ആത്മാർത്ഥമായി സേവനമനുഷ്ഠിച്ചു. എന്നാൽ ജോലി മാത്രമായിരുന്നില്ല അദ്ദേഹത്തിന്റെ ജീവിതലക്ഷ്യം. പ്രവാസികളുടെ പ്രശ്നങ്ങളും, അവരുടെ ആവശ്യങ്ങളും, സമൂഹത്തിന്റെ വളർച്ചയും എന്നും അദ്ദേഹത്തിന്റെ മനസ്സിൽ ഉണ്ടായിരുന്നു.

“നമ്മുടെ നാട്ടിൽ നിന്ന് ആയിരക്കണക്കിന് മൈൽ അകലെ ജീവിക്കുന്ന ഓരോ ഇന്ത്യക്കാരനും ഒന്നിച്ചുകൂടാൻ ഒരു വേദി വേണം, പരസ്പരം കൈപിടിച്ചു മുന്നേറാൻ ഒരു കുടുംബം വേണം” എന്ന ദൃഢനിശ്ചയമാണ് അദ്ദേഹത്തെ സാമൂഹിക പ്രവർത്തനങ്ങളിലേക്ക് നയിച്ചത്.

ഇന്ന് നാം കാണുന്ന ഇന്ത്യൻ അസോസിയേഷൻ ഷാർജയുടെ വളർച്ചയുടെ ചരിത്രം പരിശോധിച്ചാൽ, അതിന്റെ ഓരോ ഘട്ടത്തിലും അഡ്വ. വൈ. എ. റഹീമിന്റെ ആത്മാർത്ഥമായ പ്രവർത്തനത്തിന്റെ അടയാളങ്ങൾ കാണാൻ കഴിയും. ഒരു കെട്ടിടത്തിന്റെ ചുമരുകൾ മാത്രമല്ല, അതിന്റെ വളർച്ചയുടെ ഓരോ അധ്യായത്തിലും അദ്ദേഹത്തിന്റെ വിയർപ്പും സമയവും സമർപ്പണവും പതിഞ്ഞിട്ടുണ്ട്.

സ്ഥാനമോ പ്രശസ്തിയോ തേടിയല്ല അദ്ദേഹം പ്രവർത്തിച്ചത്. ഇന്ത്യൻ അസോസിയേഷൻ ശക്തിപ്പെടണമെന്നും, പ്രവാസി സമൂഹം കൂടുതൽ ഐക്യത്തോടെ മുന്നേറണമെന്നും ആഗ്രഹിച്ചാണ് പതിറ്റാണ്ടുകളായി അദ്ദേഹം സേവനം ചെയ്തത്. അതുകൊണ്ടാണ് ഇന്ന് പല തലമുറകളിലുള്ള പ്രവാസികൾ അദ്ദേഹത്തെ ആദരവോടെ “റഹീംക്ക” എന്ന് വിളിക്കുന്നത്.

ഷാർജ ഭരണകുടുംബവുമായി അദ്ദേഹം വർഷങ്ങളായി കാത്തുസൂക്ഷിച്ച നല്ല ബന്ധങ്ങളും വിശ്വാസവും ഇന്ത്യൻ അസോസിയേഷന്റെ വളർച്ചയ്ക്കും അംഗങ്ങളുടെ നന്മയ്ക്കുമായി ഉപയോഗിക്കാൻ അദ്ദേഹം എന്നും ശ്രമിച്ചു. വ്യക്തിപരമായ നേട്ടങ്ങൾക്കല്ല, സമൂഹത്തിന്റെ പുരോഗതിക്കായിരുന്നു അദ്ദേഹത്തിന്റെ ഓരോ ഇടപെടലും.

അനുഭവസമ്പത്തും നേതൃത്വപാടവവും ആത്മാർത്ഥതയും ഒരുമിക്കുന്ന ഒരു വ്യക്തിത്വമാണ് അഡ്വ. വൈ. എ. റഹീം. ഇന്ത്യൻ അസോസിയേഷന്റെ പ്രതാപവും വിശ്വാസ്യതയും തിരിച്ചുപിടിക്കാൻ അനുഭവസമ്പന്നമായ നേതൃത്വം ഇന്ന് അനിവാര്യമാണ്.

