Kyaw Gyi Page

26/01/2026

06/06/2024

ကိုယ့်ရဲ့ ဖျောက်ဖျက်မရတဲ့အကျင့်တွေ
ကိုယ့်ကို ခြောက်လှန့်နေတဲ့အခါ
ကိုယ့်ရဲ့ ပြင်မရတဲ့ အမှောင်ဘက်ခြမ်းတွေ
အမြဲ တွန်းကန်နေတဲ့အခါ
မင်းအပေါ် လျှံကျသွားမှာကို စိုးရိမ်မိတယ် ။

ကိုယ် ပြောဖူးတယ်မဟုတ်လား ။
ဆူးတွေနဲ့ကောင်ပါလို့
မင်းက တခုတ်တရ ထွေးပွေ့လိုက်တိုင်း
ကိုယ်က မင်းကို နာကျင်မှုတွေပဲ ပေးနေတော့ခက်တယ် ။

ဖြစ်တယ် ပျက်တယ်ဆိုတာ
လူတိုင်း ရင်ဆိုင်ရမယ့်တရားပဲဆိုတာ သိတယ် ။

ငြိတွယ်တတ်တာဟာ
သံယောဇဉ်ရဲ့ သဘာဝပဲ မဟုတ်လား ။
မကြာခဏ တွဲကာနေပြီး
မကြာခဏ ခွဲခွာရရင် အသဲနာရတယ် ။

အချိန်တန်ရင် ခွဲခွာကြရတာဟာ
လှည့်ဖြားတတ်တဲ့ ကံကြမ္မာရဲ့ နိယာမပဲမို့
သံသရာရှည်လည်း နေပါစေတော့…

အဓိက အကြောင်းတရားဟာ
ကိုယ် နှင့် မင်းပဲ
ကိုယ့်လက်ကို မင်း အတင်းမဖြုတ်သရွေ့
ဒီသံသရာ တစ်လျှောက်လုံး
မင်းလက်ကိုပဲ ကိုယ် တွဲထားပါ့မယ်....

#အားချန်း(၂၉.၀၅.၂၀၂၄)
သံသရာမကြောက်သော ကဗျာ

16/05/2024

မတောင်းဘဲ ပြည့်စေချင်တဲ့ ဆန္ဒလေးရှိတယ်
သူ့အနားအမြဲရှိပြီး
သူနဲ့ပဲ အသက်ထက်ဆုံးနေသွားချင်တယ်

သူနဲ့ ပျော်ရွှင်စရာတွေ ဖန်တီးပြီး အမြတ်တနိုးပွေ့ဖက်ထားချင်တယ်

တစ်ဦးနှင့်တစ်ဦးညှိနှိုင်းပြီး သစ္စာရှိရှိ ဘဝကို ဖြတ်သန်းချင်တယ်

မမြင်နိုင်တဲ့အရပ်၊
မကြားနိုင်တဲ့အရပ်ရောက်နေရင်တောင်
စိတ်လုံခြုံရတဲ့ ရပ်ဝန်းလေးဖြစ်စေချင်တယ်

ချစ်ခြင်းမေတ္တာတွေ ထပ်တူကျပြီး
မြတ်မြတ်နိုးနိုးချစ်သွားချင်တယ်

08/05/2024

အချစ်ခံချင်လားလို့မေးရင်
အချစ်ခံချင်ပါတယ်

ဘာလို့လဲဆိုရင်
ဂရုစိုက်ပေးတာမျိုးဆို အရမ်းသဘောကျတယ်။

အသေးအဖွဲကအစ
အရိပ်တကြည့်ကြည့်နဲ့ ချစ်ပေးတာမျိုးဆို အရမ်းသဘောကျတယ်။

မညာပါဘူး တန်ဖိုးထားခံချင်တယ်...
နောက်ပြီး တကယ်ကို အချစ်ခံချင်ပါတယ်

=====♥♥====♥♥♥===

ချစ်သော ရင်ငြိမ်းပန်း

19/04/2024

"မကြိုက်ပါဘူး" လို့ ပြောထားတဲ့အရာကို
နောက်တစ်ကြိမ် ကျူးလွန်တာဟာ
ကိုယ့်ကို စော်ကားတာနဲ့ အတူတူပဲနော် ။

ကိုယ့်ပြောတဲ့စကားကို
ကိုယ့် ဆန္ဒကို အလေးအနက်မထားတာ
ကိုယ့်ကို တန်ဖိုးမထားတာ

သူ မကြိုက်ပါဘူးလေ ဆိုတဲ့ အသိနဲ့
ကိုယ့်ဘက်က ဆင်ခြင်ပေးထားရင်
သူ့ဘက်ကလည်း ကိုယ် မကြိုက်တာကို
သတိထားပေးရမယ် ။

အဲလိုမျိုး မဟုတ်ရင်
ကိုယ့်ကို တကယ်မချစ်လို့ပဲ

တကယ်ချစ်ရင် ထည့်စဉ်းစားပေးတယ်
တကယ်ချစ်ရင် ပျော်အောင်ထားပေးတယ်
တကယ်ချစ်ရင် ဦးစားပေးတယ်

