MaMa Espans

04/06/2023

MALIGAYANG ARAW NG PAGKAPARI ✝

HUWEBES SANTO
Abril 06, 2023

Patuloy nating damayan ng panalangin ang ating mga Kaparian sa araw na ito ng kanilang pagsasariwa at pagpapanibago ng mga pangako sa Pagkapari – na siyang naka-ugat sa dakilang halimbawa ng ating kataas-taasang Pari, si Hesukristong Manunubos.

Taos-puso po nating batiing higit ang ating Paring Tagapangasiwa, si Rb. Pd. Ericson Laguna, AM, at ang mga kasamang Pari na sina, Rb. Pd. Isabelo Abuan III, AM, Joey Manaran, AM, Louis Lester Niez, AM, Luke William Ong, AM at Lawrence Victor Lugo, AM. Gayundin sa lahat ng minamahal nating Kaparian ng kongregasyon ng Alagad ni Maria at mga nakatuwang na Pari mula sa Diocese of Novaliches. Mabuhay at Panalangin po para sa inyo, mga abang-lingkod na Pari ng Simbahan ni Kristo 🙏
—————————
PANALANGIN PARA SA MGA PARI AT RELIHIYOSO

Panginoon,
basbasan at pangalagaan Mo
ang Iyong mga Pari at Relihiyoso.
Tinawag Mo sila para paglingkuran Ka at ipalaganap ang Iyong Salita
para sa mga di kumikilala sa Iyo bilang Pari, Diyos at Hari.
Patuloy mong dalhin sa Mabuting Landas
ang Iyong mga Pari at Relihiyoso para sa ikadadakila mo.
Gabayan mo ang mga naliligaw ng landas,
na makita ka nila sa kanilang mga nakakasalamuha
at sa kanilang mga ginagawa upang sila ay manumbalik Sayo.

O Hesus, patuluyin mo sila na maging malapit sa Iyong puso
at pagpalain Mo sila bilang pari magpakailanman.

Amen.
—————————
Photo Credits to:
- Novaliches Cathedral/Facebook
- Fr. Ysbel Ab-one (Abel Abuan III)/Facebook

04/04/2023

𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐦𝐠𝐚 𝐌𝐚𝐡𝐚𝐥 𝐧𝐚 𝐀𝐫𝐚𝐰 𝟐𝟎𝟐𝟑

𝘔𝘨𝘢 𝘬𝘢𝘱𝘢𝘵𝘪𝘥, 𝘪𝘵𝘰 𝘢𝘯𝘨 𝘢𝘵𝘪𝘯𝘨 𝘮𝘨𝘢 𝘗𝘢𝘨𝘥𝘪𝘳𝘪𝘸𝘢𝘯𝘨 𝘴𝘢 𝘛𝘢𝘵𝘭𝘰𝘯𝘨 𝘈𝘳𝘢𝘸 𝘯𝘢 𝘗𝘢𝘨𝘥𝘪𝘳𝘪𝘸𝘢𝘯𝘨 𝘯𝘨 𝘗𝘢𝘨𝘱𝘢𝘱𝘢𝘬𝘢𝘴𝘢𝘬𝘪𝘵, 𝘗𝘢𝘨𝘬𝘢𝘮𝘢𝘵𝘢𝘺, 𝘢𝘵 𝘔𝘶𝘭𝘪𝘯𝘨 𝘗𝘢𝘨𝘬𝘢𝘣𝘶𝘩𝘢𝘺 𝘯𝘨 𝘢𝘵𝘪𝘯𝘨 𝘗𝘢𝘯𝘨𝘪𝘯𝘰𝘰𝘯𝘨 𝘏𝘦𝘴𝘶𝘬𝘳𝘪𝘴𝘵𝘰 𝘴𝘢 𝘚𝘢𝘪𝘯𝘵 𝘑𝘰𝘴𝘦𝘱𝘩 𝘵𝘩𝘦 𝘏𝘶𝘴𝘣𝘢𝘯𝘥 𝘰𝘧 𝘔𝘢𝘳𝘺 𝘊𝘩𝘢𝘱𝘦𝘭, 𝘈𝘯𝘵𝘪𝘱𝘰𝘭𝘰 𝘊𝘪𝘵𝘺.

