04/27/2026
ዜና ስፖርት
1. "ላምፓርድ ናብ ቸልሲ ክምለስ የብሉን" — ጆ ኮል 🔵🗣️
እቲ ናይ ቀደም ተጻዋታይ ዓዲ እንግሊዝ ጆ ኮል፡ ኣሰልጣኒ ፍራንክ ላምፓርድ ናብ ቸልሲ ንከይምለስ መኺሩዎ። "ላምፓርድ ንቸልሲ ኣዝዩ ይፈትዋ እዩ፡ ግናኸ ኣነ ኣብ ቦታኡ እንተዝኸውን ንዝኾነ ስራሕ ናብኡ ኣይምተመለስኩን" ኢሉ። ወሲኹ ድማ፡ "ብውጽኢት
ክትምዘን ትኽእል ኢኻ፡ ኣብ ቸልሲ ግን ንኹሉ ነገር ክትቆጻጸር ኣይትኽእልን ኢኻ፤ እዚ ዕብደት እዩ" ብምባል ገሊጹ። ላምፓርድ ቅድሚ ሒደት መዓልታት ስሙ ምስ ቸልሲ ብዛዕባ ምትእስሳሩ ተሓቲቱ፡ "ናይ ተንተንቲ ወረ ጥራይ እዩ" ክብል መሊሱ ነይሩ።
2. "ኣብ ፖርቶ ክቕጽል እየ" — ፍራንቸስኮ ፋርዮሊ 🇵🇹🤝
እቲ ኢጣልያዊ ኣሰልጣኒ ፍራንቸስኮ ፋርዮሊ፡ ኣብ ዝመጽእ ዓመተ-ውድድር ኣብ ፖርቶ ከም ዝቕጽል ገሊጹ። ስሙ ምስ ቸልሲ እኳ እንተተተሓሓዘ፡ "ንፖርቶ ኣይክገድፋን እየ" ብምባል ንደገፍቱ ምርግጋጽ ሂቡ። ካብ ቸልሲ ዓቢ ናይ ገንዘብ ሕቶ እንተቐረበሉ እኳ፡ ኣብ ፖርቶ ክጸንሕ ምዃኑ ተዛሪቡ። ፋርዮሊ ንፖርቶ እናመርሐ ኣብዚ ሕጂ እዋን ንሊግ ፖርቱጋል ብ82 ነጥቢ ይመርሕ ኣሎ።
3. ዣቪ ሲሞንስ ናይ "ACL" መጉዳእቲ ኣጋጢሙዎ! ⚪️🏥
እታ ናይ ሰሜን ሎንደን ክለብ ቶተንሃም፡ ዣቪ ሲሞንስ ኣብ የማናይ ብርኩ ናይ "ACL" መጉዳእቲ ከምዘጋጠሞ ብወግዒ ኣፍሊጣ። እቲ ተጻዋታይ ኣብ ጸወታ ዎልቭስ ከቢድ መጉዳእቲ ከምዘጋጠሞ ይዝከር። ኣብ ዝመጽእ ሰሙናት ድማ መጥባሕቲ ክገብር እዩ። በዚ ምኽንያት ድማ ዣቪ ሲሞንስ ካብቶም ዝተረፉ ጸወታታት እዚ ዓመትን ካብ ዋንጫ ዓለም 2026ን ወጻኢ ኮይኑ ኣሎ። ካብ ጥሪ 2025 ጀሚሩ ጥራይ ኣርባዕተ ተጻወትቲ ቶተንሃም እዚ ከቢድ መጉዳእቲ ኣጋጢሙዎም ኣሎ።
4. ተጻወትቲ ቶተንሃም ናብ ክፍሊ ሕክምና ኣይቀርቡን! 🏥🚫
ቶተንሃም ኣብዚ ዓመተ-ውድድር ብተደጋጋሚ መጉዳእቲ ትፍተን ኣላ። እዚ ድማ ካብ ዞባ ምምላስ ንምውጻእ ኣብ እተካይዶ ቃልሲ ዓንቃፊ ኮይኑዋ ኣሎ። ኣብዚ ሕጂ እዋን 11 ተጻወትቲ ቶተንሃም ብሰንኪ መጉዳእቲ ካብ ሜዳ ርሒቖም ኣለዉ። መብዛሕቶም ተጻወትቲ እታ ክለብ እዚ ኩሉ መጉዳእቲ ብሰንኪ "መርገም" እዩ ዝመጽእ ዘሎ ዝብል እምነት ስለ ዘለዎም፡ ናብ ክፍሊ ሕክምና ክቀርቡ ወይ ብጥቃኡ ክሓልፉ ከምዘይደልዩ ተገሊጹ።
5. ንጸወታ ኣትሌቲኮ ማድሪድን ኣርሰናልን መን ክመርሖ እዩ? 🇪🇸🔴⚪️
ዝመጽእ ረቡዕ ኣትሌቲኮ ማድሪድን ኣርሰናልን ዘካይዱዎ ናይ ሻምፒዮንስ ሊግ ጸወታ ዝመርሕ ዳኛ ተፈሊጡ። ነቲ ኣብ ስታድዩም ሪያድ ኤር ሜትሮፖሊታኖ ዝግበር ጸወታ እቲ ሆላንዳዊ ዳኛ ዳኒ ማኬሊ ክመርሖ ተመሪጹ ኣሎ።
- ኣትሌቲኮ ማድሪድ በዚ ዳኛ ክትምራሕ ከላ፡ 3 ተዓዊታ፡ 3 ማዕረ ወጺኣ፡ 1 ድማ ተሳዒራ።
- ኣርሰናል በዚ ዳኛ ክትምራሕ ከላ፡ ካብ 4 ጸወታ ኣብ 3 ተዓዊታ፡ ኣብ 1 ድማ ተሳዒራ።
#ቸልሲ #ቶተንሃም #ኣርሰናል #ኣትሌቲኮማድሪድ #ላምፓርድ #ዣቪሲሞንስ #ሻምፒዮንስሊግ #ዋንጫዓለም #ኩዕሶእግሪ #ትግርኛ
Cinema Semereሲነማ ሰመረ በራኺTemesghen Tsegay
