24/09/2026
يزيو مالكذب!!
راكم وليتو تكذبو حتى في أتفه الحاجات.. صباحكم كذب، ليلكم كذب، وكأنو الحقيقة ولات حاجة نخافو منها، وكأنو الاعتراف بالغلطة ينقص من قيمة الإنسان..!!
شنية فيها كي تقول الحقيقة كيما هي؟
قول " غلطت " قول " ما نحبش " قول " ما نعرفش " قول "معادش نحب نكمل " خير ما تخلق ألف حكاية بش تبرر حاجة انت تعرفها مالأول..!!
الصراحة ساعات توجع اما وجيعتها نظيفة.. الكذبة بالعكس تبدا صغيرة وبعد تكبر وتستحق كذبة أخرى تغطيها حتى تلقى روحك عايش حياة كاملة مبنية على حاجة مش صحيحة..!!
اخسر وكون واضح خير ما تربح بالكذب.
اخسر علاقة بالحقيقة خير ما تحافظ عليها بشخصية مش شخصيتك.. اخسر إعجاب، فرصة، وحتى ناس.. أما ما تخسرش روحك بش ترضيهم..!!
خاطر الحقيقة تنجم تخليك وحدك لبعض الوقت.. أما الكذبة تنجم تخليك محاط بالناس وغريب على روحك
