Dr village

Dr village طبيب وصانع محتوى..
بنقل الحقيقة والمشاعر والبساطة..
لا مكان للتصنع هون�
(2)

21/08/2026

ألف مبروك لكل الطلاب.. بكلوريا وتاسع.. لما سمعت بالخبر ماوسعتني الدنيا من الفرحة.. كتير بكبر فيكن وبكل نجاح بتحققوه.. عيني ربكن شو بتبيضوا الوجه

17/08/2026

بد ماتضيعوا وقتكن بالريلزات.. استفادوا منو بهاد العرض
هي رابط القناة كلشي بدكن تعرفوه موجود بالتفصيل الممل وفيه مين يساعدكن اذا كان عندكن استفسار
https://t.me/DigitalEmpier

27/07/2026

✨ أفشل رحلة نظمتها ✨
بأمانة كنت متردد نزل شي عن هالرحلة..ولكن قررت شارككن ياها لأنو العقبات جزء طبيعي وبتواجه أي فريق واغلبها كانت فوق قدرتنا او امور فاجئتنا ممكن تواجه اي شخص..
وفترة التوتر اللي صارت ماقدرت وثقها بالكاميرا لأنو ماكانت خرج تصوير ف سردتها سرد.. ولكن رغم كلشي بالمجمل انبسطنا ورجعنا تعبانين ومبسوطين.. ❤️

25/07/2026

وأخيرا حان موعد اعلان رحلتنا لمحمية أحمد منصور
**🦁 رحلة إلى محمية الحيوانات 🦁**
مغامرة من نوع آخر.. طبيعة وحيوانات وأجواء لا تُنسى

**📍 البرنامج:**

🔹 **قرية وادي القلع — ريف جبلة**
تنّور وفطاير طازجة في أجواء ريفية أصيلة 🫓

🔹 **مطعم شلال الوادي**
إطلالة مميزة على ما تبقى من الشلال، حفلة ديجي، والتقاط أجمل الصور 🎵📸
*(يُسمح بإحضار الطعام والمشروبات)*

🔹 **محمية أحمد منصور** *(اختيارية)*
بعد أن يخفّ لهيب الشمس، جولة بين الحيوانات والتقاط صور لا تُنسى 🐆
*(من يفضل يبقى بالمطعم حتى تنتهي الجولة)*

---

**📅 السبت 1/8**
🕙 الانطلاق: 10:00 صباحاً
🕖 العودة: 7:00 مساءً

---

**💰 الرسم يشمل النقل ذهاباً وإياباً + دخولية المطعم + حفلة الديجي:**

🚌 من اللاذقية (مشفى الدراج): **110,000 ل.س**
🚌 من جبلة (الكراج الجديد): **90,000 ل.س**

🦁 رسم جولة المحمية: **60,000 ل.س إضافية** *(اختيارية)*

---

**⚠️ تنبيهات مهمة:**
🚫 ممنوع اصطحاب الأطفال لجولة الحيوانات
🚫 ممنوع دخول أي شخص قد يرتعب أو يُخيف الحيوانات
📋 قائمة القوانين الكاملة تُسلَّم عند التسجيل
🚫 ممنوع المشروبات الكحولية

---

**🔥 الأماكن محدودة — الأولوية لمن يحجز أولاً!**

**التواصل واتس حصراً 📲**
عمران: 0980308231
رزان: 0930288691

23/07/2026

وئام من صناع المحتوى المؤثرين والي بتسلط الضو على ثقافتنا وبيئتنا بأروع شكل ممكن.. تابعوها لأنها بتستاهل.. وبالفعل انا بتعلم من فيديوهاتها وبتأثر فيهن

الله يرحمك يا موسى...ويصبر أهلك..موسى الجردي طبيب مقيم جراحة عامة في مشفى اللاذقية الجامعي.. توفي اليوم باحتشاء عضلة قلب...
21/07/2026

الله يرحمك يا موسى...ويصبر أهلك..
موسى الجردي طبيب مقيم جراحة عامة في مشفى اللاذقية الجامعي.. توفي اليوم باحتشاء عضلة قلبية..
ادعولو بالرحمة..
هالحياة لحظة.. ماحدا بيعرف ايمت بتخلص حصتو منها..
لهيك عيشوها بأقصى قدر من الامتنان وكأنو اليوم الأخير..
لا تأجلوا فرحتكن ولا تزعلوا على شي غير عصحتكن..
ماحدا بيعرف دورو.. صحتك معك... كلشي تاني بيتعوض💔

