09/29/2026
یو اے ای میں ٹورسٹ ویزا رکھنے والوں کے لیے اہم خبر
متحدہ عرب امارات میں ٹورسٹ اور وزٹ ویزا رکھنے والے افراد کے لیے ویزا توسیع کے حوالے سے اہم تفصیلات سامنے آگئی ہیں۔ بعض ویزوں کی مدت ختم ہونے سے پہلے ان کی توسیع کی درخواست دی جاسکتی ہے۔
رپورٹ کے مطابق ٹورسٹ ویزا کی توسیع کا انحصار ویزا کی قسم اور اسے جاری کرنے والی اتھارٹی پر ہوتا ہے۔ بعض ٹورسٹ انٹری پرمٹس میں مجموعی قیام کی مدت 120 دن تک ہوسکتی ہے، جبکہ رشتہ داروں یا دوستوں سے ملاقات اور بعض دیگر مقاصد کے لیے جاری کیے گئے وزٹ ویزوں میں یہ مدت 180 دن تک ہوسکتی ہے۔
ویزے کی توسیع کے لیے ٹورسٹ ویزا رکھنے والوں کو عموماً اپنی ٹریول ایجنسی یا متعلقہ ٹورازم کمپنی سے رابطہ کرنا ہوتا ہے، جبکہ اسپانسر کردہ وزٹ ویزا کی صورت میں اسپانسر درخواست جمع کرا سکتا ہے۔
حکام کی جانب سے یہ بھی واضح کیا گیا ہے کہ ویزا ختم ہونے کے بعد غیر قانونی قیام کی صورت میں جرمانہ عائد ہوسکتا ہے، اس لیے ویزا ہولڈرز کو مدت ختم ہونے سے پہلے اپنی توسیع یا ملک سے روانگی کے انتظامات مکمل کرنے کا مشورہ دیا گیا ہے۔
