Assab is the capital of Dankalia/

07/07/2026

Itiyoopiyak Naharsi malaak Dr Abiyyi acmad Asaaku Parlamâ foocal abeh yan yaabal Dergi dabaanih Xinto Akah tekkennah Suudaanaay, Cuwaacat kee Eretriya Sittâ luk cattiimak taamitak geytimaanam qaddoosak Galab(migaq)akak Xage wee gersi Irô baaxooxa Tama exxaaxî luk cattiimak taamittam Qaddoose.
*******
Itiyoopiyak Naharsi malaak Dr Abiyyi Acmad Asaakih Ayro Axcik Diteli (Julay) alsak 7/2026 Parlamâ Foocal Geytimak abeh Yan baxxaqsal Suudaanaay, Cuwaacat kee Eretriya Itiyoopiyah Saduh Sittâ luk cattiimak taamitak geytimaanam Qaddoosem kee Tannah tan Abto Duma Dergi Xinto Yaggiloonuh Dariifâ baaxooxa Sittâ luk cattiimak akah Taamittennah Awayih Udduur Tonnah Tan abtoota Tambullem Yescessem kee kalah migaaqat akak yaabe weeh yan Irô baaxooxah Caylitte Itiyoopiyah Saduh taamittah tan exxaaxik Darreek gaba edde assagalluk geytimtam Qaddoose.

Dr abiyyi Acmad Parmâ Foocal abeh yan baxxaqsal iyyeemih Itiyoopiyah Saduh Inkittiino ginteh tan caylitte (Exxaaxi) Itiyoopiyah Moddaqiinol Gintah tan Hebeltô taqabii kee Qawwalaylaa kee Bohoy ane waam Diggoose.

Itiyoopiyak Ummattah Awlaytiitih malah buxa Gexisseh tan 30 Heele Koboxul Ummattah awlaytiitih malah buxa Dr abiyyil Hayteh tan Esserooral Yeceeh yan Raddii kee Baxxaqsal Dariifal tan Caaloota wagittaamal Fidin Baxaabaxsa abeh yanim Yescessen.

Dr Abiyyi Ummattah awlayriitih malah buxah adoytiitih abeh yan addâ fakoot kee baxxaqsal Eretriyak Shaqbiyyah Xintooy, Cuwaacat(TPLF) Kee Suudaan dubuk hinnay Gersi Exxaaxi Keenit Tangaleemih Itiyoopiyah Moddaqiinol Bohoy kee Qawwalayla kataasaanam maduudaanam Qaddoose.

Suudaanaay, Cuwaacat kee Eretriya duma axcih Sanat 1991 Dergi Xinto Yaggiloonuh Sittâ luk cattiimak Taamiteenih yaniinim kee Tohul mayso geenih sugeenim takkay immay Awayî waktih Tonnah Yan Xaluu kee Too Dabaan geen Mayso geyaanam duude waanam diggoose.

Dr Abiyyi Dagal Migaqa(Galab)akak Xageh yan 3 rakkeh tan Exxaaxik Ossatinah Galab akak xage weeh yan Gersi Gersi Caylitte Itiyoopiyah Saduh Taamittah tan Caylitteh Qokolitte abak geytimtam Qaddoose.

Dr Abiyyi Away Tanih tan Caaloota wagsiisak abeh yan baxxaqsal Cuwaacat Isi Hadaf Aalle waytam kee gersi exxaaxih Fayxi aracat haytuh taamitak geytimtah tan butta kinnim ascassuk Tonnaah Shaqbiyya Miraacissah tan Eretriya kaaduk Cuwaacat Edde tan Farmo meqennah abbinoossuh Qokol taceeh tan Exxa axcuk yaabem kee Darreek Cuwaacat kee Shaqbiyya Qokolak geytimtah tan exxaaxi tanim Qaddoose.

06/27/2026

Awash le ceelo

06/25/2026

Ayrô mawqâ liibiyah xiinisso Itiyoopiyaay, Suudaanaay, Eretriyaa kee Soomaaliyah Xaylo Liibiya akah Cule waytannah Waasoh amri Tatruseenim qaddoosen.
*********
Ayrô mawqâ liibiyah Xiinisso Itiyoopiyaay, Eretriyaay, Suudaan kee Soomaaliyah Xaylo Akah cule waytannah amri Tatrussaamat akah temeetem Kilbattí liibiyah badaak Awroppah baaxooxa fanah yakkeh yan Safar Waasso Tatrusseh tan margaqa kinnim Qaddoossen.

