D-Market

25/06/2026

D-Market គឺជាទីផ្សារ ឬទីតាំងឌីជីថលសម្រាប់ជនមានពិការភាពនៅកម្ពុជា ដែលបង្កើតឡើងក្នុងគោលបំណងជួយភ្ជាប់ផលិតផល សេវាកម្ម និងអាជីវកម្មរបស់ជនមានពិការភាពទៅកាន់អតិថិជនទូទាំងប្រទេស។

យើងជឿជាក់ថា ពិការភាពមិនមែនជាឧបសគ្គនៃសមត្ថភាពនោះទេ។ តាមរយៈ D-Market ជនមានពិការភាពអាចបង្ហាញសមត្ថភាព ពង្រីកទីផ្សារ បង្កើនចំណូល និងចូលរួមក្នុងសេដ្ឋកិច្ចឌីជីថល និងសេដ្ឋកិច្ចក្រៅប្រព័ន្ធប្រកបដោយបរិយាបន្ន។

សូមគាំទ្រផលិតផល និងសេវាកម្មរបស់ជនមានពិការភាព ដើម្បីរួមគ្នាបង្កើតសង្គមដែលមិនទុកចោលអ្នកណាម្នាក់ចោល។

🛒 D-Market Inclusive Marketplace for Persons with Disabilities

23/05/2026

កម្មវិធីវេទិកាអន្តរជាតិ និងទស្សនកិច្ចសិក្សា រវាងកម្ពុជា និងសាកលវិទ្យាល័យជុងវ៉ុន “Haewon Sangsaeng in Action 2026: Cambodia-Jungwon International Forum and Study Visit”
សាធារណរដ្ឋកូរ៉េ៖ ដោយទទួលបានការអនុញ្ញាតដ៏ខ្ពងខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សរ បូរីរក្ស នាយកវិទ្យាស្ថានជាតិសង្គមកិច្ច អមដំណើរដោយលោក សាន់ រតនា ប្រធាននាយកដ្ឋានសុខុមាលភាពជនពិការ បានអញ្ជើញចូលរួមកម្មវិធី “Haewon Sangsaeng in Action 2026: Cambodia-Jungwon International Forum and Study Visit”។ តបតាមកម្មវិធីគណៈប្រតិភូជាន់ខ្ពស់កម្ពុជាចំនួនប្រមាណ ២០រូប ដឹកនាំដោយ ឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងមានការអញ្ជើញការចូលរួមពី រដ្ឋលេខាធិការក្រសួងកិច្ចការនារី នាយកវិទ្យាស្ថានជាតិសង្គមកិច្ច អគ្គលេខាធិការនៃគណៈកម្មាធិការជាតិសម្រាប់ការសិក្សាពេញមួយជីវិត សាកលវិទ្យាធិការនៃសាកលវិទ្យាល័យភូមិន្ទកសិកម្ម សាកលវិទ្យាធិការនៃសាកលវិទ្យាល័យពាណិជ្ជសាស្រ្តអេស៊ីលីដា សមាជិកលេខាធិការដ្ឋានខុទ្ទកាល័យនាយករដ្ឋមន្ត្រី និងមន្ត្រីជំនាញមកពីក្រសួង ស្ថាប័នរដ្ឋ និងសាកលវិទ្យាល័យជាតិនានា ដែលរៀបចំដោយសាកលវិទ្យាល័យជុងវ៉ុន (Jungwon University) នាថ្ងៃទី១៨ ដល់ ២២ ខែឧសភា ឆ្នាំ២០២៦ នៅខេត្តឈុងឆុងប៊ុកដូ សាធារណរដ្ឋកូរ៉េ។ កម្មវិធីនេះមានសារៈសំខាន់ក្នុងការភ្ជាប់កិច្ចសហប្រតិបត្តិការទៅនឹងគម្រោងអនុវត្តជាក់ស្តែង ហើយសាកលវិទ្យាល័យជុងវ៉ុនគ្រោងនឹងដាក់ស្នើគម្រោង “កម្មវិធីសហប្រតិបត្តិការសង្គមស៊ីវិល ឆ្នាំ២០២៧” ទៅកាន់ទីភ្នាក់ងារសហប្រតិបត្តិការអន្តរជាតិកូរ៉េ (KOICA) ដើម្បីអនុវត្តគម្រោង ODA រយៈពេល៣ឆ្នាំ ចាប់ពីឆ្នាំ២០២៧ ជាមួយថវិកាប្រមាណ ១.៥ ប៊ីលានវ៉ុន។ គម្រោងនេះផ្តោតលើវិស័យសំខាន់ៗចំនួន៣ រួមមាន៖ ការអប់រំបណ្តុះបណ្តាលបច្ចេកទេសនិងវិជ្ជាជីវៈ (TVET) ការថែទាំមនុស្សចាស់/គាំទ្រជនមានពិការភាពនិងការអភិវឌ្ឍជំនាញស្ត្រី ការអប់រំឌីជីថលនិងការសិក្សាពេញមួយជីវិត។ ក្នុងនោះ វិទ្យាស្ថានជាតិសង្គមកិច្ច (NISA) បានស្នើកិច្ចសហប្រតិបត្តិការពាក់ព័ន្ធការបណ្តុះបណ្តាលអ្នកថែទាំមនុស្សចាស់ អ្នកគាំទ្រជនមានពិការភាព និងការអភិវឌ្ឍគំរូសេវាថែទាំក្នុងសហគមន៍ ខណៈសាកលវិទ្យាល័យភូមិន្ទកសិកម្មបានស្នើលើកកម្ពស់កិច្ចសហប្រតិបត្តិការផ្នែកកសិកម្មឆ្លាតវៃ (Smart Farm)។ ជាមួយគ្នានេះ សាកលវិទ្យាល័យភូមិន្ទភ្នំពេញ (RUPP) បានស្នើកម្មវិធីសញ្ញាបត្ររួម ការបណ្តុះ បណ្តាល AI និងការប្រើប្រាស់មជ្ឈមណ្ឌលសហប្រតិបត្តការកម្ពុជា-កូរ៉េ (CKCC) ជាមូលដ្ឋានសហការនៅកម្ពុជា ដើម្បីគាំទ្រគម្រោង Chungbuk RISE Project ក្នុងការទាក់ទាញនិស្សិតអន្តរជាតិ សិក្សា និងបន្តការងារនៅខេត្តឈុងឆុងប៊ុកដូ សាធារណរដ្ឋកូរ៉េ។
ឆ្លៀតក្នុងឱកាសនោះ ភាគីកម្ពុជា-កូរ៉េក៏បានអញ្ជើញចុះហត្ថលេខា លើអនុស្សរណៈនៃការយោគយល់ (MOU) ស្តីពីការពង្រឹងកិច្ចសហប្រតិបត្តិការលើវិស័យអប់រំ ផ្លាស់ប្តូរព័ត៌មាន និងការជំរុញទំនាក់ទំនងរវាងស្ថាប័ននៃភាគីទាំងពីរ ក្រោមអធិបតីភាព ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ។

