إيجا نقلك

إيجا نقلك © حذامي سحنون

🤍
17/06/2026

🤍

15/06/2026

(ربِّي إنّي مَسَّنِيَ الضُّرُّ وَأَنتَ أَرْحَمُ الرَّاحِمِينَ )

ربي لقد أصابني من التعب ما يكفيني
و ما رأيت ثقلا علي قلبي مثل ثقل هذه الأيام
اللهُمَّ هَون .. ثُم هَون .. ثُم هَون .. ثُم أَرِح نَفْساً
لا يعلم بحالِها إلَّا أَنتَ وهون عليا ما لا استطيع تحمله
ياالله واجعل لي من كل ضيق مخرجًا ومن كل هم ف*جًا
يارب كن لي حبيباً وكن لي قريباً وكن لدعائي مجيباً اللهم إني أحسنت بك الظن فأجبرنى
ربي إني مسني الضر و أنت أرحم الرحمين
اللهم أنت حسبي حين تضيق الحياة
"ربِّي إنّي مَسَّنِيَ الضُّرُّ وَأَنتَ أَرْحَمُ الرَّاحِمِينَ"
اللهم فارج الهم وكاشف الغم يا مجيب دعوة المضطرين
ف*ج عني ما ضاق به صدري وعجز معه صبري
وقلت فيه حيلتي وضعفت له قوتي 🙏🏻✨

14/06/2026

لا وقت للانهيار، حارب حتى وانت تسقط 🤍✨

🫶
13/06/2026

🫶

12/06/2026

ما نعرش شنيا الحاجة الي شدتني ليك، ممكن خاطرك تفهمني، حسيتك سند وقت ما كان فما حد، سامحتني على قد دلالي، صبرت على غيرتي وحبيت مرجي.. ممكن خاطر تعدينا جبال من المشاكل مع بعضنا ، وخاطرك كنت موجود في أكثر لحظات ضعفي، خاطرك جيت كي كانت الدنيا ظلام في عينيا ، كي ستحقيت اني نعطي ثقتي في إنسان ما يخيبنيش.. جيت انت على شكل عوض من ربي.. نتفكر نهار الي قتلي "يزيك ما هزيت حملك وحدك، خليني تهز معاك شويا".. ما نعرش كيفاش نلقى روحي نحكيلك في خبابلي الكل وانا دموعي سابقتني.. شكيتلك من الدنيا ، من الناس، من القراب والبعاد.. تخبيت عندك وانا نرعش خوف من العالم..
انا الي مستانسة نكتم سري وضعفي.. انا الي بعمري لا وريت لحد وجيعتي ، جيتك نجري هازة قلبي بين يديا خايفة عليه من العالم وعطيتو ليك امانة عندك..
حبيتك اي، عشقت تفاصيلك الكل ، الحديث معاك كان بالنسبة ليا علاج نفسي من كل مشاكل العالم ، ضحكتك كانت ترجعني لدنيا وصوتك كان يخليني نضحك كي الطفلة الصغيرة..
حفظت روتينك، كلامك، غزرتك، وحتى نبرة صوتك كي تتبدل.. وليت حافظتك أكثر من روحي لدرجة انو كي حاجة تتبدل نعرف انو فما حاجة موش هي فيك..
خفت عليك مرات لدرجة اني نبات الليل ندعي ربي انو ما يوجعنيش فيك ويحفظلك قلبك، بكيت لوجايعك سوايع، كي تتنهد نحس قلبي يتقبض ، كي نرى حد باش يضرك كان نلقى نمحيه من الكون..
حبيتك محبة صافية بعمري لا توقعت انها تكون موجودة، ما توقعتش الي فما إنسان ينجم يحب لدرجة هاذي..
عشت معاك المشاكل، الفرحة، الفشل والنجاح.. عشت معاك كل شي وخليتك تدخل في كل تفصيل من حياتي.. ومن كثر ما كنت فرحانة بيك كنت نخاف اني نحكي عليك..
اليوم هاك موجود في عالمي، تفرح فيا كيما كل مرة ، تضحكني بكلمة وتفرحني ب geste، الاحلام معاك قاعدة تتحول حقيقة ، المحبة تزيد والدنيا على قد ماهي صعيبة على قد ما تحلى 🤍✨
© حذامي سحنون

12/06/2026

فما حاجة تعلمتها المدة هاذي وعرفت قيمتها اسمها "السكوت" 😌
تعلمت اني نسكت كي نشوف زوز ينافقوا في بعضهم، ونسكت زادا كي نعرف الي انت تحب على مصلحتك مني موش حاجة اخرى، ونسكت زادا كي نعرف قلبك شنيا فيه من داخل وانت تحكي معايا بكل حب وود..!
السكوت حاجة محلاها، حد ما ينجم يفهم انك تعرف كل شي اما ساكت خاطرك تحب تعيش بامان كهو، ومسلم بقية امورك لرب العالمين ❤️‍🩹
©️ حذامي سحنون

