13/06/2026
Daar kom ’n tyd in ’n man se lewe wanneer hy in die spieël moet kyk en die volle waarheid moet praat—nie oor hoe ander hom te na gekom het nie, maar oor hoe hý gefaal het. Ons as mans het ’n manier om die hand wat ons voer, seer te maak, en eers te huil as die bord leeg is.
Te veel van ons is nie man genoeg om reguit te wees nie. Wanneer die liefde koud word, of wanneer ons eie dinge ons kop deurmekaar krap, het ons nie die courage om te sê: "Ek loop" nie. In plaas daarvan maak ons haar lewe onhoudbaar. Ons raak koud, ons raak moeilik, en ons druk haar doelbewus tot op die punt waar sý moet wegstap—net sodat ons nie soos die wrongdoer hoef te voel nie. Ons laat háár die skuld dra vir ons eie swakheid.
Ons mors ’n goeie vrou se kosbare tyd deur haar op die bench te los. Ons hou haar as ’n opsie, ’n veilige hawe, terwyl ons oë nog rondkyk vir iets "beter."
Maar die lewe skuld niemand niks nie. Daar kom ’n dag wat jy haar verloor. Jy d**k miskien jy gaan iets beters vind, maar die oomblik as jy besef sy is vir altyd weg, slaan die spyt jou soos ’n vuishou in die maag. Al die pyn wat jy haar gekos het, al die nagte wat sy weens jou gehuil het, en al die jare wat jy van haar gesteel het—daardie hele gewig val op jou eie skouers. Die seerste pyn is wanneer jy jou oë oopmaak en besef wat jy gehad het, eers wanneer sy aan iemand anders behoort. Sý blom, maar in iemand anders se tuin.
[© Alan Lyle Voges ]
Broers, luister vir my vandag: jy gaan nooit iets beters vind as wat jy nou het nie. Die "beste" vrou gaan nie oor hoe sy gebou is, hoe sy lyk, of hoe sy jou ego streel nie. Die beste vrou is die een wat opofferings gemaak het. Die een met die tipe liefde wat haarself tweede gestel het, net sodat dit vir jou maklik kon wees om gelukkig te wees.
Moenie wag tot die prys van spyt te hoog raak nie. Waardeer die hand wat jou vashou terwyl sy nog daar is. Want die waarheid is, as jy haar eers verloor het, besef jy te laat dat jy jou eie seëning weggeskop het want jy sal nie weer 'n vrou soos Sy kry nie. 🤞
Alan Lyle Voges
Gaan luister my storie liedjie op YouTube as jy so verhaal ken.
#
