Muurpapier

24/05/2026

Ek het een Maandagmiddag 'n koffie-afspraak gehad om na 'n vriend te luister. Dié vriend kén trauma, rou tot op die been, en het feitlik sy hele lewe lank gesukkel. Die gesprek was nagenoeg drie uur lank, en al kon ek nie al sy probleme dadelik oplos nie, kon ek luister. Ek is boonop 'n introvert en om so lank te sit en luister, het my 'n bietjie uitgeput.

Na die gesprek noem ek aan 'n ander goeie vriend dat my Maandag besonder lank gevoel het, juis omdat ek deur die loop van die dag so baie na mense moes luister en hulle bystaan. Dit was nie lank nie of my vriend het ons gesprek vinnig kortgeknip en my 'n rustige nag toegewens. Die volgende dag breek hy die nuus dat sy Maandag besonder swaar was, omdat hulle 'n familielid van die dood moes afstaan en hy my nie dadelik wou vertel nie.

In 'n wêreld wat vinnig beweeg en elke dag nuwe uitdagings bring, kan dit maklik voel asof ons nie genoeg tyd of energie het om regtig na ander te luister nie. Elke mens dra 'n storie met 'n bietjie hartseer, vreugde of hoop wat soms net wag vir iemand om daarna te luister. Om te luister kan iemand se dag, of selfs lewe, verander. Dit is 'n daad van liefde en diensbaarheid wat geen geld kos nie, maar onmeetlike waarde het.

Ek het opnuut weer besef dat die vermoë om na ander te luister 'n gawe is en dat ons dié gawe nie moet onderskat nie. Wees oop om te luister, want eendag gaan jy ook iemand se ore nodig hê wanneer dinge te veel raak – selfs al maak dit hulle moeg.

Hilde Kruger
Solidariteit Helpende Hand
Lees jou briewe hier: http://bit.ly/3JMx8J5

23/05/2026

Die Stigter verjaar op 25 Mei.
Hou hierdie spasie dop.
Iets is op pad.
☕
Geniet jou Saterdag!

©Ineffable Digitale Ontwerp 2026

18/05/2026

As kind het dit vir my gelyk asof grootmense alles agtermekaar het. Daar was altyd geld in hul beursies, hulle kon ook na enige plek bestuur, mag by die grootmenstafel aansit en het altyd geweet wat om volgende te doen. Dit was 'n ander soort vryheid. Ek het ged**k daar kom ’n dag waar jy wakker word en skielik net weet hoe die lewe werk. Geen kommas, dubbelpunte of trane nie. Net ’n punt waar alles skielik sin maak. Skielik weet jy alles.

Deur my ervarings het ek vinnig besef dat niemand eintlik alles weet nie en dat kinders baie meer weet en vry is as wat ons d**k. Die wêreld bly ons speelgrond, dis net 'n bietjie meer afgerond met die doelwitte wat ons moet uitklim. Klimrame. Amper soos 'n swaai wat jou vorentoe en agtertoe neem of die op-en-af van 'n wipplank ... so werk die lewe seker maar ook. Later leer die lewe ons dat geluk baie keer in die klein dinge leef, soos die stil oomblikke, ’n goeie koppie koffie en ’n mens wat vra of jy okei is.

Eintlik verkies ek die kindertafel. Ek verkies die nuuskierige oopvrae wat nooit by 'n finale antwoord uitkom nie en ja, ek verkies dit om met 'n sorgvrye verbeelding rond te hardloop. Oor 'n week word ek nog 'n jaar ouer, mag ek eendag weer die vryheid van kindwees ervaar en aan die belangrike gesprekke by elke kindertafel deelneem.

Geniet jou Maandag!
-Die Stigter

©Ineffable Digitale Ontwerp 2026

15/05/2026

As alles “uniek” klink, is niks meer uniek nie.

14/05/2026

"En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is." Johannes 14:3

Geseënde Hemelvaartsdag!

©Ineffable Digitale Ontwerp 2026

12/05/2026

In Meimaand maak ek my deur effens oop en deel ’n bietjie meer oor wie ek is en wat my dryf. Ek is selfondersoekend en introspektief. Ek skakel moeilik af, want my hart en verstand probeer altyd sin maak van mense, emosies en die lewe se dinge. Ek probeer sagtheid én diepte saam met my te dra. Ek sien die klein dinge raak, voel dinge intens en vind betekenis in oomblikke wat ander dalk miskyk.

Hier is 10 lewenslesse wat ek deur die jare geleer het:

1. Jy kan vir iemand lief wees en steeds wegstap.
2. Jy hoef nie elke uitnodiging te aanvaar nie.
3. Jou intuïsie is gewoonlik reg.
4. Niemand d**k so baie aan jou foute soos jy nie.
5. Jou kinderdae beïnvloed jou meer as wat jy d**k.
6. Jy hoef nie op alles te reageer nie.
7. Dankbaarheid verander perspektief.
8. Jy mag oor begin.
9. Niemand kan jou lewe vir jou leef nie.
10. God het nog nooit beheer verloor nie.

Dis 10 lewenslesse wat ek saam met my dra.
Wat 'n interessante lewensreis is dit nie.

Geniet jou Dinsdag.
-Die Stigter

©Ineffable Digitale Ontwerp 2026

10/05/2026

Die Bybel sê dat 'n vrou wat die Here dien, geprys moet word … As ek na Ma se lewe so staan en kyk, verstaan ek wat dié vers vir ons sê. Ma het nie net vir my geleer hoe om te leef nie, maar ook om te glo en al my vertroue in Hom te plaas. Ma het nie net vir my geleer om nie net te praat nie, maar om Geesbewus te wees en aan te hou bid. Al het ek dit nie altyd besef nie, het daardie geloof 'n vaste fondament in my lewe geword. Dis die liefde van 'n Ma.

Dankie, Ma.

Dankie dat Ma my altyd terug na God toe gewys het, want volgens Ma weet Ma nie alles nie, maar God weet wél. Ma se lewe is 'n getuienis wat my geleer het wanneer 'n mens val, sal die Here jou altyd vang en dra.

Mag die Here Ma in oorvloed seën vir elke traan wat Ma stil agter toe deure gehuil het, vir elke skietgebed wat Ma moes fluister en vir elke keer wat Ma eerste aan ander ged**k het.

Ma is vir my meer as net 'n moeder.
Ma is 'n geskenk wat deur God gestuur is en 'n bewys van sy liefde.

Gelukkige Moedersdag.

Vriendelike groete
Hilde Kruger
Solidariteit Helpende Hand
Lees jou briewe hier: http://bit.ly/3JMx8J5

10/05/2026

Gelukkige Moedersdag!

Liewe Ma, skoonma, ouma en peetma

Vandag d**k ons met soveel dankbaarheid aan julle elkeen.
Dankie vir die onvoorwaardelike liefde wat nooit ophou nie.
Julle is ons veilige plek, ons krag en ons grootste seën.

"Soos iemand se moeder hom troos, so sal Ek self julle troos..." - Jesaja 66:13

Gelukkige Moedersdag!
©Ineffable Digitale Ontwerp 2026

09/05/2026

Swart soos die see.