حاجة قطايف (2026)

11/05/2026

نعت نقابة المهن التمثيلية ببالغ الحزن والأسى وفاة الفنان القدير/ عبد الرحمن أبو زهرة.

وتقدمت نقابة المهن التمثيلية، برئاسة الدكتور أشرف زكي وأعضاء مجلس الإدارة، بخالص التعازي إلى أسرة الفنان الكبير ومحبيه، داعين المولى عز وجل أن يتغمد الفقيد بواسع رحمته، وأن يُلهم أهله وذويه الصبر والسلوان.

رحل جسدٌ أثرى الفن العربي بأعمال خالدة، وسيبقى اسمه حاضرًا في وجدان جمهوره وتاريخ الفن المصري والعربي.

وإنا لله وإنا إليه راجعون.

11/05/2026

نقفل التريند على كده 😅

10/05/2026

صورة يمكنك سماعها 💓

تقاطيعك محفورة جوّة قلبي 😏❤️
يخربيت اللي يزعلك 😂😂

تخاريف : ١٩٨٧

10/05/2026

ها وبعدين 😅

09/05/2026

امين امين امين يارب العالمين ❤️

09/05/2026

النجمة سكارليت جوهانسون بتواجه حملة انتقادات كبيرة بسبب كلام انتشر على السوشيال ميديا،
و انها بتقول إنها شايفة إن المواضيع الخاصة بـ LGBTQ+ “مش مكانها كارتون الأطفال”.
و فى بداية مايو 2026، بوستات ومقاطع كتير بدأت تنتشر بسرعة جدًا على الإنترنت، وناس قالت إن سكارليت قالت إن: “الكارتون الخاص بالأطفال المفروض يفضل بعيد عن موضوعات الهوية الجنسية والميول الجنسية.”
الكلام ده خلى الدنيا تتقلب على السوشيال ميديا، وناس بدأت تهاجمها بعنف، خصوصًا من مجتمع LGBTQ+
و بالرغم من حملات هجوم عليها على X وTikTok لكن فى ناس دافعت عنها جدًا، وقالوا:
إن الأهالى من حقهم يحددوا إيه المناسب لأولادهم.
وإن بعض الموضوعات معقدة على الأطفال الصغيرين
إنتوا رأيكم ايه ؟؟
#بقلمي

09/05/2026

النجمة سلمى حايك وهى طفلة صغيرة، ابوها كان مربيها على إن : "حياة أى حيوان، مهما كان صغير، تستحق الرعاية والرحمة".
و الكلام ده فضل جواها وكبر معاها لحد ما بقى جزء من شخصيتها و حبها للحيوانات كل ما تكبر يبقى أعمق وهى بنفسها قالت مرة:
“قبل ما أخلف بنتى، الحيوانات كانوا حياتى كلها….”
وقالت كمان:
“عندى فى المزرعة… خيول،و كلاب، وقطط،و فراخ، و بط، و ببغاوات، و سمك ”
بيت سلمى حايك يعتبر ملجأ حقيقى للحيوانات .
و عايش فيه أكتر من 30 حيوان تم إنقاذهم من الشارع أو من ظروف صعبة.
و من ضمنهم بومة اسمها “Kering”، كانت تعبانة وضعيفة جدًا، وسلمى اهتمت بيها لحد ما رجعت صحتها وقوتها تانى، والغريب إن البومة دى ساعات كانت تنام معاها فى السرير كمان.
وفيه كلاب وقطط لقوا أخيرًا بيت آمن بعد ما كانوا مشردين، وفيه خيول اتوفرت لهم مساحة يعيشوا فيها ،
وفيه عصافير وأرانب بقوا جزء من العيلة.
ولكل واحد فيهم اسم، وحكاية، ومكان حقيقى فى قلب سلمى وحياتها.
و فى مرة سلمى كانت مع صاحبتها صوفيا لما لقوا كلبتين فى الشارع من غير بيت.
وسلمى وصاحبتها أخدوهم، نظفوهم، واهتموا بيهم، وودوهم للدكتور البيطرى، وبعدها اكتشفوا إن واة منهم حامل و سلمى اعتنت بيها طول فترة الولادة، وشافت بنفسها عشر جراوى بيتولدوا.
ووصفِتهم وقتها إنهم “هدايا” أو “مكافآت” غير متوقعة.
وبكل حب ومسؤولية، بدأت تشجع الناس على تبنى الكلاب الصغيرة بدل الشراء ...

08/05/2026

مسلسل زينة اتصور كله في نيوزيلندا، واتعرض لأول مرة من سنة 1995 لحد 2001 .. المسلسل من تأليف وإخراج وإنتاج روبرت تابرت، و بيحكي عن زينة وهي محــ. اربة قوية كانت زمان شريرة وبتــ. أذي الأبرياء، لكن بعدين قررت تسيب الشر وتحاول تكفّر عن ذنوبها، وبدأت تدافع عن الناس باستخدام مهاراتها القتالية الجامدة جدًا.

