08/06/2026
إزيكم يا المافي زيكم 👋👋👋
عايزة اقول ليكم إني قربت أتم سنة من بديت شغل الكونكريت ، 😊
لكن الرحلة الحقيقية مابدت قبل سنة يالسمحات ، الرحلة دي في الحقيقة بديت فيها قبل ٥ سنوات من أيام كنت بشتغل في الصيدلة ، كنت دايما بشوف إنو في شي ناقصني و كنت بفتش عليهو ، كنت بتصفح السوشيال ميديا لكن بدون هدف، لحدي مامرة وقعت عيني في فيديو للأشغال اليدوية، و لقيت نفسي بتصفح فيديو ورا التاني و أنا عيني بلمعو حرفيا 🥹🥹🥹
، و في مرة من المرات وقعت عيني لفيديو بيصنع الشموع و قلبي وقع فيها ، و قلت لييه ما أجرب ، و قد كان فعلا مشيت اشتريت شموع ملونة و عطور زيتية و قعدت أسيح و أصب و أجرب ، أقيف شوية و تاني أرجع ، المهم إنو في اللحظة ديك اكتشفت شغفي بالأعمال اليدوية ، كنت بحضر فيديوهات الأجانب و كانوا بعيدين شديد ياخ ، كنت بتفرج على أعمالهم حقت النحت و القص و الطباعة و الشموع ، عندهم هناك حاجة عظيمة شديد و لسة عظيمة ،
في الحقيقة انا كنت لسة بستكشف، صاح وقفت شغل الشموع و كان عندي كمية كبيرة منها في البيت بيكون الدعامة غايتو ولعو بيها بالليل 🤣🤣🤣 ، لكن ياجماعة بعت فيها طلبية لبنوتة رااقية بتحب شغل الشموع ، برغم إنو اشتغلت طلب واحد بس ، لكن كان بالنسبة لي أكمل الطريق حتى لو في حاجة تانية هو الأهم 🥰
حنكمل ليكم باقي القصة في البوستات الجاية 😊 تابعوني عشان تعرفوا بعد الشموع عملت شنووووو 😘😘😘
