Imibongo by miyolo

Imibongo by miyolo Imibongo and stories only

24/12/2025

AKASEKHO

Ebeke wandibiza andasabela
Ukhe Wanamaker uthetha nam andaphulaphula
Ukhe wacela ithuba lokuba ndimamele akwabanjalo
Uzamile uphalaza imbilini andaphulaphula

Badibene ngentloko kugxekwa isigqibo sakhe
Akekho onolwazi ngentlungu yakhe
Libanekile lagqekreza kwamnyama ekhayeni
Wonzakele wasikeka emphefumlweni
Khange akwazi ukuqina uye walibhetyebhetye wavuma

Intlungu nenxwaleko zobomi zimoyisile
Khange abenasfungo wenze okuphambi kwakhe
Ingqondo ayikwazanga ukuzikisa ukucinga
Awakhe amathemba ebesele ewaphose kulebhokisi akuyo

Ningamehluleli naye ngumntu njengani
Yekani ukubeka ityala kuye Kuba ebedinga umncedi naye
Umntu ngumntu ngabantu kodwa nina nenze njani?
Naye uphalele kulomhlaba wophalalo ke myekeni
Myekeni hleze uphumle kulentlungu ibimdla
Mkhululeni aphumle naye uzamile ukuphile
Lendlela akekho onolwazi lwayo inene
Nathi sobizwa ngokubizwa inene

A.M.Mphumo

05/12/2025

Bhotani Bantu bam

zonibhalela poem soon

11/12/2024

My WhatsApp number 073/029/7556

05/12/2024

NDINCEDE NDIBAMBE

Ndibambe ungandiyeki hleze afezeke lamaphupho
Ndibambe undithwalise umnthwalo hleze kulunge
Ndibambe ndiqinise ungandiyeki
Hleze ledyokhwe ingandisindi
Ndibambe unyanisekile hleze kulunge nak*m

Bamba nasi isandla sam hleze uyibone imisebenzi yam
Bamba nasi isandla sam hleze iziphumo zikuchwayitise
Bamba nasi isandla sam hleze
Ubulumko bakho abunangqiqo
Bamba nasi isandla sam hleze unqwale ngenxa yokunyamezela kwam

Ndiyavuma kudala ndibhala
Kodwa ilifu elimnyama lihlasele
Ndiyavuma usiba lwam kudala
Liphalaza imbilini nam ndinovelo
Kodwa ndiyathemba kuzohlangana

UMama uthi ndikhethe umsebenzi wongantweni
UMama uthi lemibongo yakho izokusa phi?
UMama uthi mandixoze mphini wumbi
Kodwa mna ndithi ndisazobhala
Usiba lwam londithwala kwinxa zonke

Somagama osiba lwam ✍️❤️

20/10/2024

NDINETYALA

Ndonile ngokuthanda abantu abangandithandiyo
Ndonile ngokukhathalela abantu
Abantliziyo zingcolileyo
Ndonile ngokubopha amanxeba abantu
kodwa awam ayavuza ngaphandle
Ndonile ngokusula inyembezi zabantu
Zabe ezam zisenza umthombo

Ndinetyala lokuba nentliziyo elungileyo
Ndinetyala lokubeka abantu kuqala ndilibale ngam
Ndinetyala lokuthobeka ebantwini ndingafanele
Ndinetyala lokuzehlisa ebantwini

Bandingcikivile bezehlela benyuka k*m
Bandithukile bandibiza ngamagama abambisa ongezantsi
Inene ndiyavuma ngokulunga kwam ndingumoni
Lona ityala ndinalo kwaye lenziwe yintliziyo yam
Ndinguye umoni phambi kwenu

Bakhona abazokhumbula ubukho bam empilweni zabo
Bakhona abayobona mhla libatshonela ilanga ukuba balahlekelwe ndim
Bakhona abazokhala inyembezi Koko zobe ndingenako ukuzisula
Bakhona abazocela intethelelo kodwa yobe ityumkile eyam intliziyo

Ndizele inzodo namhlanje ngenxa yenu
Bendingumntu ebantwini koko nandikhohlakalela
Bendiyikanyezi ndikhanyisa ezinzulwini
Kodwa lakuphuma ilanga benilibala ngam
Bendingumalusi kuni kodwa kuthe kwakulahleka imvu nalibala ngam
Inene ndizenzile ngalentliziyo
Akwabe bendisazi kuzoba nje
Inene ngendingazange ndibe nje

A.Mphumo

Address

Port St Johns

Website

Alerts

Be the first to know and let us send you an email when Imibongo by miyolo posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Imibongo by miyolo:

Shortcuts

Share

Category