و معاها صاحبتها غابرييل (مثّلتها رينيه أكونور)، بنت فلاحة بسيطة في الأول، لكن مع الوقت بقت واحدة من محاربات الأمازون وصديقة زينة وشريكتها في كل حاجة. غابرييل كانت دايمًا التوازن اللي بيخلي زينة تفكر قبل ما تضرب، وكانت بتساعدها تفتكر الخير اللي جواها.

المسلسل ده جاي من مسلسل تاني اسمه "هيركليس و زينة ظهرت لأول مرة في تلات حلقات من المسلسل ده، وكان المفروض تموت في الحلقة التالتة، بس الجمهور حبها جدًا، فقرروا يعملوا لها مسلسل خاص بيها. ومن هنا بدأ "زينة: المحاربة الأميرة".

المسلسل اتعرض في أكتر من 108 دولة! ومن كتر شعبيته، كان دايمًا في ترتيب أعلى من مسلسل هيركليس الأصلي. وفي الموسم التاني، بقى أكتر مسلسل درامي مشاهدة في أمريكا ضمن المسلسلات المتوزعة (اللي بتتوزع على قنوات مختلفة مش قناة واحدة). المسلسل فضل ناجح لحد ما انتهى بعد 6 مواسم في صيف سنة 2001.

و جمهور زينة لسه موجود ومتحمس، وفي حملات كتير أونلاين بيطالبوا بعودة المسلسل بفيلم أو نسخة جديدة. لوسي لوليس بنفسها قالت إنها مهتمة ترجع، لكن الموضوع فيه مشاكل قانونية، ولسه مفيش قرار نهائي.

07/05/2026

ساندرا بولوك اتولدت لأم و أب مش شبه بعض و تحسهم عالمين مختلفين تمامًا:
الأب صارم جدًا متأثر بالحياة العسكرية والانضباط الشديد، والأم ألمانية حساسة وعاشقة للموسيقى لدرجة إنها كانت عايشة للفن وبس.
ومن وهى صغيرة، حياتها كانت عبارة عن سفر وتنقل مستمر بين بلاد وثقافات ولغات مختلفة، وكل شوية تضطر تبدأ من أول وجديد فى مكان جديد.
الطفولة دي، اللى كانت بين الكواليس والتنقلات، علمتها إن الإحساس بالانتماء أوقات بنضطر نخلقه لنفسنا .
و فى كل مكان جديد كانت تروحه، ساندرا كانت تتعلم تراقب الناس، تسمع أكتر، وتحاول تتأقلم مع الجو الجديد.
لكن فى نفس الوقت اكتشفت إن أفضل طريقة تقدر تعيش بيها وسط كل التغييرات دي هى “الضحك”.
لما كانت تحس إنها مش عارفة تندمج مع الناس، كانت تتحول لبنت خفيفة الدم .
ولما اختلافها عن اللى حواليها يخليها متوترة أو غريبة، كانت تستخدم الضحكة و الروح المرحة درع يحميها.
الضحك بالنسبة لها كان وسيلتها إنها تحول الإحراج لخفة، والخوف لألفة، والوحدة لإحساس بالونس.
ومع الوقت، الفكاهة دي بقت القوة اللى بتساعدها تستحمل وتتجاوز أي تغيير أو أزمة.. و عشان كده شخصيتها اتشكلت بطريقة مميزة جدًا و بقت شخصية تعرف تتأقلم مع أي ظرف، وتضحك على نفسها بدل ما تستسلم.
والروح دي ماوقفتش عند حياتها الشخصية بس، لكن ظهرت كمان فى شغلها قدام العالم كله.
و سنة 2010 أخدت جائزة Golden Raspberry Awards لأسوأ ممثلة عن فيلم All About Steve.
وأي نجم مكانها كان ممكن يستخبى أو يزعل…
لكن ساندرا راحت الحفل بنفسها، ومعاها كراتين DVD للفيلم، وفضلت توزعها على الجمهور وهي بتهزر وتقولهم:
“مينفعش تحكموا على الفيلم من غير ما تتفرجوا عليه كامل!”
والمفاجأة؟
تاني يوم مباشرة كسبت الأوسكار عن فيلم The Blind Side.
التناقض الغريب ده إنها تبقى “أسوأ ممثلة” و”أفضل ممثلة” فى أقل من 24 ساعة بقى رمز لشخصيتها الحقيقية، وإنها شخص بيعرف ياخد الحياة بخفة دم وثقة بالنفس.
وعلشان كده، ورا النجمة الكبيرة المحبوبة والحاصلة على الجوائز، فيه ست تعلمت تواجه عدم الاستقرار والقلق بابتسامة.