അതുകൊണ്ടാണ് മതേതര ജനാധിപത്യ മുന്നണിയുടെ ജനറൽ സെക്രട്ടറി സ്ഥാനാർത്ഥിയായ അഡ്വ. വൈ. എ. റഹീമിന് നിങ്ങളുടെ വിലപ്പെട്ട വോട്ട് അഭ്യർത്ഥിക്കുന്നത്.

നമുക്ക് ഒരുമിച്ച് ഇന്ത്യൻ അസോസിയേഷനെ വീണ്ടും അതിന്റെ പഴയ പ്രതാപത്തിലേക്കും ജനവിശ്വാസത്തിലേക്കും സേവനമികവിലേക്കും ഉയർത്താം.

ഒരു വോട്ട്… അനുഭവത്തിന്.
ഒരു വോട്ട്… ആത്മാർത്ഥ സേവനത്തിന്.
ഒരു വോട്ട്… ഇന്ത്യൻ അസോസിയേഷന്റെ മികച്ച നാളേക്കായി.

“അനുഭവമാണ് നേതൃത്വം… സേവനമാണ് തിരിച്ചറിയൽ… ഇന്ത്യൻ അസോസിയേഷന്റെ നാളെയ്ക്കായി നമുക്ക് ഒന്നിക്കാം.”
Secular Democratic Front IN
Indian Association Sharjah

13/08/2026

എന്തുകൊണ്ട് ബാലേട്ടൻ?

നാലു പതിറ്റാണ്ടിലേറെയായി ഷാർജയിലെ ഇന്ത്യൻ സമൂഹത്തിന്റെ സാമൂഹിക, സാംസ്കാരിക, വിദ്യാഭ്യാസ മേഖലകളിൽ സജീവ സാന്നിധ്യമായി നിലകൊള്ളുന്ന വ്യക്തിത്വമാണ് കെ. ബാലകൃഷ്ണൻ — ബാലേട്ടൻ.

ഇന്ത്യൻ അസോസിയേഷൻ ഷാർജയുമായി ദീർഘകാലമായി ചേർന്ന് പ്രവർത്തിച്ച അദ്ദേഹം മാനേജിംഗ് കമ്മിറ്റി അംഗം, ട്രഷറർ, വൈസ് പ്രസിഡന്റ്, ജനറൽ സെക്രട്ടറി, പ്രസിഡന്റ് തുടങ്ങി വിവിധ ഉത്തരവാദിത്വങ്ങൾ വഹിച്ചിട്ടുണ്ട്. ഓരോ സ്ഥാനവും അധികാരമായി കാണാതെ സമൂഹത്തോടുള്ള ഉത്തരവാദിത്വമായി ഏറ്റെടുത്ത വ്യക്തിയാണ് ബാലേട്ടൻ.

ഷാർജ ഇന്ത്യൻ സ്കൂൾ, കമ്മ്യൂണിറ്റി ഹാൾ, അൽ ഇബ്തിസാമ സെന്റർ തുടങ്ങി സമൂഹത്തിന് തലമുറകളോളം പ്രയോജനം ചെയ്യുന്ന നിരവധി സംരംഭങ്ങൾക്ക് പിന്നിൽ പ്രവർത്തിച്ച അനുഭവസമ്പത്ത് അദ്ദേഹത്തിനുണ്ട്. പ്രവാസി സമൂഹത്തിന്റെ വിവിധ ആവശ്യങ്ങളിലും പ്രശ്നങ്ങളിലും ഇടപെട്ട്, സാധാരണക്കാരന്റെ ആവശ്യങ്ങൾ അധികാരികളുടെ ശ്രദ്ധയിൽപ്പെടുത്താനും പരിഹാരം കണ്ടെത്താനും മുന്നിൽ നിന്ന പ്രവർത്തന പാരമ്പര്യമാണ് ബാലേട്ടന്റേത്.

സ്ഥാനത്തിനുവേണ്ടിയല്ല, സേവനത്തിനുവേണ്ടി പ്രവർത്തിച്ച നേതാവ്.
വാക്കുകളേക്കാൾ പ്രവർത്തനത്തിലൂടെ വിശ്വാസം നേടിയ വ്യക്തിത്വം.
കാലത്തിനൊപ്പം മാറിയാലും സേവനത്തിന്റെ വഴിയിൽ മാറിനിൽക്കാത്ത നേതൃത്വം.