𝗛𝘂𝘄𝗲𝗯𝗲𝘀 𝗦𝗮𝗻𝘁𝗼 (Abril 6, 2023)
• Misa sa Pagtatakipsilim ng Paghahapunan ng Panginoon (6:00 PM)
• Pagtatanod sa Banal na Sakramento (7:30 PM-12:00 AM)

𝗕𝗶𝘆𝗲𝗿𝗻𝗲𝘀 𝗦𝗮𝗻𝘁𝗼 (Abril 7, 2023)
• Pagninilay sa mga Pitong Huling Wika ni Hesus (1:00 PM)
• Pagdiriwang sa Pagpapakasakit ng Panginoon (3:00 PM)

𝗦𝗮𝗯𝗮𝗱𝗼 𝗱𝗲 𝗚𝗹𝗼𝗿𝗶𝗮 (Abril 8, 2023)
• Misa sa Pagdiriwang ng Muling Pagkabuhay ng Panginoon (8:00 PM)

* Walang Banal na Misa sa Linggo ng Pagkabuhay (Abril 9, 2023)

02/22/2023

ASH WEDNESDAY marks the beginning of the Lenten Season. Let us prepare for the joy of Easter by our almsgiving, prayer, and fasting.

02/02/2023

The country’s Catholic bishops on Thursday released a special prayer to replace the Oratio Imperata or obligatory prayer for protection against the Covid-19 pandemic.

02/02/2023

02/01/2023

𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠𝐝𝐚𝐝𝐚𝐥𝐚 𝐤𝐚𝐲 𝐇𝐞𝐬𝐮𝐬 𝐧𝐚 𝐏𝐚𝐧𝐠𝐢𝐧𝐨𝐨𝐧 𝐬𝐚 𝐓𝐞𝐦𝐩𝐥𝐨 (Pebrero 2)

Ngayon ay ipinagdiriwang ng Simbahan ang Kapistahan ng Paghahandog kay Hesus sa Templo na naayon sa mga batas ni Moises. Doon ay nakita at pinagpala siya ng matatandang sina Ana at Simeon. Matutunghayan sa Mabuting Balita para sa araw na ito ang hamon sa lahat ng kabataan: "Ang bata’y lumaking malakas, marunong at kalugod-lugod sa paningin ng Diyos" (Lucas 2:40).

Inaalala rin ng buong Simbahan ang Pandaigdigang Araw ng mga Nagtalaga sa Diyos (World Day of Consecrated Life). Ipagdasal natin ang mga lalaki at babaeng relihiyoso na namanata ng Karukhaan, Kalinisan, at Pagsunod na nawa'y maisabuhay nila ang mga ito at maging saksi ng Kaharian ng Diyos para sa lahat. Maglaan tayo ng natatanging kahlingan para sa mga Alagad ni Maria na ginagawa ang kanilang misyon bilang mga relihiyoso sa pamamagitan ng paglilingkod sa mga kabataan at nawa'y maging dumami pa ang tumugon sa pagtawag na ito.

01/14/2023

𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐇𝐞𝐬𝐮𝐬, 𝐁𝐚𝐭𝐚𝐧𝐠 𝐒𝐚𝐧𝐠𝐠𝐨𝐥 (𝐒𝐚𝐧𝐭𝐨 𝐍𝐢𝐧̃𝐨) (Enero 14)

Ang Simbahan sa Pilipinas ay pinagkalooban ng pahintulot upang ipagdiwang ang isang natatanging Kapistahan bilang parangal sa isa sa mga pinakamatandang pamimintuho sa bansa. Si Hesus na Diyos at tao ay inilalarawan bilang isang bata — madaling lapitan at hindi nakakatakot. Higit pa rito, matutunan nawa natin ang pagpapakumbaba at pagsunod, gayundin ang pagtitiwala sa Diyos na matututunan natin sa pagkabata.

01/08/2023

𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠𝐛𝐢𝐛𝐢𝐧𝐲𝐚𝐠 𝐬𝐚 𝐏𝐚𝐧𝐠𝐢𝐧𝐨𝐨𝐧 (Enero 9)

“𝐼𝑡𝑜 𝑎𝑛𝑔 𝑚𝑖𝑛𝑎𝑚𝑎ℎ𝑎𝑙 𝑘𝑜𝑛𝑔 𝐴𝑛𝑎𝑘 𝑛𝑎 𝑙𝑢𝑏𝑜𝑠 𝑘𝑜𝑛𝑔 𝑘𝑖𝑛𝑎𝑙𝑢𝑙𝑢𝑔𝑑𝑎𝑛!” Ganito inilahad ni San Mateo (3:17) ang pagtatapos ng binyag ni Hesus sa pamamagitan ni San Juan Bautista. Ito ang pagsisimula ng kanyang pagpapalaganap ng Mabuting Balita ng kaligtasan.

Nawa'y matularan natin ang kapakumbabaan ni San Juan Bautista sa pagkilala at pagdadala ng mga tao kay Kristo, hindi sa kanyang sarili. Gayundin, pakinggan nating lagi ang tinig ni Hesus, at tulad niya'y maging mga kinalulugdan din tayong mga anak ng Ama.