Afrikak Baxaababxsa le Baaxooxak Tayse mangoo kee milaagi goranah Awroppah baaxooxa Culoonuh Kilbattí liibiyaak Baxaabaxsa le macalitte abak geytimaanam warsan.

Awtoppah baaxooxa fanah safarak geytimtah tan Afrikah Dabbah Xiina Madqaak Iroh (Gita maliinoh) Sinaam Safrisak geytimtah tan Baatileenit Qunxa qunxa Doonittet Ken Safrisak Badal Taafeh tan Baxaabaxsa le qawwalaylaak gexxaamah Mango alfittel loowimtah tan maritte edde rabak geytimtam warsan.

Ayrô mawqâ liibiya Teyyeeqeh tan Maybalaalaqal Suudaanaay, Eretriyaay, Itiyoopiyaa kee Soomaaliyak Tamaateh tan Dabboh xiina Barriiy, bad kee Qaraanak Liibiyah baaxooxa akah cule waan Innah Amri Tatrusseh tanim Yescessen.

Aministi Internashinaal Missoyna Teyyeeqeh tan maybalaalaqal Liibiyah doolat Dabboh Xiinal Tatrusak geytimtah tan maaqattooti maqar luk saddeh tanim Tiysixxige.

Galli maroh egla Teyyeeqeh tan oytitte elle qaddoossannal Liibiyah addal 900,000 daga takkeh tan Dabboh Xiinaa kee Safarah temeeteh tan maritte geytimtam kee Liibiyak kaxxam mangom Suudaan Xaylo kinnim kee Liibiya fanah Tamaateh tan Dabboh Xiina Awroppah baaxooxa fanah Safartuh macalak geytimtam Qaddoosen.

06/25/2026

06/21/2026

Tigray rakaakayak Ciggiila Prezidantih yan Amanuel Aseffa Dergi Cawzenit Maysattaka abeemih 38 haytô Qaffaydah abeh yan yaabal iyyeemih Tigray ummattat boddam Faxxah tan Qawwalaylat koositoonuh Inkittiino maqarroosaanam faxximtaamih seeco xayyoose.
********
Tigray rakaakayak Ciggiila Prezidanti Amanuel Aseffa Asaakih ayro Abeh yan Yaabal iyyeemih Tigray ummatta Awayih udduur Isí inkittiino dacrisak Isinni Xisoosa maqarroosaanam Doorit sinni dirki kinnim ascassuk Tigray ummattak Kinnaane Dacrisoonuuy, Tigray rakaakayak moddaqiino diggoosoonuu kee Tigray isih is akah Xiinissannah Yangiicilleenim Faxximtam Qaddoose.

Amanu-el Aseffa elle yescessennal Tigray Ummatta awayih udduur Tigray kinnaanee Kee Sabhalaalal kaxxa qawwalayla kataassam Duddah tan Caalootaa kee Taqabitte ginniimteh tanim Qaddoosak Away Itiyoopiya Xiinissah tan Leedâ missoyna Tigray ummattah Qaduwwiinuuy Tigray Unmattah Cakkii kee Fayxit boodduh Macalak geytimta axcuk Yaabem warsan.

Ciggiila Prwzidanti Elle yescessennal Tigray rakaakayih doolat Addah amni dacrisak Tigray moddaqiino diggoosaanamaay, Duffumteh tan Tigray ummatta le dabqih gacsaanamaay, Umaadoobat koositaanam kee Madqâ dagâ raaaq dacrisak taamitoonuh
Fooca fanah Hangi akah acayuk Taamiteloonum Qaddoose.

Salaam kee Saay caagiida Abinno axcuk Yaceenih yanin Xaganittel madiggowtay Tigray Ummatta Inkittiinol Tatrussah tan Margaqal Diggoowelem Yescesse.

Ciggiila prezidanti abeh yan yaabak ellecabol iyyeemih Tigray Rakaakay Qagiitaak Carbit Culusoonuh abaanah yanin giitiyyi Oggol Aalle waam Diggoosak Tigray ummatta Isí Rakaakayay dacrissuh Gulguluh gactam faxximtam kee Awayih udduur Tigrayat Akkuk geytumtah tan Meysissoo kee Teetit Booddam faxxah tan Qawwalaylat koositoonuh Kulli dariifal garci akke waanam faxximtam kassiise.