သူသာ ကိုယ့်ကို တကယ်ချစ်ရင်
သူ့ကြောင့် ကိုယ် နာကျင်စေတာမျိုး
ကိုယ် စိတ်ထိခိုက်ရမှာမျိုး
နောက်ထပ် လုပ်မှာ မဟုတ်ဘူး

အဲဒီတော့
ကိုယ် မကြိုက်တဲ့အရာကို
ထပ်ကာ ထပ်ကာ လုပ်နေတယ် ဆိုတာ
ကိုယ့်ကို မလိုအပ်တော့လို့
ကိုယ့်ကို ထွက်သွားစေချင်လို့
ကိုယ့်ကို မချစ်တော့လို့
အလှပဆုံး နှင်ထုတ်ဖို့အတွက်
အချိုသာဆုံး လုပ်ရပ်လေးတစ်ခုပဲ ။

#သက်ထားခင်(THK)
#လုပ်ရပ်ကပေးတဲ့အဖြေ
ူမယ်ဆိုနာမည်ဖြုတ်ခွင့်မရှိပါ

26/01/2024

မင်းက သိပ်ချစ်ပြခဲ့တာကိုး ….

တောင်းဆိုစရာမလိုပဲ
ပေးတာများရင်
မဖြစ်မနေ ပေးရမယ်လို့ ထင်သွားတာများတယ်

အမှားတွေကို
အလိုက်တသိ ခွင့်လွှတ်ပါများရင်
ဘာပဲဖြစ်ဖြစ်‌ ခွင့်လွှတ်ပေးရမယ်လို့ ထင်သွားတတ်တာများတယ်

ဦးစားပေးလွန်းရင်
ကိုယ့်အတွက် ဘယ်လောက်အရေးကြီးတယ်ဆိုတာကို
ထည့်စဉ်းစားဖို့ မေ့သွားတာများတယ်

အလျှော့ပေးလွန်းရင်
ကိုယ့်ဖက်က တစ်ချက်လေးတင်းလိုက်တာနဲ
ပြတ်တောက်သွားဖို့ များတယ် ။

မင်းက …
သိပ်ချစ်ပြလွန်းခဲ့တာကိုး ။

အစစအရာရာမှာ
နေရာတကာမှာ
အရိပ်တကြည့်ကြည့်နဲ့
ချစ်ပြခဲ့တာကိုး

အလိုလိုက်လွန်းတဲ့ ကလေးက
ဆိုးတတ်သလိုပါပဲ
သိပ် အချစ်ခံရလွန်းတဲ့သူကလည်း
ပြန်ချစ်ဖို့ကို မေ့သွားတဲ့ထိကို
ဆိုးသွားတတ်ပါတယ် ။

အချိန်တွေ လွန်မှ
အရင်လို ငါ့ကို နားလည်ပေးရင်ကောင်းမှာဆိုပြီး
တွေးမနေပါနဲ့

ပိုပေးလိုက်မိတဲ့အချစ်က
တစ်ခါတစ်လေကျ
ကိုယ်တို့ဝေးဖို့ ဖြစ်လာတတ်တယ် ။

#ကျေးကို

02/01/2024

ဘာဖြစ်‌ချင်နေလဲ ဆိုရင်
ပြေးတွေ့ချင်နေတယ် ။
နောက်ပြီး သိပ်သတိရနေရတဲ့
အကြောင်းလေးတွေကို
မျက်လုံးချင်း ဆုံကြည့်ပြီး
နွေးနွေး‌ထွေးထွေး ပြောပြချင်‌တယ် ။

🌻💞
#ခက်နှောင်

30/12/2023

အတူတူရှိသွားချင်တဲ့
ဆန္ဒလေးတွေရှိတယ်။

ဒီနေ့ ၊ မနက်ဖြန် thay တစ်ပန်

သက်တစ်ဆုံးပေါ့ ရင်ဆိုင် စရာတွေ
များတဲ့အခါ တစ်ယောက်ယောက်

ကိုယ့်ဘက်မှာ ရှိတယ်ဆိုတဲ့ အသိလေးတော့ လိုအပ်တယ် မင်းမှာ ကိုယ်ရှိတယ်

ကိုယ့်မှာ မင်းရှိတယ်‌ေပါ့တစ်နည်းအားဖြင့် လိုလေသေးမရှိတဲ့ နေ့ရက်တွေ။

🌻🤍

𝐋𝐨𝐯𝐞 𝐒𝐭𝐨𝐫𝐲

22/12/2023

20/12/2023

ပထမလူကိုမမေ့နိုင်သေးရင် ကျွန်တော့်ကို မေ့လိုက်ပါ ...

