เว็บไซต์คืออะไร?

AyeyarTaste

ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก AyeyarTaste, ศิลปะและบันเทิง, Bangkok.

မြန်မာရဲ့ အရသာစစ်စစ်တွေနဲ့ ပျောက်ကွယ်လုနီးပါး မြန်မာ့ ထမင်းစားပွဲဝိုင်းပေါ်ကချစ်စရာ အမွေအနှစ် လေးတွေကို Ayeyar Taste နဲ့အတူတူ ပြန်ပြီး Recall လုပ်ကြမယ်လေနော်.....

12/09/2026

အချင်းချင်းလည်း မညှော်(မဆွ)ကြပါနဲ့တော့..မေးစရာရှိလည်း Tag တွဲပြီးComment ထဲမှာရှင်းသွားလို့ရပါတယ်..😆

ငယ်ငယ်က အိမ်ရှေ့ အသိ ဧည့်သည် ဖြတ်သွားရင်ဖြစ်ဖြစ် အိမ်က အမေကြီးတွေကလှမ်းအော်လို က်တယ်..
“မဝင်လာတော့ဘူးမလား”တဲ့
ဝင်လာမဲ့သူက ခြံတံခါးကို ဖွင့်နေတန်းလန်း အဲသလိုကြားတော့ သူ့ခမျာ ပြန်လှည့်ရမလိုလို…ခုန်ဝင်လာရမလိုလို ဖြစ်သွားသေး…တကယ်တော့ ဝင်လာစေချင်လွန်းလို့ကို ခေါ်လိုက်တာပါ…😆

ကျောင်းတုန်းကလည်း “လုပ်ကမယ်” အဖွဲ့ နဲ့ “လုပ်ရမယ်” အဖွဲ့ ဆို ပြီး ခွဲခဲ့ သေးတယ်..

မြန်မာဇာတ်ကားထဲမှာဆိုရင် “ယောကျာ်း၊မိန်းမ”ဆိုပြီးလင်မယားအချင်းချင်းခေါ် ကြတယ်၊ အချို့ကျတော့ “အိမ်သူအိမ်သား”တဲ့၊ “အမိုးအပါး”ဆိုတာက ကရင်ပြည်နယ်ဖက်မှာ ကြားရတယ်၊ “အစ်ကိုအစ်မ” ဆိုတာကလည်း ခေါ်ကြသေးတယ်….

မြန်မာက အရမ်းကို ဒေသ အခေါ် အဝေါ် စုံလင်ပြီး၊ ဒီဟာကြောင့် နဲ့ဘဲရယ်စရာ အငြင်းပွားစရာ တွေတစ်ချိန်လုံးဖြစ်နေပါတယ်လို့….အရမ်းကိုမှချစ်ဖို့ကောင်းပါတယ်🥰

"Sorry, we can’t talk to you just yet!

We are busy communicating with each other.

Myanmar is incredibly diverse linguistically, and the regional dialect differences are mind-blowing.

Even a tiny mistake in word choice or connotation, and you could end up meaning something else.

#မြန်မာ့ရိုးရာ

10/09/2026

စည်းအိအိဝက်သားလေးကိုမှ🥓
မျှစ်ချဉ်ရှတအရသာ🫚
ထမင်းမြိန်မဲ့ချဉ်ပေါင်ဗန်း🍃
ယူခဲ့လှည့်စမ်း🥰

#မြန်မာ့ရိုးရာအစားအစာယဉ်ကျေးမှု #တိုင်းရင်းသားအစားအစာ #ချဉ်ပေါင်ကြော် #ချဉ်ပေါင်

08/09/2026

တောသားလို့ထင်ကောင်းထင်လို့ရတယ်။😄
ဒီခေတ်ကြီးမှာမြေအိုးနဲ့ထမင်းဟင်းချက်စားတဲ့သူတွေက ခေသူတွေမဟုတ်ပါဘူး🤯

