06/09/2026
EPISODE 1 – නොදන්න අංකයක්
අම්පාර නගරයේ ජීවත් වූ සෙහන්ගේ ජීවිතය වෙනදා වගේම සාමාන්‍ය ලෙස ගලාගෙන යමින් තිබුණා.
ඔහු කිසිදාක නොසිතූ විදිහට, තමන්ගේ ජීවිතයට අලුත් කෙනෙක් ඇතුළු වෙන්න යන බව සෙහන් ඒ දවසේ දැනගෙන සිටියේ නැහැ.
එදා ඔහු තමන්ගේ දුරකථනය අතේ තබාගෙන පරණ contacts සහ messages බලමින් සිටියා.
එවිට ඔහුගේ ඇස් නුහුරු phone number එකක් ළඟ නතර වුණා.
සෙහන් ටික වෙලාවක් ඒ අංකය දිහා බලාගෙන හිටියා.
“මේ කාගේ number එකක්ද?” ඔහු තමන්ටම හෙමින් කියාගත්තා.
ඒ අංකය ඔහු දන්න කෙනෙක්ගේද කියලා ඔහුට අදහසක් තිබුණේ නැහැ.
ටික වෙලාවක් කල්පනා කරලා, ඔහු phone එකේ message එකක් type කරන්න පටන් ගත්තා.
සෙහන්: Hello… මේ number එක කාගේද?
Message එක යවන්න කලින් ඔහු මොහොතක් screen එක දිහා බලාගෙන හිටියා.
පස්සේ ඔහු Send button එක ඔබලා දැම්මා.
එක සරල message එකක්.
නමුත් ඒ message එකෙන් ඔහුගේ ජීවිතයේ අලුත් කතාවක් ආරම්භ වෙයි කියලා සෙහන් දැනගෙන සිටියේ නැහැ.
ඒ මොහොතේ, අවිස්සාවේල්ල නගරයේ ජීවත් වූ නිසලි තමන්ගේ සාමාන්‍ය වැඩවල නිරත වෙමින් සිටියා.
හදිසියේම ඇගේ phone එකට notification එකක් ආවා.
නිසලි phone එක අතට ගත්තා.
නොදන්නා number එකක්.
ඇය ටිකක් පුදුම වෙලා message එක විවෘත කළා.
Hello… මේ number එක කාගේද?
නිසලිගේ මුහුණේ පුදුමයක් මතු වුණා.
“මේ කවුද?” ඇය හෙමින් තමන්ටම කියාගත්තා.
Reply කරන්නද, නැත්නම් නොකර ඉන්නද කියලා ඇය ටික වෙලාවක් කල්පනා කළා.
අවසානයේ ඇය keyboard එක විවෘත කළා.
නිසලි: මම නිසලි… කවුද මේ?
ඇය reply එක යැව්වා.
අම්පාරේ සිටි සෙහන්ගේ phone එක ටික වෙලාවකට පස්සේ නාද වුණා.
ඔහු ඉක්මනින් phone එක අතට අරගෙන message එක බැලුවා.
මම නිසලි… කවුද මේ?
සෙහන්ගේ මුහුණේ පොඩි හිනාවක් මතු වුණා.
ඔහු ඉක්මනින් reply කළා.
සෙහන්: මම සෙහන්. අම්පාරේ ඉන්නේ. ඇත්තටම මේ number එක අහම්බෙන් හම්බුණේ.
නිසලි ඒ message එක කියෙව්වා.
අම්පාරේ ඉන්න සෙහන් කියන මේ නොදන්නා තරුණයා කවුද කියලා ඇයට කුතුහලයක් ඇති වුණා.
ඇය නැවත message එකක් යැව්වා.
නිසලි: ආහ්… එහෙමද? මම අවිස්සාවේල්ලේ ඉන්නේ.
සෙහන් ඒ message එක කියවලා හිනා වුණා.
සෙහන්: අම්පාරේ ඉඳලා අවිස්සාවේල්ලට message එකක් යවයි කියලා මම හිතුවෙවත් නැහැ.
නිසලි: මමත් හිතුවේ නැහැ.
ඒ වචන කිහිපයෙන් ඔවුන්ගේ කතාබහ තවත් දිගටම ගියා.
එක message එකක්.
ඊට reply එකක්.
පස්සේ තවත් ප්‍රශ්නයක්.
ඊට තවත් පිළිතුරක්.
නොදන්නා දෙන්නෙක් අතර තිබුණු දුර ටිකෙන් ටික අඩු වෙමින් තිබුණා.
එදා ඔවුන් දෙන්නා යාළුවෝ නොවුණා.
ආදරවන්තයෝ නම් කොහෙත්ම නොවුණා.
ඔවුන් දෙන්නා එකිනෙකාගේ මුහුණ පවා හොඳින් දැනගෙන සිටියේ නැහැ.
ඒත් ඒ දවසේ ආරම්භ වූ කතාබහ දෙන්නාගේ ජීවිතවලට වෙනසක් ගෙන එන්න පටන් ගෙන තිබුණා.
රාත්‍රිය වෙද්දී, සෙහන් phone එක අතේ තබාගෙන නිසලිගෙන් තවත් message එකක් එනතුරු බලාගෙන හිටියා.
අවිස්සාවේල්ලේ නිසලිත් තමන්ගේ phone screen එක දිහා බලාගෙන හිනා වුණා.
නොදන්නා number එකකින් ආපු message එකක් නිසා, අද ඇයට අලුත් කෙනෙක් හඳුනාගන්න ලැබුණා.
ඒ කෙනා සෙහන්.
ඒ මොහොතේ ඔවුන් දෙන්නා දැනගෙන සිටියේ නැහැ—
මේ කතාබහ දවසක ආදරයක් බවට පත් වන බව.
ආදරයක්…
සතුටක්…
දුරක්…
සහ අවසානයේ අමතක නොවන මතකයක්…
ඒ හැමදේම ආරම්භ වුණේ එකම message එකකින්.
“Hello… මේ number එක කාගේද?”
EPISODE 1 – අවසානය
