11/07/2026
ပေါ်တူဂီအသင်းဟာ ဂျော့ဂျီးဆပ်ကို နည်းပြသစ်ခန့်အပ်လိုက်ပြီ ဖြစ်တာကြောင့် လက်ရွေးစင်အသင်းနဲ့ ပတ်သတ်တဲ့ သူ့ရဲ့ အင်တာဗျူးအပြည့်အစုံကို ဖော်ပြပေးလိုက်ပါတယ်။ အရင်ဦးဆုံး ရော်နယ်ဒိုအကြောင်းနဲ့ စတင်ကြတာပေါ့..
-
✅ရော်နယ်ဒိုရဲ့ အနာဂတ်နဲ့ ပတ်သတ်ပြီး
''ခရစ္စတီယာနိုက ကျွန်တော့်အတွက်တော့ ပြဿနာမဟုတ်ပါဘူး။ လက်ရွေးစင်အသင်းအတွက်လဲ ဘယ်တော့မှ ပြဿနာတစ်ခု ဖြစ်လာမှာ မဟုတ်ပါဘူး။ သူက ပေါ်တူဂီဘောလုံးလောကရဲ့ သင်္ကေတတစ်ခုပါ။ ကျွန်တော်သူနဲ့ တစ်နှစ်အတူ လက်တွဲလုပ်ခဲ့ဖူးပါတယ်။ ကျွန်တော့်လက်အောက်မှာ ကစားတုန်းက ခရစ္စတီယာနိုဟာ တစ်ပွဲကို ပျမ်းမျှ (၈) ကီလိုမီတာ (၅ မိုင်) နှုန်းလောက် ပြေးခဲ့ပြီး တစ်နာရီကို (၂၅) ကီလိုမီတာ (၁၅ မိုင်) ထက်ပိုတဲ့ အမြန်နှုန်းထိလည်း ရောက်ခဲ့တယ်။ သူကစားသင့်တယ်လို့ ကျွန်တော်ယူဆတဲ့အချိန်မှာပဲ သူ့ကို ကစားစေပြီး မကစားသင့်ဘူးလို့ထင်ရင် မထည့်ကစားခဲ့ဘူး။ တစ်ခါတစ်လေဆို အရန်ခုံထိတောင် သူ့ကို ခေါ်မလာဘူး။ အဲလ်နာဆာမှာ ကျွန်တော် ပွဲပေါင်း (၅၀) ကိုင်တွယ်ခဲ့ပြီး အဲ့ထဲမှာ ရော်နယ်ဒိုက (၃၁) ပွဲပဲ ကစားခဲ့ရတယ်။ ပြီးတော့ (၁၆) ကြိမ်အထိ သူ့ကို လူစားလဲခဲ့တယ်။ ဒါပေမဲ့ ဒါတွေအတွက် ဘာပြဿနာမှ မရှိခဲ့ဘူး။ နာမည်ကြီးတာက ကျွန်တော့်အတွက် အရေးမပါပါဘူး။ ကျွန်တော် ကမ္ဘာ့အကောင်းဆုံး ကစားသမား သုံးယောက်ထဲက နှစ်ယောက်ကို ကိုင်တွယ်ခဲ့ဖူးတယ်။ ရော်နယ်ဒိုနဲ့ နေမာပေါ့။ တစ်နေ့ နေမာကိုတောင် 'မင်းပြီးသွားပြီ'လို့ ပြောခဲ့ဖူးတယ်။ ဆိုတော့ ရော်နယ်ဒိုသာ ဘောလုံးဆက်ကစားနေပြီး နိုင်ငံအသင်းအတွက် ရွေးချယ်ခံရမဲ့ စံနှုန်းတွေနဲ့ ကိုက်ညီနေသရွေ့တော့ အသင်းအတွက် သူ့ကို ခေါ်မှာပါ။ သူဘယ်အတိုင်းအတာအထိ ဆက်ကစားနိုင်သေးတယ်..ကျွန်တော်လဲ ဘယ်အတိုင်းအတာအထိ သူ့ကို အသုံးပြုလို့ရသေးတယ်ဆိုတာကို နားလည်ထားသရွေ့တော့ ပြဿနာမရှိပါဘူး။ ဒါပေမဲ့ သူ့ရဲ့ ကစားသမားဘဝနဲ့ ပတ်သက်တဲ့ ဆုံးဖြတ်ချက်ကိုတော့ သူကိုယ်တိုင်ပဲ ချမှတ်ရမှာပါ။ ခုထိတော့ ကျွန်တော် သူနဲ့ စကားမပြောရသေးပါဘူး။ အချိန်တန်ရင် လက်ရွေးစင်ကစားသမားတစ်ဦးချင်းစီတိုင်းနဲ့ ကျွန်တော် စကားပြောသွားမှာပါ။''
✅ နာမည်ကြီးကစားသမားတွေကို ကိုင်တွယ်ခြင်း (Managing Egos)
"အသင်းတိုင်းမှာ Ego(အတ္တ) ကြီးတဲ့ ကစားသမားတွေ ရှိတတ်ပါတယ်။ ဒါပေမဲ့ ကိုယ့်ကိုယ်ကို အရမ်းတော်တယ်လို့ ထင်နေတဲ့သူတွေကို ကိုင်တွယ်ရတာက တကယ်တော်တဲ့ ကစားသမားတွေကို ကိုင်တွယ်ရတာထက် ပိုခက်ပါတယ်။ ဒီအသင်းက ကစားသမားတွေနဲ့တော့ ကျွန်တော့်အတွက် လွယ်ကူမယ်လို့ ထင်ပါတယ်။''