တစ်ချို့မေမေတို့၊ ဖွားဖွားတို့တွေက ဆီပြန်ဟင်း၊ ငါးပိရည်ကျိုနဲ့ ဟင်းခါးတွေကို မြေအိုး နဲ့ ချက်ရတာကို ပိုမို ကြိုက်နှစ်သက်ကြပါတယ်။ ခေတ်ပေါ်စတီးအိုး၊ ဒန်အိုးတွေ ပေါများလာတဲ့ဒီနေ့ခေတ်မှာတောင် မြေအိုးနဲ့ချက်တဲ့ဟင်းရဲ့အရသာကို ဘာနဲ့မှမလဲနိုင်ဘူးလို့ပြောကြတယ်။ ဒီလို‌မြေအိုးနဲ့ချက်တဲ့ ဟင်းက ပိုမို အရသာရှိရခြင်းရဲ့နောက်မှာ သိပ္ပံနည်းကျ အကြောင်းအရင်း (၃) ချက် ရှိနေပါတယ်။🍚

၁။ အက်စစ်ကိုမျှတပေးတဲ့သဘာဝ အယ်လ်ကာလိုင်း (Alkaline Nature)😍

သဘာဝ ရွှံ့မြေကြီးက ရရှိတဲ့ မြေအိုးတွေဟာ အယ်လ်ကာလိုင်း ဂုဏ်သတ္တိ ရှိပါတယ်။ ဟင်းချက်တဲ့အခါ ငါး၊ အသား ဒါမှမဟုတ် အချဉ်ဓာတ်ပါတဲ့ ပါဝင်ပစ္စည်းတွေထဲမှာ သဘာဝ အက်ဆစ်ဓာတ် (Acidic nature) တွေ အလွန်မြင့်မားစွာ ပါဝင်လေ့ရှိပါတယ်။ မြေအိုးနဲ့ချက်ပြုတ်တဲ့အခါမှာ ဟင်းထဲကအက်ဆစ်ဓာတ် (Acidic nature) ကို မျှတသွားအောင် ထိန်းညှိ (Neutralize) ပေးတာကြောင့် ဟင်းရည် အရသာကို ပိုမို စိမ့်ဝင်ချိုမြိန် စေပါတယ်။

၂။ အပူချိန် မျှတစွာကူးစက်ခြင်း (Slow & Even Heat)😍

မြေအိုးဟာ စတီး ဒါမှမဟုတ် ဒန်အိုးတွေလို အပူချိန်ကို ချက်ချင်းတက်မသွားပဲ အပူကို ဖြည်းဖြည်းချင်းစုပ်ယူပြီး အိုးတစ်ပြင်လုံးဆီကို ညီညီမျှမျှပြန်လွှတ်ပေးပါတယ်။ဒါကြောင့် မီးအေးအေးနဲ့ အချိန်ယူ ချက်ပြုတ်ရတဲ့အခါ အသားထဲမှာရှိတဲ့ ကော်လာဂျင် (Collagen) တွေဟာ အဆီအဖြစ် ပြောင်းလဲသွားပြီး အမျှင်များအထိ နူးအိစိမ့်ဝင်သွားပါတယ်။

၃။ မိုက်ခရို အပေါက်ငယ်များ (Micro-Pores)😍

မြေအိုးသားကို အနီးကပ် ကြည့်မယ်ဆိုရင် မျက်စိနဲ့ မမြင်နိုင်တဲ့ မိုက်ခရို အပေါက်ငယ်လေးများ(Micro-Pores) ပါဝင်တာကြောင့် အပူနဲ့ စိုထိုင်းဆ (Moisture) ကို အိုးအတွင်းမှာတင် သဘာဝအတိုင်း ထိန်းညှိပေးပြီး ဟင်းကို သီးသန့် မွှေးပျံ့စေတာ ဖြစ်ပါတယ်။

#ဒေသအစားအစာ #တိုင်းရင်းသားအစားအစာ #မြန်မာ့ရိုးရာအစားအစာယဉ်ကျေးမှု

06/09/2026

မယုံမရှိနဲ့…..မြန်မာလူမျိုးတွေရဲ့ အရသာခံ မှတ်ဉာဏ်က Next Level မှာရှိတယ်….😁

တာလပေါ့လေး တစ်ပန်းကန် စားလိုက်တာနဲ့
စပ်စပ်၊ မွှေးမွှေးအရသာလေးကြောင့်
ကရင်ပြည်နယ်ရဲ့ တောင်တန်းတွေနဲ့ သဘာဝအလှတွေကို သတိရမိတယ်။🥵

