Gujju_gazal

10/21/2021

ચંદની પડવા ની શુભેચ્છા ઓ 🌌🎉
હોય હાથ માં તો સમય પેક કરી લઉં,
તારા માટે ચાંદની ની બેગ ભરી લઉં.
- જીગર ગામીત

છબી ViVijaya ChaudharihVijaya Chaudhari

07/29/2021

આ સમયને હું ન થંભાવી શકું,
તું કહે તો સહેજ લંબાવી શકું.

રોજ તો આવે નહીં એ જાણું છું,
શક્ય છે, ક્યારેક બોલાવી શકું.

એટલો અધિકાર દે, મારા સનમ !
ધારું ત્યારે દ્વાર ખખડાવી શકું.

ઝાંઝવા ક્યાં છું, સરોવર છું હું તો,
કોઈને હું કેમ તરસાવી શકું ?

આટલી છે વાત મારા હાથમાં,
સ્વપ્નમાં તુજને હું શોભાવી શકું.

વાત પૂરી જે ન સમજાણી મને,
એ જગતને કેમ સમજાવી શકું ?

‘રાજ’ મારી જેમ તરસ્યા થાય તો,
ઝાંઝવાને હું ય લલચાવી શકું.

– ‘રાજ’ લખતરવી

04/04/2021

ગુજરાતી સાહિત્ય ના રતન એવા ખલીલ સાહેબે આપણી વચ્ચે થી વિદાય લીધી છે, ભગવાન એમની આત્મા ને શાંતિ આપે😞
હવાનો હાથ જાલીને રખડતા આવડી ગ્યુ છે,

મને ખુશ્બૂની દુખતી રગ પકડતા આવડી ગ્યુ છે.

હવે આનાથી નાજૂક સ્પર્શ બીજો હોય પણ ક્યાંથી,

મને પાણીના પરપોટાને અડતા આવડી ગ્યુ છે.

બધા ખમતીધરો વચ્ચે અમારી નોંધ લેવાશે,

ભરી મહેફિલમાં સૌની નજરે ચડતા આવડી ગ્યુ છે.

હવે તો સાપને પણ ઝેર ખાવાનો વખત આવ્યો,

મદારીને હવે માણસ પકડતા આવડી ગ્યું છે.

– ખલીલ ધનતેજવી

03/21/2021

શબ્દની સરિતા સમી તું રમતી ખોળે મળે,
જીવતરની ભીંત સજાવતી,સોંસરતી મળે.
હજી મહેકે છે હરકોઈ તારા શ્વાસે શ્વાસે,
સતત ગૂંજતી ને ગાજતી તું હર હૈયે મળે.
- વિજયા ચૌધરી
Vijaya Chaudhari
વિશ્વ કવિતા દિવસની શુભેચ્છાઓ🤗💐

01/14/2021

મૌન ની ગણી વાત થઈ શકે છે,
દરેક પગલે નવી શરૂઆત થઇ શકે છે,

ભોગોલિક અંતર ક્યાં નડે સંબધો ને,
બસ આ આંખ મીચો ને મુલાકાત થઈ શકે છે.
-કૃપા પટેલ

12/22/2020

11/08/2020

ખાલીપાથી ખખડેલો છુ.
હું બંધ મકાનનો ડેલો છુ.
ખુદને શોધવાની પાછળ હું,
બહુ જગ્યાએ ભટકેલો છુ.
કોણ હવે સાચવશે મુજને,
હું દોસ્તીનો હડસેલો છુ.
ખબર નહી ક્યારે ફૂટી જઈશ,
ફુગ્ગાની જેમ ફૂલેલો છુ.
થોડો ઢાળ મળે ,વહી જઈશ,
વહેતા પાણીનો રેલો છુ.
કોઈ પૂછે મારે વિષે,
તો કહેજો કે બહુ ઘેલો છુ.
છુ હમસફર ઘણાનો ,કેમકે,
બેગ છુ,બિસ્તર છુ, થેલો છુ.
સાંભળવાનો મોકો જો મળે,
તો સાંભળજો ,ભલે છેલ્લો છુ.
સાવ અનોખી વાત લઈને,
હું ય લાઈનમાં ઉભેલો છુ.
- Sudhir Datta

11/08/2020

ખાલીપાથી ખખડેલો છુ.
હું બંધ મકાનનો ડેલો છુ.
ખુદને શોધવાની પાછળ હું,
બહુ જગ્યાએ ભટકેલો છુ.
કોણ હવે સાચવશે મુજને,
હું દોસ્તીનો હડસેલો છુ.
ખબર નહી ક્યારે ફૂટી જઈશ,
ફુગ્ગાની જેમ ફૂલેલો છુ.
થોડો ઢાળ મળે ,વહી જઈશ,
વહેતા પાણીનો રેલો છુ.
કોઈ પૂછે મારે વિષે,
તો કહેજો કે બહુ ઘેલો છુ.
છુ હમસફર ઘણાનો ,કેમકે,
બેગ છુ,બિસ્તર છુ, થેલો છુ.
સાંભળવાનો મોકો જો મળે,
તો સાંભળજો ,ભલે છેલ્લો છુ.
સાવ અનોખી વાત લઈને,
હું ય લાઈનમાં ઉભેલો છુ.
- Sudhir Datta

10/30/2020

હમણાં કશું લખાતું નથી એવું કેમ છે ?
ખુદને મળી શકાતું નથી એવું કેમ છે ?

ઝાકળની જેમ ક્ષણમાં ઊડી જઈશ હું છતાં
એ ફૂલને અડાતું નથી એવું કેમ છે ?

રાખી શકું છું સૂર્યમુખી જેવી દૂરતા
ને તો ય ત્યાં ટકાતું નથી એવું કેમ છે ?

એની નજીક વર્ષો લગોલગ રહીને પણ
અંતર હજુ મપાતું નથી એવું કેમ છે ?

પાણીની જેમ સરકી જવું છે, ખબર છતાં
એની ગલી વળાતું નથી એવું કેમ છે ?

બસ આંસુ આંખમાંથી વહેતા મૂકી શકું
ના પૂછ કે હસાતું નથી એવું કેમ છે ?

~~ મેગી અસનાની ~