Ulimi Lwakithi Kuphela

28/02/2023

Ukuqakatheka kolimi lwakho kuyimvelo yakho.
Ulimi lwakho lukwenza kube lula ukwazi imvela yakho njalo lokuqedisisa izinto zomhlaba.

Nxa ubiza izinto ngamabizo azo ngolimi lwakini kuba lula ukuthi ubekwazi isizatho sokubizwa ngalelo bizo (isibonelo1 uMvulo kusuka kube kuvulwani ngoMvulo.) (isibonelo 2 uZibandlela uziba indlela eyaphi njalo eyami futhi eyangaphi)

Ulimi lwakho luyilokho okunguwe okungaphakathi kwakho owakumunya kumzali wakho.

30/09/2022

Ngombono wami omfitshane, ngicabanga ukuthi kube izinto loba inkinga esihlangabezana lazo empilweni zethu singabantu abansundu singazifinyelela ngolimi lwethu sizajula kakhulu siphume lezimpendulo.

Kukhona ezinye izinto othi ungazifaka kolunye ulimi ikakhulu olwabondlebe zkhany’langa uzathola ukuthi zibanxele loba kazikho vele kithi.
Kukhona engisayehluleka lokukuqedisisa lanamhlanje kumbe ngoba ngifuna ukukuqedisisa loba ngikufundiswe ngesilungu, okufana lalokhu, (amadlozi, ancestors, prophets, inyanga, izanuse, izangoma,church,insonto,isabatha ) nxa ekhona ongangifundisa ngesakithi lami ngibe lolwazi olupheleleyo.

23/09/2022

Okhokho bethu babengazona izithutha, ukuhlakanipha lolwazi lwabo lwalungolwemvelo.
Konke ababekwenza kwakungabhidlizi imvelo kodwa kwakusihlanganisa lemvelo.
Indlela ababelapha ngayo izifo yayingela mvuselelo yezinye izifo ngokuhamba kwesikhathi.
Ngikhumbula nxa sasivakatshela kwezinye izigaba sasifika bethathe umhlabathi wa leyo ndawo emahlanganweni endlela siphuziswe ukuze singabanjwa yizifo ezithile.
Sasithi nxa sihamba egangeni sifundiswe ukuphulula amahlamvu ezihlahla ezithile sihlafune loba kungekho kugula okuthile, namhlanje abantwana asisabafundisi konke lokho bayakutshela nge panado labo disprin.
Asibafundiseni ngokwasikhulisayo abantwana bethu.

Send a message to learn more

20/09/2022

Loba bungababude kangakanani ubunyama , ikuseni izovela kuphela

16/09/2022

Amanye amazwe ayaziqhenya ngolimi lwabo, kuthi lalapho besenza izivumelwano kwezezimali lomnotho bama ngolimi lwabo.
Thina namhlanje isindebele esiqondileyo kasisasazi ukusikhuluma lakhona ukusibhala esiqondileyo.
Uba lesibindi nxa ukhuluma ngolwakho ulimi ngoba lusuka enkabeni yakho.

10/09/2022

10/09/2022

Bangaki abantu abansudu abangaxoxa kudlule imizuzo emihlanu ngolimi lwakibo bengafakanga isikhiwa phakathi.