01/06/2026
Sunday..................................................
ကျွန်တော်တို့ စုဖွဲမှု သင်တန်းမှာ Sunday ကို အားလပ်ရက်အဖြစ် သတ်မှတ်ထားတယ်။အဲ့နေ့မှာ တန်းမစီရဘူး။လွတ်လွတ်လပ်လပ် နေခွင့်ရတယ်။အားကစားပြိုင်ပွဲတွေ လုပ်တယ်။
လွန်ခဲ့တဲ့ Sunday က ဘောလုံးပြိုင်ပွဲ လုပ်ဖြစ်တယ်။ရှိတာက ခွဲ(၁)၊ခွဲ(၂)နဲ့ တပ်ရင်းရုံး....စုစုပေါင်းမှ သုံးသင်းရယ်။ခွဲ(1)နဲ့ ခွဲ(2) က ကစားသမား ပေါတယ်။လူလဲကစားဖို့ လူအပြည့်။
တပ်ရင်းရုံးက လဲစရာ လူမရှိဘူး။အရန်လူ မပြည့်။
Sunday တစ်ရက်တည်းမှာ ပြိုင်ပွဲကို အပြီးကျင်းပရတာ ဖြစ်လို့ အချိန်မလောက်ဘူး။သုံးသင်းကို အုပ်စုပါတ်လည်ပွဲ ကစားဖို့ အချိန်မလောက်ဘူး။
အဲတော့ သုံးသင်းမှာ ဖိုင်နယ်က ထိုင်စောင့်ဖို့ မဲနှိုက်ကြတာ ကျွန်တော်တို့ တပ်ရင်းရုံးက ရှုံးထွက်ပွဲ ကန်စရာမလိုဘဲ ညနေဖိုင်နယ်ပွဲကနေ ဇိမ်နဲ့ ထိုင်စောင့်ခွင့်ရတယ်။
ဆုကြေးက ပထမဆု တစ်သိန်းခွဲ၊ဒုတိယဆု ငါးသောင်းနဲ့ တတိယဆုက တစ်သင်းလုံးမှ ကြက်ဥ တစ်လုံး ဆုချမှာ။Sunday မနက်ပိုင်းမှာ ခွဲ(၁)နဲ့(၂) က ရှုံးထွက်ပွဲ ကန်တယ်။ပြိုင်ပွဲက အကြိတ်အနယ်။နိုင်တဲ့အသင်းက ညနေပိုင်း ဗိုလ်လုပွဲမှာ တပ်ရင်းရုံးနဲ့ ထပ်ပြိုင်ပြီး ဗိုလ်လုရမှာ။
မနက်ပိုင်း ရှုံးထွက်ပွဲမှာ ခွဲ(၁)က ရှုံးသွားပြီး တတိယဆုအဖြစ် တစ်သင်းလုံးမှ ဆုကြေး ကြက်ဥ တစ်လုံး ရသွားတယ်။မနက်ပိုင်းရှုံးထွက်ပွဲမှာ နိုင်သွားတဲ့ ခွဲ(၂) အသင်းက တစ်သင်းလုံးမှ ဆုကြေး ကြက်ဥတစ်လုံး ရတဲ့ ခွဲ(၁)နဲ့ မဲနှိုက်ပြီး ဖိုင်နယ်ကနေ အချောင်စောင့်နေတဲ့ ကျွန်တော်တို့ တပ်ရင်းရုံး အသင်းကို Bluetooth Box ထမ်းပြီး လေလာတိုက်တယ်။
ချစ်လို့ မှတ်တမ်းတင်ထားလိုက်တယ်။မနက်ပိုင်း၊ညနေပိုင်း ပွဲနှစ်ပွဲ ကစားထားတဲ့ ခွဲ(၂)ကို တစ်ပွဲမှ မကစားဘဲ ဖိုင်နယ်က အချောင်စောင့်ကစားတဲ့ ကျွန်တော်တို့ တပ်ရင်းရုံးက
(၈:၃) နဲ့ ရှုံးသွားတယ်။လေတိုက်ခံရတာ သေလုမြောပါးပဲ။
ဖော်ကောင် ဘညွန့် လုပ်လိုက်ဦးမယ်။တပ်ရင်းရုံးအသင်းခေါင်းဆောင်က ဗိုလ်မိုက်ခဲ၊တိုက်စစ်မှူးက 98။
ဆရာမိုး
4:40(pm)
31.5.2026
