Story Za Moris

Story Za Moris KARIBU KWENYE UKURASA HUU KWA SIMULIZI MURUA NA ZA KUVUTIA

19/08/2026

Part 2 : Mke wa Mtu Sumu,Alitokwa vipele vya Ajabu 😱

18/08/2026

Mke wa Mtu Sumu,Alitokwa vipele vya Ajabu 😱

17/08/2026

Mke wa mtu Sumu 😱

16/08/2026

Walimcheka Kisa PUA yake ndefu hawakujua ataolewa na mwanamfalme😱

LAZIMA UNIOESehemu ya 21Mtunzi: Moris ZambukeUsiku huo ulikuwa mrefu kuliko usiku mwingine wowote katika maisha ya Barak...
13/08/2026

LAZIMA UNIOE
Sehemu ya 21
Mtunzi: Moris Zambuke
Usiku huo ulikuwa mrefu kuliko usiku mwingine wowote katika maisha ya Baraka.
Alikuwa ameketi peke yake ndani ya chumba chake kidogo.
Mbele yake kulikuwa na vitu vitatu:
Barua ya kufukuzwa chuo.
Mchoro wa uvumbuzi wake.
Na...
Picha yake na Amina.
Alishika picha hiyo kwa mikono iliyokuwa ikitetemeka.
"Amina..."
Machozi yakamtoka.
"Nifanye nini sasa?"
Kwa upande mmoja kulikuwa na ndoto yake.
Kwa upande mwingine kulikuwa na mwanamke aliyempenda kuliko chochote.
Na kwa mara ya kwanza...
Baraka hakuona njia ya kutoka.
Siku iliyofuata
Baraka alifika chuoni kwa mara ya mwisho.
Wanafunzi waliokuwa wakimfahamu walimwangalia kwa huzuni.
Mmoja wao akamsogelea.
"Baraka..."
"Pole sana."
Baraka akatabasamu kwa uchungu.
"Asante."
Alitembea mpaka kwenye maabara aliyokuwa ametumia kwa miaka mingi.
Alisimama mlangoni.
Akaitazama meza aliyokuwa akifanyia kazi.
Akakumbuka siku alipoanza kuchora wazo lake.
Akakumbuka usiku aliokuwa akifanya majaribio.
Akakumbuka siku Amina alipomletea chakula.
Machozi yakamtoka.
"Nilikaribia..."
"Nilikuwa karibu sana."
Kisha akageuka.
Akaondoka.
Amina anasubiri
Nje ya jengo...
Amina alikuwa amesimama.
Alipomwona Baraka, alikimbia.
"Baraka!"
Baraka hakusema chochote.
Amina akamwangalia.
"Umeamua nini?"
Baraka akakaa kwenye benchi.
Amina akaketi pembeni yake.
Kwa muda mrefu hawakuzungumza.
Hatimaye Baraka akasema:
"Nimejaribu kutafuta njia."
"Sijapata."
Amina akashika mkono wake.
"Basi tutatafuta pamoja."
Baraka akatikisa kichwa.
"Hapana."
Amina akamwangalia.
"Kwa nini?"
Baraka akasema kwa sauti ya chini:
"Nimekubali."
Amina akaganda.
"Umekubali nini?"
Baraka akainua macho yake yaliyokuwa yamejaa machozi.
"Tutaachana."
Amina alibaki kimya.
Maneno hayo yalionekana kumvunja ndani kwa ndani.
"Baraka..."
"Nimejaribu."
"Nimepigana."
"Lakini kila ninapojaribu kukusogeza karibu yangu, wewe ndiye unaumia."
Amina akatikisa kichwa.
"Mimi niko tayari."
"Lakini mimi siko tayari kukuona ukipoteza kila kitu."
Baraka akafuta machozi.
"Nataka umalize masomo yako."
"Nataka uwe salama."
"Na nataka ndoto yangu iendelee."
Amina akamuuliza kwa sauti iliyovunjika:
"Na mapenzi yetu?"
Baraka hakujibu.
Kimya chake kilikuwa jibu.
Amina akaanza kulia.
Lakini Baraka hakumkumbatia.
Alijua akifanya hivyo...
Asingeweza tena kuondoka.
Akasimama.