ഈ അനുഭവത്തിന്റെയും സേവന പാരമ്പര്യത്തിന്റെയും കരുത്തിലാണ് ഇന്ത്യൻ അസോസിയേഷൻ ഷാർജ പ്രസിഡന്റ് സ്ഥാനാർത്ഥിയായി ബാലേട്ടൻ മത്സരിക്കുന്നത്.

അഡ്വ. Y. A. റഹീം ജനറൽ സെക്രട്ടറിയായും, ഷാജി ജോൺ ട്രഷററായും നേതൃത്വം നൽകുന്ന മതേതര ജനാധിപത്യ മുന്നണിയുടെ പാനലിലെ മുഴുവൻ സ്ഥാനാർത്ഥികളെയും വിജയിപ്പിക്കണമെന്ന് വിനയപൂർവ്വം അഭ്യർത്ഥിക്കുന്നു.

അനുഭവത്തിന് ഒരു അവസരം…
സേവനത്തിന് ഒരു പിന്തുണ…
നല്ല നേതൃത്വത്തിന് ഒരു വോട്ട്.

എന്തുകൊണ്ട് ബാലേട്ടൻ?

കാരണം, വർഷങ്ങളായി അദ്ദേഹം സമൂഹത്തിനൊപ്പം നിന്നിട്ടുണ്ട്.
Indian Association Sharjah
Secular Democratic Front IN

05/08/2026

അസോസിയേഷന്റെ 45 വർഷത്തെ ചരിത്രത്തിൽ ഇതുവരെ കാണാത്ത സംഭവവികാസങ്ങളാണ് ഇന്ന് ഇവിടെ നടക്കുന്നത്.

നിലവിലെ ഭരണസമിതി തന്നെ നിശ്ചയിച്ച നിയമങ്ങൾ അനുസരിച്ചാണ് എല്ലാ സ്ഥാനാർഥികളും നാമനിർദേശ പത്രിക സമർപ്പിച്ചത്. അതേ ഭരണസമിതി നിയമിച്ച വരണാധികാരി, നിയമപ്രകാരം ചില പത്രികകൾ തള്ളുകയും ചെയ്തു. എന്നാൽ അതിൽ ഒരെണ്ണം വീണ്ടും സാധുവാക്കി മത്സരരംഗത്തേക്ക് കൊണ്ടുവന്നിരിക്കുകയാണ്.

ഇവിടെ ഉയരുന്ന ചോദ്യം വളരെ വ്യക്തമാണ്: വരണാധികാരിയുടെ തീരുമാനം ഇങ്ങനെ മാറ്റാനാകുമെങ്കിൽ, അദ്ദേഹത്തെ നിയമിച്ചതിന്റെ പ്രസക്തി എന്താണ്? നിയമങ്ങൾ എല്ലാവർക്കും ഒരുപോലെ ബാധകമല്ലെങ്കിൽ തിരഞ്ഞെടുപ്പ് പ്രക്രിയയുടെ വിശ്വാസ്യത എവിടെയാണ്?

ഇത് ഒരു വ്യക്തിക്കെതിരായ വിമർശനമല്ല. ജനാധിപത്യപരമായ തിരഞ്ഞെടുപ്പ് പ്രക്രിയയുടെ സുതാര്യതയും വിശ്വാസ്യതയും സംരക്ഷിക്കാനുള്ള ചോദ്യമാണ്. നിയമങ്ങൾ സാഹചര്യത്തിനനുസരിച്ച് മാറ്റിമറിക്കപ്പെടുന്നുവെങ്കിൽ, അത് ജനാധിപത്യ സംവിധാനത്തോടുള്ള വിശ്വാസത്തെ തന്നെ തകർക്കും.

