20/11/2024
واحد سأل حبوبتو من
أنواع الحريم عليكم الله شوفو حبوبه صنفتهن كيف ؟
1⃣فيهن أم دماع
لا هي ست متاع
ولا هي بهيمه تنباع
عندها تركه في الضباع
عيشتها بلع وبلاع
وكل ساعتين إرجاع
مشيتها استرباع
كان عاشرتها عمرك ضاع
مباالغه
2⃣فيهن الطويله
في وقفتها ريله
سمحه وعديييله
ولاده وسليله
بتزيد القبيله
كان اتعشت بليله
ما بتقول قليله
زي زهرة خميله
دي أجمل خليله
يا سلاااام
3⃣فيهن الكفوت اللفوت
انت تجي من الخلا هي تجيك من البيوت
لا تديك قوت
ولا تخلي كلمه تفوت
ريحتها زي حروت
لا صندل ولا دروت
ودي طبعتها يوووت
تكتلك قبال تموت
استر يااااارب
4⃣فيهن بنت الدور
تمنحك الفرح والسرور
ريحة بيتها دلكه وبخور
عرضك مستور
وعيبك ما منشور
مالك مدخور
وخيرك موفور
وتوبك معطور
خمره وكافور
عاد تمام مافي كلام
5⃣فيهن اللفاحه
ام مشيتا طلواحه
لا تديك راحه
ولا تخلي ليك مساحه
كان مشت كتاحه
وكان ضحكت قحاحه
كان اتكلمت نباحه
وكان سكتت كوم قباحه
كلها بجاحه
وفراقهاا راحه
عاد صدقتي يا حبوبه
6⃣فيهن مربوعة الحريم
اوصافها زي الريم
حبها مستديم
انجابها بالتنظيم
دي فايدة التعليم
النظافة بالتعقيم
يا خشيم الاسكريم
البخطاكي يأكل نيم
امسكوا قوي
7⃣فيهن أم زعموط
أم رأسا قطقوط
زي ارنب القرموط
لسانها باقي سوط
كان تكلمت تجوط
توبها كل يوم مشروط
كملت فوقه الخيوط
جر ليها تلاته خطوط
واقعد معاها بي شروط
الله اكبر
8⃣فيهن قصيره وحكيمه
واخلاقها سمحه وقويمه
وقراراتها ديمه سليمه
وفوق بيتها طيبه وكريمه
مستوره راقيه وحشيمه
طباخه ماهره وفهيمه
وعشرتها طيبه وحميمه
كان فارقتها تكون بهيمه
😂