ရှမ်းခေါက်ဆွဲလေး စားလိုက်တာနဲ့
ခေါက်ဆွဲနူးနူးလေး၊ အရသာရှိတဲ့ ဟင်းရည်နဲ့ အနှစ်လေးတွေကြားမှာ
ရှမ်းပြည်ရဲ့ အေးမြတဲ့အငွေ့အသက်ကို ခံစားမိတယ်။🥰

ရခိုင်မုန့်တီလေး စားလိုက်ရင်တော့အရသာလေးကနေတစ်ဆင့်
ပင်လယ်နဲ့ နီးစပ်တဲ့ ရခိုင်ဒေသရဲ့ အစားအစာယဉ်ကျေးမှုကို တွေးမိလာပြန်ရော။🥹

အစားအစာနဲ့ ဒေသဟာ ဒီလိုနဲ့ တစ်ခုနဲ့တစ်ခု ခွဲမရအောင် ဆက်စပ်နေပါတယ်။ဘာဖြစ်လို့လဲဆိုတော့ အဲဒီအစားအစာတွေကို ဖန်တီးလာတဲ့နေရာမှာ ဒေသထွက်ပစ္စည်းတွေ၊ ဒေသခံတွေရဲ့ချက်ပြုတ်နည်းတွေသုံးရတယ်။ မျိုးဆက်တစ်ဆက်ပြီးတစ်ဆက် လက်ဆင့်ကမ်းလာတဲ့ရိုးရာတွေရှိတယ်။ အဲ့ဒါတွေပေါင်းစပ်လိုက်တဲ့အခါမှာတော့ ဒေသတစ်ခုရဲ့ ကိုယ်ပိုင်အရသာ ဖြစ်လာပါတယ်။

တချို့အစားအစာတွေကကိုယ်ရောက်ဖူးတဲ့နေရာတွေကို ပြန်သတိရစေတယ်။တချို့အစားအစာတွေကတော့ မရောက်ဖူးသေးတဲ့နေရာတစ်ခုကိုတောင် အစားအစာကနေတစ်ဆင့် စိတ်ကူးယဉ်ခွင့်ပေးတယ်။😍

ဒါကြောင့် မြန်မာ့အစားအစာတွေကို မြည်းစမ်းတဲ့အခါ ဟင်းတစ်ခွက်ရဲ့ အရသာတင်မက
အဲဒီဟင်းရဲ့နောက်က ဒေသ၊ လူတွေနဲ့ ယဉ်ကျေးမှုကိုပါ ခံစားကြည့်ဖို့မမေ့ပါနဲ့နော်။

Believe it or not, almost all people from Myanmar have a strong sense of memory when it comes to taste. 🥰

We do not have Geographical identifications in Myanmar but our people have developed a strong sense of taste, that can recall almost every local cuisine and signature dish found in their regions. 🍚

#ဒေသအစားအစာ #တိုင်းရင်းသားအစားအစာ #မြန်မာ့ရိုးရာအစားအစာ #အစားအစာနဲ့ယဉ်ကျေးမှု

04/09/2026

“ဖိုးလမင်းကြီးရေ.. ရွှေလင်ပန်းနဲ့ ထမင်းဆီဆမ်းပေးပါ”

အခုခေတ်ကလေးတွေကတော့ ဒီစကားလေးကိုကြားဖူးချင်မှ ကြားဖူးကြတော့မယ်။ ဒါပေမဲ့ ကျွန်မတို့ကလေးဘဝတုန်းကတော့ လမင်းကြီးထိန်ထိန်သာနေတဲ့ညတွေမှာ ကောင်းကင်ကိုမော့ကြည့်ရင်း “ဖိုးလမင်းကြီးရေ.. ရွှေလင်ပန်းနဲ့ထမင်းဆီစမ်းပေးပါ” လို့ ဆုတောင်းခဲ့ဖူးကြမယ်ထင်ပါတယ်။🥰