"Samahani."
Amina akamwangalia akiondoka.
Hakumfuata.
Kwa mara ya kwanza...
Alimuacha aende.
Lakini Mzee Hamis hakuridhika
Usiku huo...
Baraka alipokuwa akifunga mlango wa chumba chake, gari jeusi lilisimama mbele ya nyumba.
Mzee Hamis akashuka.
Baraka alishtuka alipomwona.
"Mzee?"
"Nahitaji kuzungumza na wewe."
Baraka akamruhusu kuingia.
Mzee Hamis hakukaa.
Alisimama katikati ya chumba.
"Nimesikia umeamua kuachana na Amina."
Baraka akatikisa kichwa.
"Ndiyo."
"Vizuri."
Baraka akanyamaza.
Mzee Hamis akamtazama kwa muda.
Kisha sauti yake ikabadilika.
"Lakini bado sijaridhika."
Baraka akainua macho.
"Kwa nini?"
"Kwa sababu ninamjua binti yangu."
"Anaweza kusema amekubali."
"Lakini moyo wake hautakubali."
Baraka akashusha kichwa.
Mzee Hamis akaendelea:
"Amina akikuona tena..."
"Ataanza kukurudia."
"Na nikijua wewe bado upo karibu naye..."
Akasita.
"Safari hii sitakupa nafasi nyingine."
Baraka akamtazama kwa hofu.
"Unataka nifanye nini?"
Mzee Hamis akasema kwa sauti tulivu sana:
"Ondoka kwenye mji huu."
Baraka akashangaa.
"Mji huu?"
"Ndiyo."
"Anzia maisha yako sehemu nyingine."
"Chuo, ndoto zako... tafuta mahali pengine."
Baraka akatikisa kichwa.
"Lakini kwa nini niende?"
Mzee Hamis akamsogelea.
"Kwa sababu ninajua mwanangu."
"Akiendelea kukuona, hataachana na wewe."
"Na mimi sitaki hilo litokee."
Baraka akameza mate.
"Na nikikataa?"
Mzee Hamis akamtazama kwa macho makali.
"Usinilazimishe kusema zaidi."
Kimya.
"Nimekuwa nikikuzuia kwa kutumia mamlaka."
"Nimekufukuza chuo."
"Lakini safari hii..."
Akasimama mlangoni.
"Nataka uelewe kuwa hili si jambo la mchezo."
"Ukibaki hapa na kujaribu kumrudia Amina..."
Akasita.
"Unaweza kujikuta katika hali ambayo hutoweza kujinasua."
Baraka akabaki kimya.
Mzee Hamis akafungua mlango.
Kabla hajaondoka, akasema:
"Ondoka, Baraka."
"Usiniruhusu nikulazimishe kuchukua hatua ambazo sitaki kuzichukua."
Mlango ukafungwa.
Baraka akabaki peke yake.
Asubuhi iliyofuata
Baraka alianza kufunga vitu vyake.
Nguo chache.
Vitabu.
Mchoro wa uvumbuzi wake.
Na picha moja tu...
Picha yake na Amina.
Aliitazama kwa muda mrefu.
Kisha akaiweka ndani ya kitabu chake.
Simu yake ikaita.
Ilikuwa ni Amina.
Baraka aliitazama.
Simu ikaendelea kuita.
Hakupokea.
Amina akatuma ujumbe:
"Baraka, tafadhali nijibu. Sitaki kuamini kwamba kweli umeniacha."
Baraka akafumba macho.
Machozi yakamtoka.
Akaandika:
"Nisamehe."
Lakini kabla hajabonyeza kutuma...
Akafuta ujumbe wote.
Akaweka simu mfukoni.
Akachukua begi lake.
Akafunga mlango wa chumba chake.
Na kuanza kutembea...
Bila kujua kwamba nyuma yake alikuwa ameacha:
mapenzi yake, ndoto yake ya chuo, na maisha aliyokuwa ameanza kuyajenga.
Lakini pia...
Hakujua kwamba ndani ya siku chache zijazo, maisha yangemrudisha Amina kwake kwa njia ambayo hakuna hata mmoja wao angeitarajia.😭
Itaendelea...

