DK entertainment

04/09/2025

24/03/2025

ল’ৰাবোৰ যেতিয়া ডাঙৰ হয়
(১)
আপোনমনে বাইক চলাই সি ঘৰলৈ গৈ আছিল ৷ বাইক এখন ভুৰুংকৈ কাষেৰেই পাৰ হৈ গ’ল । আহ্‌...এনেকৈ কোবত চলাবলৈ এৰা কিমান দিন হ’ল ! এতিয়া বাইক চলাই যাওঁতে পদূলিমুখত এৰি থৈ অহা মানুহহাললৈ তাৰ মনত পৰে । নজনাকৈয়ে এক্সেলেটৰত হাতৰ মুঠি ঢিলা হৈ আহে ৷
ল’ৰাটো এতিয়া ডাঙৰ হ’ল ৷
(২)
ৰেকৰপৰা ব্ৰেণ্ডেড্‌ চাৰ্টটো লৈ ল’ৰাটোৱে এবাৰ ষ্টিকাৰটো চালে ৷ দামটো অলপ বেছি ৷ হ’লেও ল’ব পাৰি ৷ হাতত লৈও কিবা ভাবি সি চাৰ্টটো আকৌ আগৰ ঠাইত থৈ একে দামতে আন দুটা চাৰ্ট ল’লে ৷ "চখবোৰ দেউতাকৰ টকাৰেহে পূৰাব পাৰি, নিজৰ টকাৰে মাথোঁ প্ৰয়োজনহে পূৰ হয়" দেউতাকে তাক সৰুতে কোৱা কথাষাৰ মনলৈ আহিল ৷ অনুভৱ কৰিলে হঠাতে যেন সি বহুত ডাঙৰ হৈ গ’ল ৷
(৩)
শনিবাৰে সন্ধিয়া নিউভিল পথত বহুত ভীৰ হয়। বাইকখন একাষে ৰাখি মাকে লিখি দি পঠিওৱা বজাৰৰ লিষ্টখন চালে ৷ চিঞৰ-বাখৰ, হূলস্থূলৰ মাজেৰে হাতত মোনাটো লৈ বজাৰৰপৰা ওলাই আহোঁতেই তাৰ মনলৈ আহিল, "স্কুলৰ কিতাপৰ বেগটো দেখোন ইয়াতকৈ বহুত পাতল আছিল ৷
...মাক-দেউতাকে সৰু বুলি ভাবি থকা ল’ৰাটো এনেকৈয়ে ডাঙৰ হৈ গ’ল ৷