01/04/2026
አስተያየታችሁን በኮሜንት መስጫው ላይ ያጋሩን።
ኮሜዲያን ያሲኖ በ"ቤተሰብ ጨዋታ" መድረክ፤ የነፃነት ወርቅነህ ተተኪ ለመሆን የቀረበው የመጀመሪያው እጩ ከፍተኛ ተቀባይነትን አገኘ
በተወዳጁ አርቲስት ነፃነት ወርቅነህ ህልፈት ምክንያት መሪ አጥቶ የቆየውና በብዙዎች ዘንድ የሚናፈቀው የ"ቤተሰብ ጨዋታ" የቴሌቪዥን መርሃ-ግብር፤ አዲስ መሪ ለመሰየም ባደረገው እንቅስቃሴ የመጀመሪያው እጩ ሆኖ የቀረበው ኮሜዲያን ያሲኖ በታዳሚው ዘንድ ከፍተኛ ድጋፍ እየተቸረው ይገኛል።
ትላንትና ማክሰኞ በዩቲዩብ ለተመልካች የበቃው ይህ መርሃ-ግብር ባልተሟላ አንድ ቀን ውስጥ ብቻ አስገራሚ አሃዞችን አስመዝግቧል፦
* ከ254 ሺህ በላይ እይታዎች (Views)
* ከ14 ሺህ በላይ መውደዶች (Likes)
* ከ3.4 ሺህ በላይ አስተያየቶች (Comments)
ኮሜዲያን ያሲኖ ያቀረበው ዝግጅት በብዙዎች ዘንድ "ለቦታው ተስማሚ ነው" የሚል ምስክርነትን እያገኘ ነው።
ምንም እንኳ በቀጣይ ማክሰኞ እና አርብ ሌሎች እጩዎች የመቅረብ እድል ያላቸው ቢሆንም፣ ያሲኖ ከመጀመሪያውኑ ያስመዘገበው ውጤት ግን ተፎካካሪዎቹን ብርቱ ፈተና ላይ የሚጥል ሳይሆን አይቀርም ተብሏል።
እናንተስ የያሲኖን አቀራረብ እንዴት አያችሁት?
ባሳየው ብቃት የነፃነት ወርቅነህን ቦታ ተክቶ የፕሮግራሙ ቋሚ መሪ ይሆናል ብላችሁ ታስባላችሁ?