LAZIMA UNIOESehemu ya 20Mtunzi: Moris ZambukeAsubuhi hiyo, Baraka aliingia kwenye jengo la utawala akiwa na moyo mzito.J...
12/08/2026

LAZIMA UNIOE
Sehemu ya 20
Mtunzi: Moris Zambuke
Asubuhi hiyo, Baraka aliingia kwenye jengo la utawala akiwa na moyo mzito.
Jana alikuwa na matumaini.
Leo alikuwa ameitwa kwenye kikao ambacho kingeweza kuamua maisha yake yote.
Amina alitaka kuingia naye, lakini Baraka akamzuia.
"Amina, k**a watataka kunifukuza, sitaki pia wakufukuze kwa sababu yangu."
Amina akamshika mkono.
"Chochote kitakachotokea, usiogope. Mimi niko upande wako."
Baraka akamtazama kwa muda.
"Hilo ndilo linanifanya niogope zaidi."
"Kwa nini?"
"Kwa sababu sitaki upoteze kila kitu kwa ajili yangu."
Amina akatikisa kichwa.
"Mimi mwenyewe nimechagua."
Baraka akaingia ndani.
Kikao
Ndani ya chumba kulikuwa na Dean, Mkuu wa Kitivo, wajumbe wa bodi na Mzee Hamis.
Mzee Hamis alikuwa amekaa kimya.
Baraka aliposimama mbele yao, Dean akafungua faili.
"Baraka Juma, umepewa nafasi ya kujitetea."
Baraka akasimama kwa utulivu.
"Niko tayari."
Ushahidi ukawekwa mezani.
Kulikuwa na madai ya matumizi yasiyoidhinishwa ya vifaa vya chuo, nyaraka zenye utata kuhusu mradi wake na malalamiko yaliyokuwa yamewasilishwa dhidi yake.
Baraka akajaribu kujieleza.
"Vifaa nilivitumia kwa ajili ya mradi wangu. Nilikuwa nimepewa ruhusa ya kutumia maabara."
Dean akamuuliza:
"Uko na hati ya kuthibitisha?"
Baraka akatafuta kwenye begi lake.
Hakukuwa nayo.
Uso wake ukabadilika.
"Niliiacha kwenye chumba changu."
Mjumbe wa bodi akatikisa kichwa.
"Hilo ni tatizo."
Baraka akasihi:
"Naomba mnipatie muda niilete."
Mzee Hamis akainua mkono.
"Nadhani muda wa kumuonea huruma umeisha."
Baraka akamwangalia.
Mkuu wa Kitivo akajaribu kuingilia.
"Mzee Hamis, bado kuna mambo hayajathibitishwa kikamilifu."
Mzee Hamis akamgeukia.
"Mambo gani?"
"Kijana huyu ana historia nzuri ya masomo."
"Historia nzuri haimfanyi mtu kuwa juu ya sheria."
Baraka akasema kwa sauti ya huzuni:
"Sijawahi kuiba chochote."
Mzee Hamis akamwangalia kwa muda mrefu.
"Lakini umeiba kitu."
Baraka akakunja uso.
"Nini?"
"Amani ya familia yangu."
Kimya kikatawala.
Baraka akatambua.
Hili halikuwa tena suala la chuo.
Lilikuwa suala la Amina.
Uamuzi
Dean akasimama na kusoma uamuzi wa bodi.
"Baada ya kupitia malalamiko na ushahidi uliowasilishwa..."
Akasita.
Baraka akashusha pumzi.
"Mwanafunzi Baraka Juma anaondolewa katika chuo hiki kuanzia leo, pending—"
Mkuu wa Kitivo akasimama.
"Subirini!"
Wote wakageuka.
"Ninaomba uamuzi huu usiwe wa mwisho."
