07/03/2023
💥 𝗧𝗵𝗲 𝗣𝗲𝗻𝘁𝗵𝗼𝘂𝘀𝗲 : 𝗪𝗮𝗿 𝗜𝗻 𝗟𝗶𝗳𝗲 - 2020 💥
🔰 Genre - Mystery / Thriller / Revenge
🔰 Imdb - 8 / 10
🔰 Google User's Choise - 96 %
🔰 Tv channel - SBS & Netflix
මෙලොව ඇත්තේ යාම් ඊම් පමණි
නෑවිත් යන්නට බැරිය
නොගොස් එන්නට බැරිය
මෙහෙම තියෙන්නෙ මහාචාර්ය එදිරිවීර සරච්චන්ද්රයන්ගෙ මලවුන්ගේ අවුරුදු දා කෘතියේ. මේ පෘතග්ජන මනුස්ස ලෝකය ඇතුලෙ ජීවත් වෙන්න හුස්ම ගන්න රැඳෙන්න තරග කරමින් එකිනෙකා එක්ක හැප්පෙමින් ඉන්න හැම මොහොතකම යනවා එනවා ගැටෙනවා හැර වෙනත් කිසිම දෙයක් හොයාගන්නත් බැරි තරම්. මිනිස්සු හැම කෙනෙක්ම සම්පූර්ණයෙන්ම සුදු වෙන්නෙත් නැහැ. සුදු වගේම කලු චරිතත් මේ ලෝකෙ ඇතුලෙ ජීවත් වෙන්න ඔට්ටු වෙනවා. සුදුත් නැති කලුත් නැති අලු චරිතත් මේ හිස් ගෙඩි එක්ක හැප්පෙනවා..
මේ හැමෝටම තියෙන්නෙ එකම එක අරමුණයි. ඒ තමා ජීවත් වීම. සමහර මිනිස්සු තමන්ගේ පවුල රැකගන්න ඔට්ටු වෙනවා. සමහර මිනිස්සු ඇති කරගත්තු බැඳීම් බිඳින්න බැරිව ලතවෙනවා.තවත් සමහර මිනිස්සු හිතේ තෙරපෙන ඇහැට පේන රහස් එලියට කියාගන්න බැරිව තැවෙනවා. තවත් සමහර මිනිස්සු ලේ බැඳීම් එක්ක හිර වෙලා තවත් සමහර මිනිස්සු සල්ලි පොදි බඳින හීන වල එල්ලිලා. මේ කොයි කාගෙ ජීවිත වලටත් එබිලා බැලුවාම තෙරපෙන මොකක්දෝ රහසක් තියෙනවා සමහර මොහොතවල් වල පුද්ගලයො උත්සාහ කරනව තමන්ගෙ ඇත්ත ස්වභාවය වසන් කරගෙන හෘද සාක්ශියට කොලේ වහල වෙනස්ම පුද්ගලයෙක්ව පිටතට මවල පෙන්නන්න. ඒත් බොරුව වංචාව කොච්චර පිරුනත් ඒ හැමදේම එලි වෙන්නෙ හැමදාම බොරුවෙන් වංචාවෙන් දූශ්ය මනසින් ජීවත් වෙන්න බැරි නිසා.❤
සුඛෝපභෝගී ජීවිත පෙවෙතවල් ගත කරන පුද්ගලයන් පිරිසක් ජීවත් වෙන පෙන්ට් හවුස් එකක් ඇතුලෙ කොයිතරම් නම් රහස් හැංගිලා ඇත්ද ? මේ කතන්දරේ අස්සෙත් සුදු කලු අලු චරිත තුන් ජාතියම ඉන්නව. දරුවො වෙනුවෙන් පරතෙරක් නැතිව සීමා මායිම් බිඳගෙන කැපකිරීම් උපරිමයෙන්ම කරන අම්මලත් ඉන්නව. බලය තන්හාව නිසා දරුවන්ගෙ ඇතුලු පවුලෙම සැනසීම නැති කරගෙන තමන් විසින්ම පිරිහෙන චරිතත් ඉන්නව. ජීවිතයයි මරනයයි අතර සටනක් දියත් කරනගමන් සාධාරණය පිරුනු ලොවක් දකින්න උත්සාහ කරන චරිතත් ඉන්නවා. කරදර වල අනන්ත පතුලටම ගිලුනත් බල තන්හාව පෙරදැරි කරගත්ත සයුරක කිමිදෙන්න බලාගෙන ඉන්න මිනිස්සුත් ඉන්නව. කල දුටු කල වල ඉහගන්න මග බලාගෙන ඉන්න අයත් ඉන්නව.❤
මෙහෙම සුදු කලු අලු කියල සමාජය විසින්ම ලේබල් ගැහුනට මේ හැමෝම පෘතග්ජන ආසාවන් තියෙන සම් මස් ඇටමිදුලු වලින් හැදුම් ලබපු මනුස්ස ප්රානියෝ මේ හැමෝම කරන්නෙ එකම දෙයයි ඒ තමයි ජීවිතේ ගෙවන එක. ❤
මේ කතන්දරේ ගැන මම මීට එහා කියන්න යන්නෙ නැහැ. බලන එක ඔබට භාරයි. පෙන්ට් හවුස් එකට එබිල බැලුවොතින් හැම මූනක්ම පෙන්නන තරම් සුන්දරත් නැහැ රලුත් නැහැ කියල හිතේවි. ❤