ဘယ်လောက်ပဲ ပျော်ရွှင်အောင် လုပ်ပေး လုပ်ပေး မလုံလောက်ဘူးလားဟင် ... ဘယ်လောက်ချစ်ပေး ချစ်ပေး ချစ်တယ်လို့ ဘာလို့နည်းနည်းလေးမှ မခံစားရတာလဲ ။ အဲ့ဒီအဖြေတွေကို ကျွန်တော် ရှာနေမိတာ ငါဘာများမှားလို့လဲဆိုပြီး ဒီနှစ်တွေမှာ ကိုယ့်အပြစ်ကို တင်နေမိတာ ။ တကယ်တမ်းကျတော့ ကျွန်တော်ဖြစ်နေလို့မဟုတ်လား ။

လူတိုင်းမှာ အတိတ်ကိုယ်စီရှိခဲ့ကြတာပဲ ... ဒါပေမယ့် အမြဲတမ်းကြီး အတိတ်မှာပဲ ရပ်နေလို့မရဘူးမဟုတ်လား ။ ကျွန်တော့မှာကော မင်းမှာကော အတိတ်တွေ ရှိခဲ့ကြတာပဲလေ ။ ကျွန်တော်နဲ့မဆုံခင်ဖြစ်ခြင်းပျက်ခြင်းတွေကို လိုက်ပြီး သ၀န်တိုနေ ရန်ရှာနေရလောက်တဲ့အထိ ကျွန်တော် သဘောထား မသေးသိမ်ပါဘူး ။ ဒါပေမယ့် ကျွန်တော် ရှိနေတဲ့ အချိန်တွေ ကျွန်တော် ချစ်ပေးနေခဲ့တာတွေတောင် ဘာလို့ မလုံလောက်ရတာလဲ ။

ပထမတစ်ယောက်ကို မမေ့သေးဘူးလား... အဆင်ပြေပါတယ် ကျွန်တော့်ကို ထည့်မတွက်ပါနဲ့ ကျွန်တော့်ကို မေ့လိုက်လို့ရပါတယ် ။ ဒါပေမယ့် ကျွန်တော့်ရင်ခွင်ထဲနေပြီး တခြားတစ်ယောက်ကို လွမ်းနေတာမျိုးက မင်းလဲ လွတ်လပ်မှာ မဟုတ်ဘူး ပြီးတော့ ကျွန်တော်လဲ စိတ်မသန့်ဘူး ... နှစ်ယောက်အတူ လျှောက်မယ်ဆိုတဲ့ လမ်းတွေမှာ အတိတ်မှာပဲ ရပ်ကျန်ခဲ့မယ်ဆိုရင် ဘယ်တော့မှ ခရီးရောက်မှာလဲ မဟုတ်ဘူး ။

မတော်တဆပေါ့ ... ကျွန်တော် တွေးမိတာပြောရရင် မင်းကိုထားသွားတဲ့ ပထမလူက စကားချိုချိုလေးတွေပြောလာရင် နောက်ဆုံး ကျွန်တော့်ကို ထားသွားမှာပဲ မဟုတ်လား ။ ထားသွားခံရခြင်းတွေက ကျွန်တော့်အတွက်ထူးတော့မဆန်းပါဘူး။ ဒါပေမယ့် ကိုယ် ဒီလောက်ချစ်ပေးနေတာတောင် ဘယ်တော့မှ မပျော်ရွှင်တဲ့ မင်းမျက်နှာလေးကို ငေးပြီး အောင့်သက်သက်တော့ နိုင်ရပါတယ် ။ ကျွန်တော့်မှာ တခြားသူပိုင်တဲ့အရာကို ခဏထိန်းသိမ်းရသလိုမျိုး မကြာခဏဆိုသလို သိမ်ငယ်ရတယ် ။ ဘာကို မျှော်လင့်လို့ မျှော်လင့်ရမှန်းမသိအောင် မျှော်လင့်ချက်တွေမဲ့ရတယ် ။ တချိန်ကျ ကျန်ခဲ့မှာပဲဆိုတဲ့ အိပ်မက်တွေ နေ့တိုင်း ခြောက်လန့်နေတတ်တယ် ။

တော်ပြီ ... ကျွန်တော် ပင်ပန်းနေပြီ ... ပထမလူကို မမေ့နိုင်သေးရင် ကျွန်တော့ကို မေ့လိုက်ပါတော့ ... ကျွန်တော် ချစ်ပေးသလောက် ပြန်မချစ်ပေးရင်နေပါစေ ... ကိုယ်ချစ်ပေးသလောက် ချစ်မှန်းသိတဲ့ လူတစ်ယောက်နဲ့ပဲ ဆုံချင်တယ် ။

#ကျေးကို

(ရင်နှင့်ရင်း၍ ရေးသည်)

30/06/2023

အရာရာကို
ကိုယ်နဲ့ ဆိုင်တယ်
ကိုယ်ပိုင်တယ်ဆိုပြီး
အတ္တ မကြီးပါဘူး ...

ဒါပေမယ့်
ကျွန်တော် မြတ်နိုးတဲ့
ခင်ဗျားကိုတော့

ကျွန်တော် တစ်ယောက်တည်း ပိုင်ချင်တယ် ။

#ကျေးကို