07/05/2026

علاقة الصداقة بين ملك البوب مايكل جاكسون و ديف ديف كانت عاملة زى ما تكون طوق نجاة غيّر حياته بالكامل.
مايكل عرف ديف فى الوقت اللى كان محتاج فيه حد ينقذه نفسيًا و جسديا و الولد وقتها جسمه كان متشوه ونفسيته متحطمه بشكل صعب أي حد يتخيله.
ولقاؤهم ماكنش صدفة عادية، بالعكس… ده كان كأنه حضن كبير رجّعه للحياة من تاني، وخلاه يحس إن الحنان ممكن يصلّح كل اللى اتدمر.
مايكل ساعد ديف فى العلاج والعمليات، وكمان دخله عالم الفن والإبداع، وخلاه يحس إنه إنسان طبيعي وموهوب، مش شخص الناس بتشفق عليه بسبب شكله أو إصاباته.
و بالنسبة لديف، الصداقة دي كانت الفرق بين إنه يفضل غرقان فى الألم طول عمره… أو يعيد اكتشاف نفسه من جديد بالفن والحياة.
لكن علشان نفهم قد إيه العلاقة دي كانت قوية، لازم نرجع للبداية المأساوية لحياة ديف.
ديف اتولد سنة 1976، ولما كان عنده 7 سنين بس، أبوه ارتكب جريمة بشعة وصعبة .
حط ابنه ينام، ومدده و.ولّــ.ع فيه !
والأب وقتها هرب بعيد و سابه و كان بيتفرج عليه من كشك التليفون وهو بيصرخ
و ديف عاش… لكنه خرج من الحادث بحروق فى حوالي 90٪ من جسمه.
و فقد صوابع من إيده، واضطر يعمل أكتر من 100 عملية ترقيع جلد و طفولته كلها اتحولت لسلسلة مستشفيات وعمليات وألم نفسي وتشوهات وفى وسط الجحيم ده، ظهر مايكل ومن هنا بدأت صداقة غيّرت مصير الاتنين.
وديف نفسه حكى بعد وفاة مايكل فى لقاء وقال:
“انا عمري ما كنت متعصب ليه، لكن كنت بحب موسيقاه جدًا. وفى يوم مامتي فاجئتني وخدتني نيفرلاند. و دخلت أوضة ألعاب وكان فيها أسطوانات كتير لبول مكارتني، وكنت بلعب لعبة بحبها جدًا اسمها Pole Position، وفجأة حسيت بحد بيحط إيده على كتفي… لفيت لقيت مايكل جاكسون. و حضنّا بعض، والحضن ده تقريبًا مخلصش طول فترة صداقتنا.”
مايكل أخده و خلاه يشارك فى مشاريع فنية زي Captain EO، وشجعه جدًا على الرسم والفن، وكان دايمًا يقوله إنه “أعظم فنان فى العالم”.
و العلاقة دي كانت بالنسبة لديف ولادة جديدة.
و بدل ما يعيش طول عمره شايف نفسه ضحية، بدأ يحول جراحه لفن… وألمه لقوة وقدرة على الاستمرار.

07/05/2026

النجمة كاميرون دياز خلفت العيل التالت من كام يوم ، وده يمكن بالنسبة لناس كتير عادي وطبيعي، لكن قصة كاميرون مع أمومتها لفة كبيرة اوى خصوصًا إنها تقريبا دلوقتى عندها 53 سنة يعنى استنت سنين كتير اوى عقبال ما استقرت و ربنا كرمها ..
كاميرون حياتها كلها كانت مشغولة جدا بالمودلينج و التمثيل و تمضى عقود بملايين، و تلعب أدوار مهمة، والنجومية بتطاردها .. يعنى حققت تقريبًا كل حاجة ممكن أي ست تحلم بيها .
لكن كان فى دايما حاجة ناقصاها و هى انها تبقى ام .
و الموضوع ماجاش بسهولة ولا بسرعة.
المحاولات كانت كتير و مكنتش عارفه تلاقى شريك حياة مناسب ، والوقت بيعدى ، ومعاهم الخوف و القلق و الاخر مش عارفه إذا كانت فى الآخر هتلحق ولا لأ.
لكن رغبتها فى الأمومة كانت كبيرة لدرجة إنها بعدت و سابت كل النجاح اللى بنته، وكل حاجة حققتها، بس علشان تبقى أم .. وفى سن 47، وبعد سنين من الصبر والأمل، ربنا رزقها ببنتها الأولى “راديكس”.
وبعدها جه “كاردينال”، ودلوقتي، وهي عندها 53 سنة، جه طفلها التالت “نوتاس”، وكأنه نهاية رحلة طويلة وصعبة لكنها غيرتها وهي بنفسها قالت:
“الأمومة والجواز أكتر حاجة ليها معنى و اكبر فرحة حصلتلي فى حياتي لحد دلوقتي . . هما مهمين جدًا بالنسبة لي.”
واعترفت كمان إنها مش متخيلة تسيب أولادها علشان أيام تصوير طويلة زى زمان، و بريق هوليوود بقى بالنسبة لها حاجة ثانوية، لأن أولويتها الوحيدة دلوقتي إنها تكون أم متفرغة لأولادها.
و أطفالها التلاتة بالنسبة لها الإجابة على دعاء و أمل كبير …
ولقت معاهم معنى أعمق من الشهرة والنجاح ..
#بقلمي

حاجة قطايف

11/05/2026

11/05/2026

10/05/2026

10/05/2026

09/05/2026

09/05/2026

09/05/2026

08/05/2026

07/05/2026

07/05/2026

07/05/2026

Address

Telephone

Website

Alerts

Contact The Establishment

Shortcuts

Share