Lakini Mzee Hamis akasema:
"Uamuzi tayari umefanyika."
Baraka alihisi k**a dunia imesimama.
Chuo.
Miaka yake yote ya kusoma.
Ndoto yake.
Mradi wake.
Vyote vilikuwa vimeanguka kwa wakati mmoja.
Macho yake yakajaa machozi.
"Kwa hiyo... nimefukuzwa?"
Dean akashusha macho.
"Ndiyo."
Baraka akakaa kwenye kiti.
Hakuweza kusema tena.
Mzee Hamis anatoa sharti
Baada ya kikao kuisha, Mzee Hamis alimwita Baraka pembeni.
"Usifikiri kila kitu kimekwisha."
Baraka akamtazama.
"Nimefukuzwa."
"Ndiyo."
"Kwa sababu yako."
Mzee Hamis hakukanusha.
"Lakini kuna njia moja ya kurudi."
Baraka akainua macho.
"Njia gani?"
Mzee Hamis akasema kwa utulivu:
"Utaendelea na chuo."
Baraka akabaki kimya.
"Lakini kuna sharti."
"Sharti gani?"
Mzee Hamis akamtazama moja kwa moja.
"Uachane na Amina."
Baraka akashtuka.
"Hapana."
"Hujanielewa."
"Ukitaka kurudi chuoni, kumaliza masomo yako na kuendelea na mashindano ya uvumbuzi..."
Mzee Hamis akasogea karibu.
"Amina lazima iondoke kwenye maisha yako."
Baraka akatikisa kichwa.
"Siwezi kufanya hivyo."
"Basi chuo kimeisha."
Baraka akabaki kimya.
Mzee Hamis akaondoka.
Amina anajua
Baraka alipotoka nje...
Amina alimkimbilia.
"Baraka! Vipi?"
Baraka hakujibu.
Amina akamwangalia usoni.
"Wamekufukuza?"
Baraka akainamisha kichwa.
Machozi yakamtoka.
Amina akamkumbatia.
"Hapana..."
"Hapana, Baraka."
"Tutatafuta njia nyingine."
Baraka akasema kwa sauti iliyovunjika:
"Kuna njia."
Amina akamwangalia.
"Ipi?"
Baraka akashindwa kusema.
Amina akamshika mkono.
"Niambie."
Baraka akafumba macho.
"Baba yako amenipa chaguo."
"Chaguo gani?"
"Nirudi chuoni..."
Amina akatabasamu kidogo.
"Hilo ni jambo zuri."
Baraka akatikisa kichwa.
"Lakini..."
Amina akatulia.
"Lakini nini?"
Baraka akamtazama machoni.
"Lazima niachane na wewe."
Tabasamu la Amina likatoweka.
Macho yake yakajaa machozi.
"Amesema hivyo?"
Baraka akatikisa kichwa.
Amina akatazama upande mwingine.
Kwa sekunde kadhaa hakusema neno.
Kisha akamgeukia Baraka.
"Na wewe?"
Baraka akashusha kichwa.
"Sijajua nifanye nini."
Amina akamshika mikono yote miwili.
"Usifanye uamuzi kwa ajili yangu."
"Amekuuliza uchague kati ya mimi na ndoto yako."
"Lakini mimi sitakuchagulia."
Baraka akalia kimya.
Amina akasema:
"K**a kweli unanipenda..."
"Usiniache kwa sababu unaogopa."
"Lakini pia usiache ndoto yako kwa sababu yangu."
Baraka akamwangalia.
Na hapo ndipo wawili hao walipogundua kwamba upendo wao ulikuwa umefika kwenye mtihani mkubwa kuliko wote.
Je, Baraka atachagua Amina au ndoto yake?
Itaendelea...

