26/05/2026
لمة الأحباب💞
✍️ شعر الدسوقي لوندي ✍️
🌹 شاعر الجمال $سلطان الغرام 🏹
@جميع الحقوق محفوظة
********************
بتاريخ 26/5/2026-الثلاثاء
💞💞💞💞💞💞💞💞
بي لمة الاحباب
العيد صبح عيدين
وانشاالله يا ربي
سالمين نكون تامين
💞💞
ما احلى فرح العيد
لمن يجينا يزور
يا نكهة الافراح
كاسات علينا تدور
الدنيا يوم العيد
فاضت علينا سرور
💞💞
ما احلى للاحضان
والايد تسالم الايد🤝
والفرحه تهدي قلوب
والالفه لما تزيد
تضحك عيون الناس
بتقول حباب العيد
💞💞
يا فرحة الاطفال
هم زينة الاعياد
هم زينة الدنيا
بلسم لكل فؤاد
ليهم ولينا كمان
العيد فرح ينعاد
💞💞
ليه الخصام بس ليه؟
ليه القطيعه شجار؟
يا بئس متخاصمين
يوم عيد يفيض انوار
ربي التصافي يسود
وننسى الخلاف الدار
💞💞
يارب مواسم الخير
دايماً كتيره تكون
احلامنا تتحقق
بي فضل رب الكون
عيشو الفرح في العيد
لا لي قلب محزون💔
💞💞💞💞💞💞💞💞💞
🌴✍️ الشاعر ولد المشايخ 🌴
💞💞💞💞💞💞💞💞💞