တကယ်တော့ အဲ့အချိန်တုန်းကရွှေလင်ပန်းနဲ့ထမင်းဆီဆမ်းရယ်လို့ မျှော်လင့်တာထက် ကလေးဘဝရဲ့ရိုးသားတဲ့စိတ်ကူးနဲ့ဆုတောင်းခဲ့ကြတာပါ။ ဒါပေမဲ့ဒီလိုမျိုးဆုတောင်းပြီးချိန်တိုင်း မေမေနယ်ပေးတဲ့ထမင်းဆီဆမ်းလေးဆိုတာလည်း အရမ်းကိုထူးခြားပြီးစားချင်စရာကောင်းနေခဲ့တာ။🥰

ထမင်းပူပူလေးကို ဆီမွှေးမွှေးလေးနဲ့ နယ်ပြီး ဆားလေးနည်းနည်းထည့်၊ တချို့အိမ်တွေမှာ ပဲငံပြာရည်လေးနဲ့ ငရုတ်သီးလေးနဲ့တွဲစားကြတယ်။ တကယ်အရမ်းရိုးရှင်းတဲ့ အစားအစာလေးတစ်မျိုးပါပဲ။ ဒါပေမဲ့ တစ်ခါတစ်လေ ဒီလိုရိုးရှင်းတဲ့အစားအစာလေးတွေကပဲ အလှပဆုံးအမှတ်တရလေးတွေကိုသိမ်းထားတတ်တယ်မဟုတ်လား။😁

လမင်းကြီးကို မော့ကြည့်ပြီး ဆုတောင်းခဲ့တဲ့ အဲဒီကလေးဘဝလေးကတော့ ပြန်မရတော့ပေမယ့် လမင်းကြီးထိန်ထိန်သာတဲ့ညတွေတိုင်း “ဖိုးလမင်းကြီးရေ..ရွှေလင်ပန်းနဲ့ ထမင်းဆီဆမ်းပေးပါ” ဆိုတဲ့ စကားလေးကတော့ ကျွန်မတို့ရဲ့ ရင်ထဲမှာ ငယ်ဘဝအမှတ်တရလေးတစ်ခုအဖြစ်ထင်ကျန်နေဆဲပါ။ 😄

Have you ever talked to the moon?
We did as Myanmar kids.😆
You can literally asked it for anything...
but, our Myanmar parents simply taught us to pray for the simple way of appreciating what life gives us...🥰
A golden tray topped with well-steamed oiled rice....🍚

Cartoon creation by Ayeyar Taste
#ထမင်းဆီဆမ်း #မြန်မာ့အစားအစာ #ငယ်ဘဝအမှတ်တရ

03/09/2026

ချဉ်ပေါင်နီရဲရဲလေးရယ်နဲ့
ချဉ်စုပ်စူးစူး စမူသီ
ဗီတာမင်ဓာတ်အလွန်ကြမ်း🥰😆
(အားလုံးသိထားတဲ့ ကဗျာ တစ်ခု ကာရန်ကိုလိုက်ရေးထားတာပါဗျ...သိရင်ပြောသွားပါအုံး)😁

01/09/2026

အိမ်တိုင်းမှာ မတူတဲ့ ဟင်းတစ်ခွက်

ကျောင်းမှာ‌ထမင်းစားကျောင်းဆင်းချိန်တိုင်း ကိုယ့်အိမ်ကဟင်းနဲ့ ကိုယ့်သူငယ်ချင်းအိမ်ကဟင်းကို လဲပြီးစားကြတဲ့အခါ အရသာမတူတာကိုသတိထားမိကြလား?? 😉

တူညီတဲ့ပါဝင်ပစ္စည်းတွေ၊တူညီတဲ့ ဟင်းချက်နည်းတွေသုံးထားတယ်ဆိုရင်တောင်အိမ်တစ်အိမ်နဲ့တစ်အိမ်အရသာကမတူကြပါဘူး။ 🫑

တချို့အိမ်မှာ ငါးဟင်းဆိုရင် အချဉ်အရသာလေး ပိုထည့်တတ်ကြတယ်။
တချို့အိမ်မှာတော့ ငရုတ်သီးစပ်စပ်လေးနဲ့ ချက်တတ်ကြတယ်။
တချို့အိမ်မှာ ကြက်သွန်နီများများနဲ့ ဆီပြန်အောင် ချက်တတ်ကြပြီး
တချို့အိမ်မှာတော့ ဟင်းရည်လေးနဲ့ ပေါ့ပေါ့ပါးပါး ချက်တတ်ကြပါတယ်။ဒီလိုကွာခြားမှုတွေကပဲ မြန်မာအိမ်တွေရဲ့ ချစ်စရာအရာတစ်ခု ဖြစ်နေပါတယ်။