LAZIMA UNIOESehemu ya 19Mtunzi: Moris ZambukeAsubuhi iliyofuata...Baraka aliamka mapema sana.Usiku mzima alikuwa akifiki...
12/08/2026

LAZIMA UNIOE

Sehemu ya 19

Mtunzi: Moris Zambuke

Asubuhi iliyofuata...

Baraka aliamka mapema sana.

Usiku mzima alikuwa akifikiria maneno ya Mzee Hamis.

Hakujua k**a siku moja angekubaliwa na familia hiyo.

Lakini jambo moja alilolijua...

Hangeacha ndoto yake.

Aliingia kwenye chumba chake kidogo, akaketi mbele ya kifaa chake cha uvumbuzi, na kuanza kukifanyia marekebisho.

Baada ya muda...

Simu yake ikaita.

Namba haikujulikana.

"Hallo?"

Sauti ya mwanaume ikasema:

"Baraka Juma?"

"Ndiyo."

"Umefanya maombi ya kushiriki mashindano ya kitaifa ya ubunifu?"

"Ndiyo."

"Maombi yako yamekubaliwa."

Baraka akasimama ghafla.

"Unasema kweli?"

"Ndiyo."

"Kuna taarifa nyingine."

Baraka akanyamaza.

"Waandaaji wameamua kuongeza zawadi."

"Ni kiasi gani?"

Sauti ile ikataja kiasi kikubwa cha fedha.

Baraka akafumba macho.

Hicho ndicho kiasi ambacho angeweza kutumia kuanzisha kampuni yake baada ya kuhitimu.

"Na lini mashindano?"

"Baada ya siku kumi."

Simu ikakatwa.

Baraka akabaki amesimama.

Macho yake yakajaa machozi.

"Baada ya siku kumi..."

"Ndoto yangu inaweza kubadilisha maisha yangu."

---

Mchana...

Amina alipofika hospitalini, alimkuta Baraka amekaa nje ya chumba cha baba yake.

Alipomwona...

Akatabasamu.

"Una habari gani?"

Baraka akasimama.

"Habari kubwa."

"Niambie."

"Nimechaguliwa kwenye mashindano ya kitaifa."

Amina akashangilia.

"Baraka!"

Akamkumbatia kwa furaha.

"Nilijua utaweza!"

Lakini furaha yao haikudumu muda mrefu.

Mlango wa chumba cha Mzee Hamis ukafunguliwa.

Muuguzi akatoka kwa haraka.

"Amina!"

"Ndiyo?"

"Samahani..."

"Naomba uje ndani."

Amina akaingiwa na hofu.

"Kwa nini?"

"Mzee Hamis ameamka na anaonekana kuwa na hasira."

Amina akaingia.

Mzee Hamis alikuwa amekaa kitandani.

Alipomwona binti yake...

Akasema:

"Yuko wapi?"

Amina akajifanya hajui.

"Nani?"

"Baraka."

Amina akanyamaza.

"Yuko nje."

Mzee Hamis akavuta pumzi.

"Mwite."

Amina akashangaa.

"Baba..."

"Mwite."

---

Baraka aliingia taratibu.

"Shikamoo."

Mzee Hamis akamwangalia kwa muda mrefu.

Kisha akasema:

"Umesikia habari?"

"Habari gani?"

"Umechaguliwa kwenye mashindano."

Baraka akashangaa.

"Ndiyo."

Mzee Hamis akatabasamu kidogo.

"Unajua ukishinda..."

"...utakuwa umejenga jina lako."

Baraka akatikisa kichwa.

"Ndiyo."

"Na k**a ukishindwa?"

Baraka akajibu kwa utulivu:

"Nitaendelea."

Mzee Hamis akamwangalia kwa makini.

"Una moyo mgumu."

Baraka akatabasamu kwa huzuni.

"Umaskini humfundisha mtu kutokata tamaa."

Maneno hayo yalimfanya Mzee Hamis anyamaze.

Baada ya muda akasema:

"Kesho nitakupa nafasi ya kunieleza kuhusu huo uvumbuzi wako."

Baraka akashtuka.

Amina akatabasamu.

"Kweli, baba?"

"Ndiyo."

"Lakini..."

Mzee Hamis akamtazama Baraka.

"Hii si maana kwamba nimekubali uhusiano wenu."

Tabasamu la Amina likapotea.

Baraka akainamisha kichwa.

"Nimeelewa."

---

Usiku huo...

Brenda alikuwa ameketi kwenye mgahawa na mtu aliyekuwa amemwita.

Mtu huyo alikuwa ameficha uso wake kiasi.

Brenda akasema:

"Umesema una mpango wa kuwazuia?"

"Ndiyo."

"Na k**a Baraka akishinda?"

Mtu huyo akatabasamu.

"Hatafika kwenye mashindano."

Brenda akakaa kimya.

"Una maana gani?"

Mtu huyo akasogeza bahasha mezani.

"Kesho asubuhi..."

"Baraka atapokea tuhuma mpya."

Brenda akaifungua bahasha.

Alipoona kilichokuwa ndani...

Uso wake ukabadilika.

"Hii..."

"Umeipata wapi?"

Mtu huyo akasema kwa sauti ya chini:

"Usiulize."