✅ ပေါ်တူဂီအသင်းရဲ့ DNA
''ကစားသမားတွေ အရင်ကထက် နှစ်ဆလောက် ပိုကောင်းအောင် ကြိုးစားရမယ်။ မဟုတ်ရင် အရင်လိုပဲ ဖြစ်နေမှာပါ။ ကစားသမားတွေမှာ အရည်အသွေးရှိတယ်။ ကျွန်တော်က အလုပ်ကြိုးစားမှုနဲ့ ကစားသမားတွေကို ယုံကြည်ပါတယ်။ အလုပ်ကြိုးစားတာကို လက်မခံတဲ့သူဆိုရင် ဒီအသင်းမှာ နေရာရမှာ မဟုတ်ဘူး။ အောင်မြင်ချင်ရင် ပေးဆပ်ရမယ်။ နိုင်ငံအသင်းဆိုတာ မိတ်ဆွေ၊ မိသားစုတွေနဲ့ ပြန်ဆုံဖို့ လာတဲ့ နေရာမဟုတ်ဘူး။ ကျွန်တော်တို့ ဖန်တီးချင်တဲ့ အသင်းရဲ့ အမှတ်အသား(DNA) က အလုပ်ကြိုးစားမှု ဖြစ်တယ်။''
ဒါတွေကတော့ ပေါ်တူဂီနည်းပြသစ်ရဲ့ ပြောစကားတွေပါ။ ဒါကို သုံးသပ်ရရင် ဂျော့ဂျီးဆပ်ဟာ ရော်နယ်ဒိုကိုတော့ သူဆက်ကစားနေသေးရင် ခေါ်ယူမယ် ဒါပေမဲ့ သူ့ရဲ့ ထိန်းချုပ်မှုအောက် ရော်နယ်ဒိုကို အသင်းအတွက် သင့်တော်မဲ့ role မှာပဲ ထားမယ် လိုအပ်မှ ထည့်ကစားမယ်လို့ သုံးသပ်ရပါတယ် ဒီနည်းပြက ကစားကွက်တစ်ခုတည်းကိုပဲ စွဲစွဲမြဲမြဲသုံးလေ့ရှိသူ မဟုတ်ပါဘူး အဲလ်ဟီလာအသင်းမှာ ဂျော့ဂျီးဆပ်က(4-2-3-1),(4-1-4-1)တို့ကို အသုံးပြုခဲ့ပြီး အဲလ်နာဆာအသင်းမှာတော့(4-4-2) (4-4-1-1) (4-2-3-1) ကစားကွက်တွေကိုအသုံးပြုခဲ့ပါတယ် ဒါကိုကြည့်ရင် သူဟာအသင်းရဲ့ကစားသမားတွေပေါ် မူတည်ပြီး အကျိုးရှိအောင် အသုံးပြုနိုင်စွမ်းရှိတယ်လို့ သုံးသပ်ရမှာပါ ဂျာအိုနိဗက် ဗီတင်ညာ ကွန်ဆယ်ဆောင်နဲ့ ဂျာအိုဖီးလစ်တို့ကတော့ နည်းပြအကြိုက်ဆုံး ကစားသမားဖြစ်လာနိုင်ပါတယ် ရာဖေးလီယိုလဲ လုပ်အားပိုကောင်းလာရင် နည်းပြကြိုက်တဲ့ကစားသမားဖြစ်လာမှာပါ ဂျော့ဂျီးဆပ်က Role Discipline ကို အရမ်းအလေးထားတဲ့ နည်းပြဖြစ်တဲ့အတွက် ဘရိုနိုဖာနန်ဒတ်လို ကွင်းထဲ နေရာတကာ လိုက်ပါပြီး လုပ်ချင်ရာ လုပ်တက်တဲ့ ကစားသမားအတွက်တော့ စိန်ခေါ်မှု ရှိလာနိုင်ပါတယ် တကယ်လို့ ဘရိုနိုကို သုံးရင်တောင် အရင်ကထက် ပိုစည်းကမ်းရှိတဲ့ No 10 ဒါမှမဟုတ် AM အဖြစ်မြင်ရနိုင်ပါတယ် ဂျာအိုဖီးလစ်ကိုအဲလ်နာဆာမှာဂျော့ဂျီးဆပ်ပြောင်းလဲပေးခဲ့တာမှတ်မိကြမယ်
ထင်ပါတယ် တစ်ကိုယ်ကောင်းဆန်တဲ့ ကစားပုံ တစ်ကိုယ်တော်စကေးပြသမားအဖြစ်ကနေ စည်းနဲ့ ကမ်းနဲ့ အသင်းလိုက် ကစားတက်အောင် ပြောင်းလဲပေးခဲ့တယ် ဆိုတော့ သေချာတာက ဂျော့ဂျီးဆပ်လက်ထက်မှာ ဘရိုနိုဟာ free role ရမှာ မဟုတ်ပါဘူး Role Discipline ကို ပိုပြီး လိုက်နာကစားရပါလိမ့်မယ်။
ကဲ စာလဲ ရှည်နေပြီဆိုတော့ နောက်ပို့စ်တစ်ခုမှာပဲပြန်လည်သုံးသပ်မျှဝေပေးပါ့မယ်