ဘာလို့ဒီလိုကွာခြားနေရတာလဲ?? 🤨

အိမ်တစ်အိမ်မှာ အဖေက စပ်စပ်လေးစားတတ်လို့ ငရုတ်သီးပိုထည့်တယ်။ အိမ်တစ်အိမ်မှာ ကလေးတွေရှိလို့ မစပ်အောင် ချက်တယ်။ တချို့အိမ်မှာ အဖွားက ငယ်ငယ်ကတည်းက ချက်လာတဲ့နည်းကို ဆက်ပြီးသုံးတယ်။တချို့အိမ်မှာတော့ အမေက ကိုယ်တိုင်စမ်းပြီး ပြောင်းလဲလာတဲ့ ဟင်းချက်နည်းလေးရှိတယ်။ ဒါတွေ ပေါင်းစပ်လိုက်တဲ့အခါ အဲ့ဒီဟင်းတစ်ခွက်ဟာ အိမ်တစ်အိမ်ရဲ့သီးသန့်အရသာဖြစ်သွားတော့တာပါပဲ။

ဒီစာကိုဖတ်နေတဲ့သူရဲ့ အိမ်မှာရော အမြဲတမ်း ကိုယ့်အိမ်နည်းနဲ့ပဲ ချက်တဲ့ဟင်းတစ်ခွက်က ဘာဟင်းလဲ? Comment လေးမှာဖြေပေးခဲ့ကြပါအုံးနော်။

When we were children in Myanmar, we used to exchange our lunchboxes at school simply because we thought our friends’ moms cooked better. 😇

Perhaps their grandmothers cooked better than their moms, and who knows, their great-great-grandmothers might have had the best unrevealed recipes. 🥺

In brief, being away from home as an adult has made me miss the cuisine I least appreciated at the time: Mom’s cooking.🥰

#မြန်မာအစားအစာ #အိမ်ချက်ဟင်း #အိမ်ရဲ့အရသာ #ငယ်ဘဝအမှတ်တရ

30/08/2026

Geographical Indications(GI) ဆိုတာကBrand တစ်ခုလိုဘဲ ဒေသထွက် ထုတ်ကုန်တစ်ခုကို မူပိုင်ခွင့် တင်လိုရတဲ့ Trademark System ပါ။ မြန်မာနိုင်ငံမှာ GI အတွက်အလားအလာကတော့ ပြောစရာလိုမယ်မထင်ဘူးဗျ….

ဒီနိုင်ငံသေးသေးလေးမှာဘဲ လက်ညှိးထိုးလိုက်တဲ့နေရာတိုင်းရာ ရာစုနှစ်နဲ့ ချီတဲ့အမွေအနှစ်တွေ၊ ‌‌ရိုးရာနဲ့တွဲလျက် သား‌ဒေသထွက်ကုန်တွေ၊ မြိုတိုင်းက သမိုင်းဆယ်ကျော့ ရင်တောင်ပျောက်ပျက်မသွားမဲ့ Recipeတွေ….🥰

ဒါပေမဲ့ မြန်မာနိုင်ငံမှာပါးစပ်ဖျားမှာဘဲ အသက်ဝင်နေပေမဲ့ နိုင်ငံတကာအသိအမှတ်ပြု တရားဝင် GI လက်မှတ်ရထားတဲ့ဒေသထွက်ကုန်တွေလုံးဝမရှိ သေးပါဘူးနော်….🥹

"The identity of every city in Myanmar must tie to a dish. 🥰
Yes, a long-lasting, never-fading, and extremely traditional dish!🍲
And yet, there are no Geographical Indications for that. You tell me why."🥹

28/08/2026

ကြက်သွန်ချည်းနေ အကောင်းသား၊ ငြုပ်သီးနဲ့ပေါင်းမှ အထောင်းခံရ။
“Onion was quite safe alone but in company with chilli got pounded"