11/05/2026

សិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់»
បាត់ដំបង, ថ្ងៃទី១១ ខែឧសភា ឆ្នាំ២០២៦

08/05/2026

ជួបពិភាក្សាការងារជាមួយសមាគមឧកញ៉ាកម្ពុជា ដើម្បីជំរុញដល់អ្នកវិនិយោគ និយោជក ជាម្ចាស់ក្រុមហ៊ុន វិស័យឯកជន ចូលរួមអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ

30/04/2026

✨ សុខភាពផ្លូវចិត្ត (Wellbeing Intelligence (WBQ) នៅកន្លែងធ្វើការ មិនមែនជារឿងផ្ទាល់ខ្លួនតែប៉ុណ្ណោះទេ ប៉ុន្តែជាគន្លឹះសម្រាប់ភាពជោគជ័យរបស់អង្គភាពទាំងមូល។
💡 គន្លឹះនៃសុខភាពផ្លូវចិត្ត (WBQ)៖
👉 ចាប់ផ្តើមពីការយល់ដឹង និងថែទាំខ្លួនឯង
👉 គាំទ្រ និងយល់ចិត្តអ្នកដទៃ
👉 បង្កើតវប្បធម៌ការងារដែលល្អ និងមាននិរន្តរភាព
📘 ដកស្រង់ពីសៀវភៅ Wellbeing Intelligence: Building Better Mental Health at Work ដោយ Kiran Bhatti និង Thomas Roulet

30/04/2026

29/04/2026

✨ "សម្រស់ និងជីវិតប្រណិត មិនអាចធានាសុភមង្គលបានទេ។ ជីវិតដែលពោរពេញដោយក្តីសុបិន ប៉ុន្តែខ្វះគោលដៅ និងការទទួលខុសត្រូវ នៅចុងក្រោយ៖
👉 ទ្រព្យសម្បត្តិអាចបាត់បង់
👉 ស្នេហាអាចបែកបាក់
👉 នឹងនាំទៅរកការធ្លាក់ចុះនៃជីវិត....