07/18/2026
UPNA THU
John 3:14-16
UM i cih ciangin i upna pen a si upna maw a hing up na?
Zeisu Khazih um cih ciangin Itna leh thumanna tawh nuntaknabuppi ama tungah ap cihna a hi hi.
Pasian in a piansaksa leimi, mawhnei mite tawntung meilipi sungah Dawimang tawh pai khawm ding hong phal lo in, a piansak sa mihingte hongit luat mah” a hih man in, a Tapa khatbek a neih sun Zeisu Khazih tawh ei te hong gum/honkhia/tankhia dingin leitungah hong paisak in, Tua Zeisu in, Pasian tawh i ki pawl theihna ding/ amah kiang i pai theihna ding, amah tawh i om khawp theih na dingin a nuntakna hong pia in,natna pan dam na i ngah theihna dingin satna thuak in, nopna i ngah theihna dingin gimna hong thuak a, i mawhna te khempeuh Singlamteh tung ah a ma pumpi tawh hong puaksak bek tham lo in, a si san tawh in eite mawhnate khempeuh hong silsiangsak hi,si in ki vui in, asih zawh ni thum ni in Vangliatna tawh tho kik hi, ei te zong a mah tawh a tho kik te hi hang,Tua T**a in minthanna vangliatna khempeuh tang tawntung ta hen.Amen. Amah pen Pasian Tapa kei hong gumpa leh ka T**a hi ci-in i lungsim takpi in i kam tawh i pulak cingin hotkhiatna ki ngah in, tawntung nuntakna hong pia lai hi,ei sep kul lo in i upna hangin a ki ngah a hihi.
Pasian hih na tem khat gen dih ni,
Leitung mi khempeuh a huai zo dingin Pasian in itna nei hi,
Mawhmaisakna ngah theihna dingin biakpian na dingin Pasian in a T**a singlamteh tungah hong pia khia hi,
UM; (a) Zeisu Khazih in Pasian Tapa a mangthang mihingte a dingin honpa ahi hi. (b) A ma tungah ki pum ap a, a mah tawh pum khat suahna dingin thuman na leh
( c ) Zeisu Khazih in gupkhiatna hong pia zo tak tak Pa a hih na leh Pasian tawh kilawmtatna hong bawlsak Pa hi ci-in um a, san na hi.
Ih zuiih dingin theih vuai pawl khat
Nuntak tawntungna a ngah mite in Zeisu thupiaknate zuih loh pha mawh hi.
A mah in gah tampi a gah ding hong deih hi,
It na nei in itna ih nei kei leh a mah um ki ci thei lo dinghi,
Nisim in cilehsa deihna te sih sak den kul hi pawl khat pen vui kul lai hi, Zeisu en gige in, Vantung thu te bek mah lung ngai” den in,
Thu ngetna Lai Siangtho simna cih te lawp mah” na tawh hi denden ding hi hang,
Khazih sungah itna leh upna kip tawh a nungta mite in agah a gah leenggui hiangte hi uh a,amah nuntakna in leengguipi ahi Zeisu Khazih tawh ki zopna man nei uh hi,
Thu um mite nuntak zia ding, Kha Siangtho gah gahte
Itna
Lungdamna
Kilemna
Lungduaina
Mi hehpihna
Gitna
Diktatna
Lungnemna
Pumpi deihna khamna cih te a hihi.
Tua a hih man in, Pasian Tapa i up mah bangin i nuntakna pen ei a hi nawn loh a hih man in ei deihna bangin gamtat ding hi nawn loh in, Ei hong neipa ih T**a Zeisu Khazih deihna bangin i nuntak ding a mah in hong deih hi, Tua bangin i nuntak cingin ei a hi lo, i sunga Pasian in hong koih’Sihna in len zolo in a thosak kik pa, Kha Siangtho hong gah khia ding hi. Kha Siangtho ki makaih sak in a mah mun pia in Zeisu Khazih tawh ki sutna lam ah ki tuh bawl zaw ni cih in i ki gen phapha nuam hi.i biak Pasian in thupha hong pia ta hen.Amen…
Apt 23,2024 ZKT Dalsan