26/08/2026

"ထမင်းဆာတုန်း ဟင်းလှ၊အိပ်ချင်တုန်း ခေါင်းအုံး”🥰

"ထမင်းဆာတုန်း ဟင်းလှ" ဆိုတဲ့ စကားပုံရဲ့ နောက်ကွယ်မှာ အမြဲတမ်း ပုန်းကွယ်နေတာကတော့ "အမေ့ရဲ့ စေတနာ" ပါပဲ။🥰

ငယ်ငယ်ကအပြင်မှာ သူငယ်ချင်းတွေနဲ့တစ်နေကုန် မမောနိုင်၊မပန်းနိုင်ဆော့ကစားပြီးပြန်လာတဲ့နေ့ရက်တွေ၊ ကျောင်းကနေ ဗိုက်ကလေးဟောင်းလောင်းနဲ့အိမ်ပြန်ရောက်လာတဲ့အခိုက်အတန့်တွေကိုမှတ်မိကြဦးမှာပါ။ အိမ်တံခါးဝရောက်တာနဲ့ လက်ထဲက လွယ်အိတ်ကို ပစ်ချ၊ လက်ဆေးပြီး ထမင်းဝိုင်းဆီ ပြေးသွားတဲ့အခါ အမေပြင်ပေးထားတဲ့ဟင်းက ဆီပြန်ဟင်းကြီးမှမဟုတ်ပါဘူး၊ဟင်းအကောင်းကြီးမှ မဟုတ်ပါဘူး။ ငါးပိရည်နဲ့တို့စရာလေးဖြစ်ဖြစ်၊အရည်သောက်ဟင်းချိုပူပူလေးနဲ့အရွက်ကြော်တစ်ခွက်ဖြစ်ဖြစ် အဲ့ထမင်းဝိုင်းဟာ ကမ္ဘာပေါ်မှာ အရသာအရှိဆုံးအစားအစာပါပဲ။

အစားအသောက်တစ်ခုရဲ့ အရသာဆိုတာ တန်ဖိုးကြီးမားတဲ့ ပါဝင်ပစ္စည်းတွေပေါ်မှာတင် မကဘဲ ကျွန်မတို့ရဲ့ ဆာလောင်မှုအပေါ်မှာပါ မူတည်နေပါသေးတယ်။လှပခမ်းနားတဲ့ စားသောက်ဆိုင်ကြီးတွေမှာ စားရတဲ့ခမ်းခမ်းနားနားဟင်းပွဲတွေထက် အမောတကောနဲ့ အိမ်ပြန်ရောက်ချိန်မှာ စားလိုက်ရတဲ့အမေ့စေတနာအပြည့်ပါတဲ့ ထမင်းတစ်ဇွန်းကပိုပြီး လွတ်ဟာနေတဲ့ ဗိုက်လေးကို ဖြည့်ပေးတာမဟုတ်လားရှင်………

အသက်တွေကြီးလာတာနဲ့အမျှ ကျွန်မတို့ဟာအိမ်နဲ့အဝေးမှာရောက်နေကြတယ်၊ ပိုအလုပ်ရှုပ်လာကြတယ်၊ အပြင်စာတွေပိုလွယ်လွယ်ကူကူမှာစားဖြစ်ကြတယ်။ အစားအသောက်အသစ်အဆန်းတွေ ဘယ်လောက်ပဲပေါ်လာပါစေ၊ ငယ်ငယ်က ဗိုက်ဆာဆာနဲ့အိမ်ပြန်ရောက်ချိန်မှာစားခဲ့ရတဲ့ အမေ့ထမင်းဝိုင်းလေးအရသာကိုတော့ ဘယ်တော့မှ မေ့ဖျောက်နိုင်မှာမဟုတ်ပါဘူး။

It's not Fast-Food; it's Fast-Meal prepared by Myanmar Moms!🥰

A broth is very important; we fully submerge our steamed rice in it🍲

And some fries, salted fish or beef, is to intensify the flavor of our meal🥓

And a bowl of vitamins- usually greens or vegetables🫑🥬🥦🥒

#မြန်မာ့စကားပုံ #အမေ့ထမင်းဝိုင်း #အိမ်လွမ်း #ငယ်ဘဝအမှတ်တရ