18/07/2026

يوم في المحمية part 2
شو اكتر فقرة حبيتوها؟ 😂 خبروني بالتعليقات
بتمنى يكون عجبكن الفيديو وانتظروا الاجزاء القادمة..
أحمد منصور مربي الحيوانات

17/07/2026

يوم عند أحمد منصور.. الجزء الأول
رح يكون فيه سلسلة فيديوهات نعلن بنهايتها عن فتح باب الزيارة لمحميتي.. بشروط محددة تضمن سلامة الحيوانات وتعطيكن فرصة لتشوفوها ضمن رحلات مع د. علاء بفريق dr. Village
وخبرونا شو اكتر فقرة حبيتوها؟

بصفتي طبيب تخدير بمشفى تشرين سابقا (اللاذقية الجامعي حاليا) اللي انطبلت الدنيا بخصوصو من ورا هي الصورة..فصار لازم ضوي عل...
14/07/2026

بصفتي طبيب تخدير بمشفى تشرين سابقا (اللاذقية الجامعي حاليا)
اللي انطبلت الدنيا بخصوصو من ورا هي الصورة..
فصار لازم ضوي على كم نقطة :
أولاً الصورة مأخودة بغرفة استراحة للأطباء وليست لأطباء التخدير أصلاً.. انما منلجألها نتيجة ضيق غرفتنا الخاصة اللي مافيها تكييف ولا وسعة كافية ومنقعد فيها متل المخلل خلال مناوباتنا.. لهيك منلجأ لهي الغرفة لنكتب استشارة للمرضى اللي بيجونا... يعني متحملين ظرف ضيق الغرفة وغياب التكييف وساكتين ورغم هيك عم نأدي واجبنا عأكمل وجه..
وبتوقع من حق الطبيب يدخن باستراحتو يعني بني آدم متلكن بالنهاية..
2-المشافي عموماً ببلدنا تقوم على الأطباء المقيمين اللي بأكدلكن انن بيقوموا بأكتر من واجبن ضمن ظروف لا يتحملها أي طبيب بالعالم.. وحريصين كل الحرص على عقامة غرف العمليات ولا نتهاون بهي القصص إطلاقاً.
3-اللي حابب يضوي عمشاكل المشافي فيه يضوي على كتير قصص أهم،
من أعطال أجهزة بالغة الضرورة لحياة المرضى من المنافس وأجهزة الأشعة ونقص الأدوية...واعتداء عالاطباء ودخول المرافقين بالسلاح عالمشفى
هاد غير مشاكلنا كمقيمين من تأخر الرواتب وعدم وصول الزيادة النوعية لهلا بعد شهور رغم كل التطبيل اللي صار بأنو رح ينصفوا الأطباء ودون توضيح..
وغير انعدام التكييف بالمشفى ومشاكل منتحفظ عذكرها لأننا منحاول دايما نصون سمعة المؤسسة اللي منتبع الها وما نصير علكة.. وصابرين على كل شي..
الطبيب عنا بهالبلد شو ماعملوا مابيعطوه حقو..
ورغم هي على أقل سبب تافه بيتهجموا عليه وبيستباحوه وبيصير هو الشيطان الرجيم..
ممكن انا كطبيب اتفهم انو الناس يسهل التأثير فيها ببوست..
بس الصفحات المحرضة بتستحق مقاضاة والمرافق اللي صور هالصورة كمان.. لأنو عيب طبيب استقبلك وما أخّرك وفورا مشّالك استشارتك تكون مغافلو لتصورو بهالطريقة..

12/07/2026

يوم في مسبح نسمة الوادي (قلعة بني قحطان) part2
قلولي شو اكتر فقرة عجبتكن وشوفوا الجزء الاول
لأنو ما انشاف 💔💔😥

Address

صلنفة
Lattaquié

Website

Alerts

Be the first to know and let us send you an email when Dr village posts news and promotions. Your email address will not be used for any other purpose, and you can unsubscribe at any time.

Shortcuts

Share