الله معك 🤍✨
11/06/2026

الله معك 🤍✨

بعمرك لا تغيضك 🤍
10/06/2026

بعمرك لا تغيضك 🤍

09/06/2026

"يوم من صائفة جوان"
كان نهار عادي، قمت وانا ندعي في ربي يعطيني القوة الي انجم نكمل بيها نهاري، حاسة التعب ساكن تراكن بدني من قلة النوم، السهر والخدمة والقومان بكري ثلاثة حاجات بالنسبة ليا انا ما يجيوش مع بعضهم.. لحقيقة ما كانش نهار مزيان من أولو، بالعكس كانت فيه برشا حاجات نحمد ربي أنها ما خلاتنيش نتطرشق بالبكاء، رغم اني إنسانة قوية ومتفائلة اما ساعات تجيني فترة نبدى فيها موش طايقة روحي، تلقاني نقاوم في كل شي باش نظهر الي انا لباس، نحاول اني ما نوجع حد واني وما نخرج حتى ردة فعل تخلي غيري يتقلق.. اما ماك تعرف كي الدنيا وعبادها يعملو علينا بلعاني ساعات..
ما نطولش عليكم، حضرت روحي وقصدت ربي للخدمة، "التدريس" بالنسبة ليا بعمرو لا كان مهنة احلامي، اما اليوم كي نرى الناس الي عرفتهم، محبتهم ووجودهم في حياتي، نحمد ربي الف مرة انو اختارلي هالطريق.. تلامذتي أغلبهم اكبر مني في العمر اما علاقتنا فيها برشا محبة، صداقة وخاصة احترام كبير.. تلقاني نقري فيهم ونغزر لكل حد فيهم، نفرح كي نحسهم فرحانين، ونحس بإحباط كبير كي نحس الي مشاغل الدنيا مخليتهم سارحين..
كملت الساعتين لولانيين وهربت.. في مخي الي انا نحب نقعد على البحر وكهو، مشيت نجري للمرسى، وصلت وقعدت وحدي على حاشية الشط، نغزر للموجة كي تتقلب، نفرغ في مخي من المشاكل الي مخليتني ما نرقدش الليل.. نعمل لروحي في Therapie أساسها صوت الموج، النسمة الخفيفة وريحة الماء..
الدنيا النهارين هاذم موش عاملة معايا المليح ، نحس في كل شي ضدي ولا ممكن وليت نحس بزايد وكهو.. نحس بزايد كي نخمم الي روحي لازم تبقى كيما هي ما تتمسش، ووقت الي نرى أكثر ناس حبيتهم وحاربت على خاطرهم وقت الحاجة خلاوني، وكي نخمم قداش ستحقيت اني نلقى شكون معايا يطبطب ويحن وما لقيت كان روحي..
لحقيقة اني كنت ديما وحدي، حتى كي تطيح بيا الدنيا وتجيني جبال من الهموم نعنق روحي بيديا الزوز ونقلها "ما تخافش هاني معاك، انا ما نخليكش وزيد عندنا ربي".. الحياة بعمرها لا كانت ساهلة معايا، بالعكس تعديت بلحظات من كثر ما تعدى على راسي لدرجة اني وصلت نخاف من اي انسان يقعد بجنبي ويقرب مني.. اما المشكل في هذا الكل الي حد ما فهم، حد ما لاحظ نبرة صوتي الخايفة ، وحد ما حس رعشة يدي ونبرة صوتي الي الكلها وجيعة.. كنت كي نتوجع نحاول نخبي دمعتي ونبلعها.. اما في نفس الوقت نتمنى تعنيقة من حد يقلي "هاني معاك، ماكش وحدك!"
اما الله غالب، في لحظاتي الخايبة الكل هزيت روحي لدرجة اني وليت ما نستنى شي من حد..
هزني صوت الموج وانا نخمم في هذا الكل، تبسيمة نصر وفخر على وجهي ودمعة في عيني على حالة قلبي المسكين.. وصدقوني ما قمت من هذا الكل الا بقطرة مطر هبطت على يدي.. اي والله مطر في جوان! ونخليكم تتخيلوا وحدكم المشهد الجميل الي انا فيه: طفلة وحيدة على شط المرسى بحذا قبة الهواء تغزر للبحر الكبير، مونستها نسمتو، صوت موجو، وقطرات المطر، مرة تتبسم ومرات تبكي وكان تلقى تصيح باش تخرج كل حاجة كاتمتها في داخلها عندها سنين.. كنت كان نلقى الوقت ياقف في اللحظة اذيكا، مازلت مستحقة النوع هذا من العزلة ، مازلت مستحقة "روحي" ومازلت نحب نحكي معاها ونطمنها انو انا موجودة وموش باش نخليها..
غزرت لمنڨالتي نلقى الوقت تعدى.. لازمني نرجع لخدمتي، قسمي وتلامذتي.. كنت نمشي وانا نوعد في روحي اني باش نعاود نهرب بيها مرة أخرى من الجوجمة ونحكي معاها ونفهمها.. 🖤✨
©حذامي سحنون

08/06/2026

" سيماهم في وجوههم "

فما ناس وقت تشوفهم تلقى ربي حاطط في وجوهم قبول غريب ، ترتاحلهم من اول مرة ، و تحس نقاء قلوبهم طاغي عليهم من غير حتى ما يتكلموا . هذاكا علاش يتعرف من الطلة ، فما ناس طلتهم مُريحة و طيبتهم مرسومة على ملامحهم و البشاشة اللي في وجوهم قادرة تخليك حابب تتعامل معاهم ، الطيب يبان ، و الخبيث يبان مهما حاول يخبي

ربي يجعل طلّتنا في عيون عباده مُريحة .

Address

Tunis

Website

Alerts

Be the first to know and let us send you an email when إيجا نقلك posts news and promotions. Your email address will not be used for any other purpose, and you can unsubscribe at any time.

Shortcuts

Share