"Cha muhimu ni kwamba..."

"Kesho kila mtu ataanza kumwona Baraka k**a mwizi."

Brenda akatabasamu.

Lakini wakati wakiondoka...

Hawakujua kuwa mtu aliyekuwa ameketi meza ya nyuma alikuwa amesikia mazungumzo yao.

Na mtu huyo...

Alikuwa na uhusiano wa karibu sana na Baraka.😱

Itaendelea...

LAZIMA UNIOESehemu ya 18Mtunzi: Moris ZambukeUsiku huo...Korido za hospitali zilikuwa kimya.Amina alikimbia kuelekea kwe...
11/08/2026

LAZIMA UNIOE

Sehemu ya 18

Mtunzi: Moris Zambuke

Usiku huo...

Korido za hospitali zilikuwa kimya.

Amina alikimbia kuelekea kwenye chumba cha dharura huku Baraka akimfuata nyuma.

"Mama!"

Bi. Sofia aligeuka.

Macho yake yalikuwa mekundu kwa machozi.

"Amina..."

"Yuko wapi baba?"

"Madaktari bado wanamhudumia."

Amina akakaa kwenye kiti huku mikono yake ikitetemeka.

Baraka alibaki amesimama mbali kidogo.

Aliona watu wa familia wakimwangalia.

Hakuna aliyesema neno.

Lakini macho yao yalisema kila kitu.

Baada ya muda...

Kaka yake Amina, Salim, alimsogelea Baraka.

"Wewe."

Baraka akainua macho.

"Naam?"

"Kwa nini umefuata hapa?"

Baraka akashusha kichwa.

"Nimekuja na Amina."

Salim akacheka kwa uchungu.

"Baada ya baba kulazwa kwa sababu ya mambo yenu?"

Baraka hakujibu.

Salim akasogea karibu.

"Wewe umeingia kwenye familia hii na kuleta matatizo."

Amina akasimama ghafla.

"Salim!"

"Usimlaumu Baraka."

"Yeye hakumfanya baba augue."

Salim akamgeukia.

"Na wewe bado unamtetea?"

Amina akafuta machozi.

"Ndiyo."

"Kwa sababu hajafanya kosa."

---

Mlango wa chumba cha dharura ukafunguliwa.

Daktari akatoka.

Wote wakasimama.

"Familia ya Mzee Hamis?"

"Ndiyo."

Daktari akawatazama.

"Hali yake imetulia kwa sasa."

Amina akavuta pumzi kwa nguvu.

"Naweza kumuona?"

"Kwa muda mfupi."

Amina akaingia.

Baraka alibaki nje.

Lakini kabla hajakaa...

Mzee mmoja aliyekuwa ndugu wa familia akamwambia kwa sauti ya chini:

"Wewe kijana..."

"Ukiwa na huruma hata kidogo..."

"Ondoka."

Baraka akamwangalia.

"Kwa nini?"

"Kwa sababu uwepo wako hapa unazidisha matatizo."

Baraka hakubishana.

Alitazama mlango ambao Amina alikuwa ameingia.

Kisha akaketi.

---

Ndani ya chumba...

Amina alimwona baba yake akiwa amelala.

Alimsogelea taratibu.

"Baba..."

Hakujibu.

Amina akashika mkono wake.

"Ni mimi."

"Usinifanyie hivi."

Machozi yakaanza kumtoka.

"Najua umekasirika."

"Najua unataka kunilinda."

"Lakini Baraka si mtu mbaya."

"Na mimi sitaki kumpoteza."

Kwa sekunde kadhaa...

Hakukuwa na jibu.

Kisha vidole vya Mzee Hamis vikatikisika kidogo.

Amina akashtuka.

"Baba?"

Macho yake yakafunguka taratibu.

Akamwangalia Amina.

Kwa sauti dhaifu akasema:

"Ume...kuja?"

Amina akalia.

"Ndiyo baba."

"Baraka..."

Amina akakaa kimya.

Mzee Hamis akafumba macho.

"Yuko hapa?"

Amina akatikisa kichwa.

"Yuko nje."

Mzee Hamis akavuta pumzi.

"Kwanini..."

"Kwa nini bado anakuja?"

Amina akafuta machozi.

