08/10/2026
အမှိုက်သိမ်းရင်း ဘတ် ၁ သိန်းနီးပါး တွေ့ခဲ့ပေမယ့် တစ်ဘတ်တောင် မယူဘဲ ပိုင်ရှင်ထံ အပြည့်အဝ ပြန်အပ်ပေးခဲ့တဲ့ အမှိုက်သိမ်းဝန်ထမ်းတွေ
ထိုင်းနိုင်ငံ၊ အယုဒ္ဓယခရိုင်၊ ဘန်ပအင်မြို့နယ်က ပရမ်ပရာချာ ဘလူးတစ် အိမ်ရာမှာ အမှိုက်သိမ်းနေတဲ့ စည်ပင်ဝန်ထမ်းတွေဟာ ပုံမှန်အတိုင်း အမှိုက်လိုက်သိမ်းနေခဲ့ပါတယ်။
အဲဒီအချိန်မှာ အမှိုက်တွေထဲကနေ မဖြစ်သင့်တဲ့အရာတစ်ခုကို တွေ့လိုက်ရပါတယ်။
ငွေစက္ကူတွေကို အထုပ်လိုက် သေသေသပ်သပ်စီထားပြီး ပိုက်ဆံအိတ်တစ်လုံးနဲ့ ဖုန်းတစ်လုံးပါ အတူတူတွေ့ခဲ့တာပါ။
အထဲမှာရှိတဲ့ ငွေပမာဏက စုစုပေါင်း ဘတ် ၁ သိန်းလောက် ရှိပါတယ်။
အဲဒီငွေတွေဟာ အိမ်ပိုင်ရှင်က မတော်တဆ အမှိုက်နဲ့အတူ လွှင့်ပစ်မိသွားတာ ဖြစ်ပါတယ်။
ဘတ် ၁ သိန်းက ကိုယ့်ရှေ့မှာရှိနေပြီဆိုပေမယ့် အမှိုက်သိမ်းဝန်ထမ်းတွေကတော့ ဘာလုပ်မလဲဆိုတာ ဆုံးဖြတ်ချက်က တစ်ခုပဲရှိပါတယ်။
ပိုင်ရှင်ကို ဘယ်လိုပဲဖြစ်ဖြစ် ရှာပြီး ပြန်အပ်ပေးမယ်ဆိုတာပါ။
အဖွဲ့လိုက် ပိုင်ရှင်ကို လိုက်လံရှာဖွေခဲ့ကြပြီး နောက်ဆုံးမှာတော့ ပိုင်ရှင်အစစ်ကို ရှာတွေ့ခဲ့ပါတယ်။ တွေ့ရှိထားတဲ့ ငွေတွေ၊ ပိုက်ဆံအိတ်နဲ့ ဖုန်းကိုလည်း တစ်ဘတ်တောင် မလျော့ဘဲ အပြည့်အဝ ပြန်အပ်ပေးခဲ့ကြပါတယ်။
ဝန်ထမ်းတစ်ဦးကတော့ ဒီလိုပြောပါတယ်—
“ဒီနေ့ အလုပ်ထွက်လာရင်း ငွေတွေကို မတော်တဆတွေ့ခဲ့တာပါ။ ဒါကြောင့် ပိုင်ရှင်ကို ရှာပြီး ပြန်အပ်ပေးရမှာပေါ့”
သူတို့ဟာ ဘန်ကရဆန်မြို့နယ် စည်ပင်က “นายกฝน” အဖွဲ့က ဝန်ထမ်းတွေဖြစ်တယ်လို့လည်း ပြောပြခဲ့ပါတယ်။
ဘာကြောင့် ငွေတွေကို မယူဘဲ ပြန်အပ်ပေးခဲ့တာလဲဆိုတော့ အဖြေက ရိုးရိုးလေးပါပဲ။
“သူများပိုက်ဆံဆိုရင် ဘယ်သူမဆို လိုချင်မှာပဲ။ ဒါပေမယ့် ကိုယ့်ပိုက်ဆံမဟုတ်ရင် ရိုးသားရမယ်။ ကိုယ်ချင်းစာရမယ်”
အမှိုက်ထဲရောက်သွားတဲ့ ဘတ် ၁ သိန်းဟာ နောက်ဆုံးမှာ ပိုင်ရှင်လက်ထဲကို တစ်ရွက်မကျန် ပြန်ရောက်သွားခဲ့ပါတယ်။
ရိုးသားမှုဆိုတာ ပိုက်ဆံကို မလိုချင်တာမဟုတ်ပါဘူး။
လိုချင်စိတ်ရှိနေပေမယ့် “ဒါက ငါ့ပိုက်ဆံမဟုတ်ဘူး” ဆိုတာကို လက်ခံပြီး ပိုင်ရှင်ထံ ပြန်အပ်ပေးနိုင်တာကပဲ တကယ့်ရိုးသားမှုပါ။ ❤️
Aung Zay Channel