45 വർഷത്തെ അസോസിയേഷന്റെ ചരിത്രത്തിൽ എത്രയോ ഭരണ സമതികൾ ഇവിടെ ഉണ്ടായിരുന്നു, എന്നാൽ ആദ്യമായാണ് ഇത്തരം സംഭവങ്ങൾ ആവർത്തിക്കുന്നത്... നാളെകളിൽ ഈ അസോസിയേഷൻ്റെ ഗതി എന്തായി മാറും... നമ്മൾ ഏത് കാലഘട്ടത്തിലാണ് ജീവിക്കുന്നത്? നിയമമാണോ വലുതോ, അതോ അധികാരമോ? എല്ലാ അംഗങ്ങളും ആത്മാർത്ഥമായി ചിന്തിക്കേണ്ട സമയമാണിത്...🙏
"Think and cast your vote..."
Indian Association Sharjah

30/07/2026

സപ്‌തംബർ 6ന് നടക്കുന്ന ഷാർജ ഇന്ത്യൻ അസോസിയേഷൻ തെരെഞ്ഞെടുപ്പിൽ മത്സരിക്കുന്ന ഇൻകാസ് നേതൃത്വം നൽകുന്ന മതേതര ജനാധിപത്യ മുന്നണി സ്ഥാനാർത്ഥികളെ വിജയിപ്പിക്കുക
Indian Association Sharjah

24/07/2026

Ias Shj

14/05/2026

ഷാർജ ഇന്ത്യൻ അസോസിയേഷൻ 2026-28 വർഷത്തെ മാനേജിംഗ് കമ്മിറ്റിയിലേക്ക് നടക്കുന്ന തെരഞ്ഞെടുപ്പിൽ
മത്സരിക്കുന്ന ഇൻകാസ് നേതൃത്വം നൽകുന്ന മതേതര ജനാധിപത്യ മുന്നണിയുടെ മുഴുവൻ സ്ഥാനാർത്ഥികളെയും വിജയിപ്പിക്കുക
INCAS Sharjah INCAS Sharjah Incas Sharjah
Sharjah Indian Association

30/04/2026

അനന്തമായ ജീവിത യാത്രയിൽ സ്വാർത്ഥതയുടെ മകുടവും ചൂടി കിതച്ച് ഓടുകയാണ് ഓരോ മനുഷ്യനും. സ്വകാര്യമായ ലാഭം മാത്രമാണ് ലക്ഷ്യം. ചിലർ ഓട്ടത്തിൽ വിജയിക്കും. ചിലർ പാതി വഴിയിൽ വീണുപോകും. പ്രവാസത്തിലും അങ്ങനെ തന്നെയാണ്.

എന്നാൽ അധികാര സ്ഥാനവും ചുമതലകളും മനുഷ്യനെ അഹങ്കാരിയാക്കി മാറ്റാറുണ്ട്. എന്നാൽ അതിൽ നിന്ന് വ്യത്യസ്തനായി സഹജീവിയുടെ ദുഃഖത്തിൽ വേദനിക്കുകയും അധികാര ഗർവ്വില്ലാതെ പരിധികൾക്കുള്ളിൽ നിന്നുകൊണ്ട് സഹജാതരെ സഹായിക്കുകയും അഴിമതിക്കും കെടുകാര്യസ്ഥതയ്ക്കും എതിരായി ശക്തമായ നിലപാട് സ്വീകരിക്കുകയും ചെയ്ത സിംപിളായ ഒരു വ്യക്തിത്വം കഴിഞ്ഞ ഇന്ത്യൻ അസോസിയേഷൻ ഷാർജയുടെ ഭരണസമിതിയിലുണ്ടായിരുന്നു.

അത് മറ്റാരുമല്ല... നമ്മുടെ ട്രഷറർ ഷാജി ജോണായിരുന്നു.
നിസ്വാർത്ഥവും സത്യസന്ധതയോടെയും അസോസിയേഷന്റെ സാമ്പത്തിക കാര്യനിർവ്വഹണം കുറ്റമറ്റതരത്തിൽ നടപ്പാക്കിയ ഷാജി ജോൺ ഏവർക്കും മാതൃകയാണ്. ഒരു സംശയവും ഇല്ലാതെ നമുക്ക് ഷാജിയെ സപ്പോർട്ട് ചെയ്യാം.
INCAS Sharjah Indian Association Sharjah
Indian Association Sharjah IAS Indian Association Sharjah Community Hall Incas Sharjah INCAS Sharjah

21/12/2025