"Kwa sababu hata k**a hamumpendi..."

"...anakuheshimu."

Mzee Hamis hakujibu.

---

Baada ya dakika chache...

Amina alitoka.

Baraka akasimama haraka.

"Vipi?"

"Amepata fahamu."

Baraka akapumua kwa utulivu.

"Nashukuru Mungu."

Amina akamshika mkono.

"Anataka kukuona."

Baraka alishtuka.

"Mimi?"

"Ndiyo."

Salim akapinga.

"Hapana."

Lakini Bi. Sofia akamzuia.

"Muache aingie."

Baraka akatembea taratibu kuelekea chumbani.

---

Alipoingia...

Mzee Hamis alikuwa akimtazama.

Kwa mara ya kwanza hawakuwa na umati wa watu.

Hakukuwa na walimu.

Hakukuwa na wanafunzi.

Hakukuwa na mamlaka.

Walikuwa wanaume wawili tu.

Mzee Hamis akasema kwa sauti dhaifu:

"Njoo."

Baraka akasogea.

"Shikamoo."

Mzee Hamis akamwangalia kwa muda mrefu.

Kisha akauliza:

"Kwa nini umefika?"

Baraka akajibu kwa utulivu.

"Kwa sababu Amina anaumia."

Mzee Hamis akafumba macho.

"Si kwa ajili yangu?"

Baraka akakaa pembeni.

"Na kwa ajili yako pia."

"Kwa sababu wewe ni baba yake."

Mzee Hamis hakutarajia jibu hilo.

Baraka akaendelea:

"Mimi sijawahi kutaka kumchukua Amina kutoka kwenye familia yake."

"Nataka tu nafasi ya kuthibitisha kwamba mimi si mtu mnayemdhania."

Mzee Hamis akamtazama.

"Na k**a nikikataa?"

Baraka akashusha macho.

"Bado nitamheshimu Amina."

"Lakini sitaacha kupigania ndoto yangu."

Mzee Hamis akasema:

"Na mapenzi yenu?"

Baraka akatulia.

Kisha akasema:

"Nitayapigania bila kumlazimisha Amina akuchague wewe au mimi."

Maneno hayo yalimfanya Mzee Hamis anyamaze.

Kwa mara ya kwanza...

Alianza kujiuliza k**a kweli alikuwa amemhukumu Baraka kwa sababu ya umaskini wake.

---

Baraka alipotoka chumbani...

Amina alikuwa akimsubiri.

Alipomuona...

Akatabasamu kupitia machozi.

"Alisema nini?"

Baraka akatikisa kichwa.

"Ni siri."

Amina akacheka kidogo.

"Siri gani?"

Baraka akamtazama.

"Kwamba bado hajanikubali."

Amina akashusha pumzi.

"Lakini?"

"Lakini leo..."

"...amenisikiliza."

Wakashikana mikono.

Hakuna aliyegundua kuwa mwisho wa korido...

Brenda alikuwa amesimama.

Alikuwa amekuja kumtembelea ndugu mmoja wa familia.

Alipowaona Amina na Baraka pamoja...

Akatoa simu yake.

Akawapiga picha.

Kisha akatuma kwa mtu mmoja.

Ujumbe wake ulikuwa mfupi:

"Wako pamoja tena. Mpango wetu wa kuwatenganisha lazima uharakishwe."

Muda mfupi baadaye...

Simu yake ikajibu.

"Usijali. Kesho tutaanza."

Brenda akatabasamu.

Lakini hakujua...

Mtu aliyekuwa nyuma ya mpango huo hakuwa tena mtu wa kawaida.

Na kesho yake...

Baraka angepokea habari ambayo ingebadilisha kabisa mwelekeo wa ndoto yake.😱

Itaendelea...

Story Za Moris

03/08/2026

part 2 : Mama wa kambo Alimlisha Majani Yatima😱

02/08/2026

Mama Wa Kambo Anamlisha Majani Mtoto Yatima

Address

TEGETA
Dar Es Salaam

Telephone

+255692407704

Website

Alerts

Be the first to know and let us send you an email when Story Za Moris posts news and promotions. Your email address will not be used for any other purpose, and you can unsubscribe at any time.

Shortcuts

Share